Arquivo da categoría: Ciencia

A Coruña: comezan as celebracións do “Ano Darwin”

Publicado o por

Os Museos Científicos Coruñeses comezan a celebración do Ano Darwin coa presentación aos medios da programación prevista para conmemorar a efeméride mañá xoves 12 de febreiro de 2009, xusto o día no que se cumpren douscentos anos do nacemento do científico británico. Será a partir das 19:15 na Domus, e no acto terá lugar unha breve representación especialmente elaborada para a ocasión por parte de Casa Hamlet, recoñecida entidade teatral coruñesa.

A continuación, ás 20 horas, haberá un coloquio sobre a teoría da evolución realizado en colaboración coa Unidade de Divulgación e Cultura Científica e Facultade de Ciencias da Universidade de A Coruña, presentado e moderado polo director dos Museos Científicos, Xosé Antón Fraga, e no que intervirán os profesores desta institución académica Roberto Bao, Marta Vila e Pedro Galán e mais o divulgador Ernesto Carmena. A entrada é libre até completar o aforo.

Guía de mamíferos de Galicia (Bahía Edicións), ilustrado por Calros Silvar, Premio Isaac Díaz Pardo

Publicado o por

Despois da primeira votación entre as candidaturas presentadas ao Premio Isaac Díaz Pardo ao Libro ilustrado do 2007, co que se pretende recoñecer un libro ilustrado editado polos membros da AGE e publicado orixinalmente en lingua galega entre o 1 de decembro de 2006 e o 30 de novembro de 2007. Despois da primeira votación entre as candidaturas presentadas resultaron finalistas as seguintes obras: son “Guía de mamíferos de Galicia”, ilustrado por Carlos Silvar (Baía Edicións), “Minimaladas”, ilustado por David Pintor (Edicións Xerais de Galicia), e “Titiritesa”, ilustrado por Mauricio A. C. Quarello (OQO Editora). Trala derradeira votación resultou gañadora BAÍA EDICIÓNS por “Guía de mamíferos de Galicia”, ilustrado por Calros Silvar.» (AGE)

I Encontro de Poesía en Lugo

Publicado o por

«Os días xoves 29 e venres 30 de novembro celebrarase en Lugo o I Encontro de Poesía cunha grande parte dos poetas galegos de máis renome (Manolo Rivas, Yolanda Castaño, Luz Pozo, Álvarez Caccamo…). Tamén se contará coa presenza de moitas personalidades como o alcalde de Lugo (na inauguración) ou o Ministro de Cultura (na súa clausura).» (Dirección de RNE Galicia)