O 15 de abril, ás 19:30 horas, na A. C. Alexandre Bóveda (Rúa Santo André, 36, 1º), na Coruña, terá lugar a presentación do libro Personaxes da Galiza medieval II. A Asociación Cultural O Galo de Santiago está a editar unha colección sobre personaxes da Galiza medieval, para contar a historia de homes e mulleres que desempeñaron na nosa Terra un rol relevante, entre os séculos VI e XV. É importante coñecer a nosa historia e tomar conciencia sobre a ocultación e deturpación que sufriu canto sucedeu aquí ao longo dos séculos. As biografías que aquí se recollen son as da raíña Dona Sancha, Fernando e Vermudo Peres de Trava, o arcebispo Bernardo II, Paio Gómez Chariño, Afonso Soares de Deza, Pedro Fernández de Castro e Fernando Ruis de Castro. Contarase na presentación co historiador Xosé Miguel Andrade Cernadas, catedrático na USC (coautor desta obra) e con Mª Antonia Pérez, profesora titular na UDC. As persoas interesadas poden inscribirse aquí. As asistentes levarán de agasallo ese libro que se editou grazas a unha axuda da Deputación da Coruña.
Arquivos da etiqueta: Agrupación Cultural Alexandre Bóveda
A Coruña: Unha viaxe polo Eo-Navia e a súa galeguidade, palestra de Manuel Miragaia
O 11 de abril, ás 19:30 horas, na A. C. Alexandre Bóveda da Coruña (Rúa Santo André, 36, 1º), terá lugar a palestra Unha viaxe polo Eo-Navia e a súa galeguidade, impartida por Manuel Miragaia, que será presentado por Xoán Antón Pérez Lema. Durante o acto proxectaranse fotografías e mapas do Eo-Navia. As persoas interesadas poden inscribirse previamente aquí.
A Coruña: presentación da Poesía reunida de Xosé Luís Méndez Ferrín
O 9 de abril, ás 19:30 horas, na A. C. Alexandre Bóveda (Rúa Santo André, 36, 1º), na Coruña, preséntase a Poesía reunida de Xosé Luís Méndez Ferrín, publicada por Xerais, coa presenza do autor desta edición, Anxo Angueira, acompañado por Xosé Luís Axeitos. As persoas interesadas poden inscribirse aquí.
A Coruña: “Homenaxe a Castelao: Arte, Narrativa e Teatro”
O 8 de abril, ás 19:30 horas, na A. C. Alexandre Bóveda (Rúa Santo André, 36, 1º), na Coruña, o grupo Alexandre Bóveda Teatro súmase ao aniversario de Castelao cun espectáculo que combina diferentes expresións artísticas inspiradas na obra do autor. A través de debuxos que evocan os seus contos, narrados polos intérpretes do grupo, e a representación dun fragmento da súa célebre obra dramática Os vellos non deben de namorarse, o público poderá mergullarse no universo creativo de Castelao. Dirixe a montaxe Manuela Varela. As persoas interesadas poden inscribirse aquí.
A Coruña: presentación de Papaventos abismados, de Marta Dacosta
ADIADA A Corunha: conversa com Teresa Moure arredor de Ostrácia
A Coruña: conferencia “O universo Isaac Díaz Pardo. Entre a Revolución Industrial e o Art Déco”, por Iria-Friné Rivera Vázquez
A Coruña: presentación do Manifesto Lieders, de Rosalía de Castro
A Coruña: Cerimonia de gaivotas por Palestina
O 21 de marzo, ás 19h30, na A. C. Alexandre Bóveda (Rúa Santo André, 36, 1º), na Coruña, con motivo do Día Internacional da Poesía, proponse unha actividade onde a palabra poética ao servizo da causa do pobo palestino coa Cerimonia de Gaivotas por Palestina.
A Cerimonia de Gaivotas é un micro aberto de poesía que botou a andar hai tres anos da man de Branca Trigo e Alfredo “O Hanabi” Vázquez (cofundadores tamén da editorial independente Malafera). De comezo celebrábase en diversos locais de Vigo, pero co tempo, ao acadar participantes doutras zonas de Galiza, a cidade olívica empezou a alternar coa Coruña e Ourense.
Supón un espazo seguro, libre e autoxestionado no que compartir os intereses creativos tanto de poetas xa recoñecides como de afeccionades á poesía, animándose moites deles a recitar en público por primeira vez.
O sistema de funcionamento é moi simple: o micro queda a disposición de quen queira e se anime a participar, no momento que o desexe. Só se establecen dúas normas: ser moderades no tempo, para deixar tempo aes demais, e non lanzar dende o micro mensaxes de odio, para garantir a seguridade do espazo.
Esta actividade realízase en colaboración con UDCxPalestina.
As persoas asistentes levarán de agasallo un exemplar da antoloxía poética de De amor e desamor (2009).
A Coruña: “As antoloxías poéticas contra a violencia de xénero no século XXI”, por Laura Freire Ledo
O 20 de marzo, ás 19:30 h, na A. C. Alexandre Bóveda da Coruña (Rúa Santo André, 36, 1º), no marco do ciclo Aula Aberta, Laura Freire Ledo falará das antoloxías poéticas contra a violencia de xénero no século XXI. Na palestra realizarase unha análise da poesía galega do século XXI contra a violencia de xénero a partir de tres antoloxías colectivas, os dous volumes de Polifonías: Voces poéticas contra a violencia de xénero e o Manifesto 25N, atendendo ás condicións institucionais de publicación e aos seus repertorios temáticos.
Laura Freire Ledo é graduada en Galego e Portugués. Estudos Lingüísticos e Literarios. Actualmente cursa o Mestrado Universitario en Profesorado de ESO e Bacharelato, F.P. e Ensino de Idiomas. Esta actividade fai parte do ciclo Aula Aberta que facemos co Grupo Illa da Facultade de Filoloxía da UDC.
