[kml_flashembed movie="http://www.youtube.com/v/ifiMrGyQOco" width="425" height="344" wmode="transparent" /]O día 13 foi presentado o libro Construcións (Edicións Positivas), de Eduardo Estévez. O vídeo que aquí presentamos, adiantado como trailer, é de Lara Bacelo.
Arquivos mensuais: Novembro 2008
A Real Academia Galega dixitalizará os seus fondos
A Coruña: próximas actividades da A. C. Alexandre Bóveda
NOVEMBRO
* Venres 21: XII edición do Memorial de teatro Ibán Toxeiro, ás 20:30h, no Teatro Rosalía de Castro coa actuación de Teatro Proscrito representando A velada de Jenaro Marinhas del Valle a quen se lle adica este ano o memorial.
Entrada de balde.
* Mércores 26: XII edición do Memorial de teatro Ibán Toxeiro, ás 20:30h, no Forum Metropolitano do Parque Europa, coa actuación do Grupo de Teatro Alexandre Bóveda representando A serpe e o Grupo de teatro da Fundación
Wenceslao Fdez. Flórez Fas-que-Fas representando O bosque ambas obras de Jenaro Marinhas del Valle. Entrada de balde.
A AC Alexandre Bóveda participa na organización da Homenaxe popular da Terra das Mariñas a Isaac Díaz Pardo, os actos desta homenaxe son os seguintes:
Luns 24: Conversas con Felipè Senén e Pancho Pillado, ás 20:30 h na Terraza de Sada.
Martes 25: Proxección da biofilmografía sobre Isaac D. Pardo no IES Díaz Pardo de Sada.
Mércores 26: Conversas con Xosé Neira Vilas, Xosé Luis Axeitos e Avelino Pousa Antelo na Terraza de Sada, ás 20:30h.
Xoves 27: Proxección da película Isaac de Xosé Abad, ás 20:30 h. Na Casa da Cultura de Sada.
Venres 28: Actuación do Coro Cántigas da Terra, ás 20:30 h. Na Casa da Cultura de Sada.
Sábado 29: Foliada no Campo da Festa do Castro (Sada) a partir das 13:30 h, con xantar popular, xogos tradicionais e actuacións musicais.
A nosa entidade sumase máis un ano, ós actos da Marcha Mundial das Mulleres polo 25 de novembro:
Martes 25: Concentración no Obelisco da Coruña, ás 20:30 h.
Venres 28: Clausura da exposición sobre as mulleres caboverdianas de Burela na Casa da Cultura de Carballo ás 20:30 h.
DECEMBRO
* Xoves 4: Inauguración da exposición de fotografía do Colectivo Ollo de Vidro da nosa entidade, ás 20:30 h no salón de actos da asociación. Aberta até o 31 de decembro.
* Sábado 13: Cea de socios e socias da Asociación Cultural Alexandre Bóveda. Aberto o prazo de inscripción.
Compostela: presentación de Sar, Sarela e os monstros de Compostela, de Paco López-Barxas e Kiko Dasilva
O escritor Paco López-Barxas e o ilustrador Kiko Dasilva, autores de Sar, Sarela e os monstros de Compostela, manterán hoxe un encontro con escolares dos colexios Raíña Fabiola e Colexiata do Sar, aos que van explicar o proceso creativo desta obra, publicada por KALANDRAKA en colaboración co Consorcio de Santiago e co Concello. Ao acto, a partir das 11:30 horas na Galería Sargadelos, asistirán tamén o alcalde, Xosé Sánchez Bugallo, e representantes do Consorcio.
A Coruña: presentación do poemario Nocturnidade do sal, de Alexandre Nerium
O día 21 de novembro, ás 19:00 na Real Academia Galega, terá lugar o acto de presentación do poemario Nocturnidade do sal, de Alexandre Nerium (Sotelo Blanco, Col. Edoy Leliadoura). Intervirán Xosé Luís Axeitos Agrelo, Francisco Fernández Rei, Salvador García Bodaño, Xosé María Dobarro Paz, Olegario Sotelo Blanco e o autor.
Ourense: presentación dos poemarios Voz alzada, de Aurora Vidal Caramés, e Deambulario, de Clementina Vidal Caramés
O día 20 de novembro, ás 20:15 no Salón Noble do Liceo de Ourense, terá lugar o acto de presentación dos poemarios Voz alzada, de Aurora Vidal Caramés, e Deambulario, de Clementina Vidal Caramés. Intervirán Victor Campio (poeta), Fernando Pérez Poza (editor) e as autoras. (Liceo de Ourense)
A Coruña: Historias da Coruña. A memoria da cidade
Do 19 ao 28 de novembro de 2008 deselvolveranse as Historias da Coruña. A memoria da cidade: “O futuro da cidade construímolo entre todos e todas, no día a día, aproveitando sempre o traballo e a experiencia de quen nos precedeu, ao tempo que planificamos en termos de futuro, transcendendo intereses inmediatos co pensamento nas vindeiras xeracións.”
Intervirán através dun amplo programa Xavier Seoane, Aurora Marco, María Lopo, Kathleen March, Tareixa Campo, Laura Tato, Cilha Lourenco, Carlos Biscaínho, Xosé António Fraga, Xosé Luís Martínez, Laura Mariño e Diego Pardo. Ver programa. (AS-PG)
Rianxo: IX Seminario Internacional de Lingua(s), Tradución e Poética
O IX Seminario internacional de lingua(s), tradución e poética (eidos poéticos na lingua e pensamento) terá lugar do 26 ao 29 de novembro de 2008 en Rianxo (A Coruña). Este seminario, convocado anualmente por AULIGA, con sede legal na Biblioteca América da Universidade de Santiago, celebra os seus encontros partindo de creadores das linguas galega, castelá e portuguesa, alén doutras especialmente convidadas, como nesta convocatoria a inglesa, representada polo poeta Richard Burns (Cambridge). Asemade favorece unha troca de experiencias literarias e ensaísticas entre escritores españois, galegos, portugueses ou doutras comunidades lingüísticas. Realízase ademáis un Obradoiro de Escritura, Tradución e Poética, asistido polos escritores, críticos e profesionais destas materias invitados especialmente ao Seminario. (AULIGA)
O Ateneo Ferrolán dispón da colección completa do diario El Correo Gallego (1878-2008)
A Fundación Barrié de la Maza fixo entrega ao Ateneo Ferrolán da colección microfilmada de El Correo Gallego correspondiente ao periodo comprendido dentre o 1 de agosto de 1878 e o 30 de abril de 1974.
Con esta entrega o Ateneo Ferrolán conta na súa biblioteca-hemeroteca a colección completa do diario El Correo Gallego para o seu uso público. Esta entrega enmárcase no proxecto de posta en valor da hemeroteca e biblioteca do Ateneo Ferrolán financiado pola Fundación Barrrié de la Maza. (Ateneo Ferrolán)
Compostela: presentación de Palabras extremas: Escritoras gallegas e irlandesas de hoy
O venres 21 de novembro, ás 20:00 na Libraría Couceiro de Santiago de Compostela (Praza de Cervantes), terá lugar a presentación de Palabras extremas: Escritoras gallegas e irlandesas de hoy (Netbiblo), con edición de Manuela Palacios González e Helena González Fernández. Intervirán Antonio Raúl de Toro Santos (Editor Xeral da colección Irish Studies), Arturo Casas (especialista en literatura comparada e escritor), Manuela Palacios e Mª Xesús Nogueira (Proxecto “Poesía e Xénero”).
Ao acto de presentación seguiralle un recital de poesía coa participación de María do Cebreiro, Chus Pato e Ana Romaní.
