O próximo xoves 3 de decembro, ás 19:30 horas, na Casa da Cultura de Sarria preséntase o libro gañador da novena edición do Premio de Poesía Fiz Vergara Vilariño: Palabras para un baleiro de Baldo Ramos. Participarán na presentación o propio Baldo Ramos, o editor Miguel Anxo Fernán-Vello, o Concelleiro de Cultura Xermán Arias e a Presidenta de Ergueitos María Casar. Pechará o acto coa actuación dun dúo de violinistas.
Arquivos da etiqueta: Sarria
Mañá saberemos quen gañou o IX Premio de Poesía Fiz Vergara Vilariño
A Agrupación Cultural Ergueitos e a Concellaría de Cultura do Concello de Sárria convocan aos medios de comunicación e ao público en xeral ao acto de apertura da plica da obra gañadora da novena edición do Premio de Poesía Fiz Vergara Vilariño, que se levará a cabo mañá sábado 14 de marzo, ás 13:30 horas, no Salón de Plenos do Concello de Sárria. Este acto levarase a cabo logo da derradeira reunión dos membros do xurado, composto polo Concelleiro de Cultura de Sárria, Xermán Arias, a Presidenta da Agrupación Cultural Ergueitos, María Casar (ambos con voz e sen voto) e os poetas Xosé Antón Neira Cruz, Lucía Aldao e Pilar Pallarés.
