Xa está disponíbel o número 16 da revista foeminas, onde se dedica un espazo á obra de Marilar Aleixandre. Para consultala, só é preciso entrar na web da revista.
Arquivo da categoría: Edición
Presentación de “Saudar a vida”, de Xavier Seoane
O ensaio Saudar a vida. Unha defensa das humanidades na sociedade do coñecemento, de Xavier Seoane, será presentado o xoves 19 de abril, ás 20:00 horas, na Galería Sargadelos d’A Coruña (Rúa Real, 56). No acto, que contará coa participación de Manuel Gallego Jorreto, participarán tamén Cesáreo Sánchez Iglesias, Manuel Bragado (Edicións Xerais) e o propio autor.
Presentación dunha antoloxía dos Premios Esquío (1981-2006)
O día 21 de abril, sábado, a Sociedade de cultura Valle-Inclán de Ferrol honrará o Patrimonio de Feira Antiga na Arquitectura dos Pendellos d’Agolada coa celebración dos seus 25 anos (máis un) de existencia, na coordinación do Premio Esquío de poesía (galego e castelán). Neste contexto terá lugar a presentación do libro Poesía viva, pura poesía (Antoloxía dos Premios Esquío: 1981-2006), e un recital dos poetas premiados conducido por Vicente Araguas. Entre os poetas que xa teñen confirmada a súa asistencia figuran: María do Carme Álvaro, Ramón Caride, Baldomero Iglesias Dobarrio, Fernández Abella, David Otero, Elvira Riveiro Tobío e Ángel Utrera Baza.
Presentación d’ “O alento da musa”, de Alberte Momán
Será o martes día 11 de abril. Para máis información véxase nota anterior.
Presentación da primeira obra en galego de Pere Tobaruela
«O venres 13 de abril, a partir das oito do serán, a Galería Sargadelos de Santiago acollerá a presentación do libro de relatos Con ollos de neno de Pere Tobaruela, nova entrega da colección Mandaio de Biblos. No acto, ademais do autor, intervirá Rosario Álvarez, directora do Instituto da Lingua Galega.» (Biblos)
Máis apoios para as iniciativas dos escritores
Presentación d’ “Os feministas”, nº 22 de «Festa da palabra»
O 12 de abril, ás 20 horas, na Casa do Libro terá lugar a presentación d’ “Os feministas”, nº 22 de Festa da palabra. O acto será presentado pola Concelleira da Muller do Concello de Vigo e contará coa intervención de María Armesto, Mónica Bar, Carlos Bernárdez e María Xosé Queizán.
Presentación d’ “O alento da musa”, de Alberte Momán
A presentación d’ O alento da musa de Alberte Momán terá lugar na Livraria Torga (Rúa da Paz 12, Ourense) o día 12 de abril ás 20:00 horas. Contará coa presenza do autor e de Xavier Paz, editor da Difusora de Letras Artes e Ideas.
Ramón Villares codirixirá unha “Historia de España” en doce volumes
Galería Sargadelos de Ferrol: «Educar para ler»
A Galería Sargadelos Ferrol informa de que comezan as actividades da campaña de animación á lectura «Educar para ler», con encontros entre alumnos de centros de ensino de Ferrolterra e os autores dos libros seleccionados polos propios centros educativos con motivo desta campaña.
O venres 27 de abril ás 17:30 horas contarán coa presenza de Yolanda Castaño e Eduardo Hermida, escritora e ilustrador do libro Punver. No acto os autores realizarán un obradoiro con música e dramatización da obra.
