Arquivo da categoría: Literatura e ensino

O escritor anglosaxón Bali Rai visitará varios institutos de Galicia

Publicado o por

O escritor, que ten no seu haber preto dunha vintena de títulos, algúns de tanta repercusión coma Rani & Sukh ou The crew e prestixiosos premios coma o “Brandford Boase Award Shorlist” ou o “Angus Book Award”, estará en varios institutos de Galicia entre o 24 e o 27 de novembro:

Luns día 24 – Sada (IES Isaac Díaz Pardo) e Arteixo ( IES Manuel Murguía)
Mates día 25 -Catoira (CPI de Progreso) e Sada (clube de lectores do IES Isaac Díaz Pardo)
Mércores día 26 – Boiro (Casa da Cultura con alumnos do IES A Cachada) e A Coruña (clube de lectores do IES Menéndez Pidal)
Xoves día 27 – Santiago de Compostela (IES Antón Fraguas) e Silleda (IES Pintor Colmeiro)

Bali Rai confírmase xa como un dos escritores máis prolíficos e de maior éxito na literatura anglosaxona xuvenil. (Sotelo Blanco Edicións)

O escritor anglosaxón Bali Rai percorrerá os institutos galegos ao longo da próxima semana

Publicado o por

O escritor, que ten no seu haber preto dunha vintena de títulos, algúns de tanta repercusión coma Rani & Sukh ou The crew e prestixiosos premios coma o “Brandford Boase Award Shorlist” ou o “Angus Book Award”, percorrerá ao longo da próxima semana os centros educativos da Coruña, Sada, Arteixo, Silleda, Catoira, Boiro e Santiago de Compostela para partillar cos rapaces e rapazas a súa experiencia de fillo de emigrantes hindús -punxabis- e os seus problemas de integración dentro dunha cultura tan diferente como é a anglosaxona. Este diálogo cara a cara cos rapaces terá como punto de partida a presentación do seu libro Un casoiro ben mal amañado, editado recentemente por Sotelo Blanco. A obra, destinada a un público xuvenil, retrata, cunha linguaxe áxil e sen complexos, o conflito que representa para un rapaz adolescente desafiar as ríxidas estruturas patriarcais da cultura punxabi e forxarxe a si mesmo para procurar a propia identidade. (Sotelo Blanco Edicións)

Compostela: Club de lectura virtual universitario Galicia-Norte de Portugal

Publicado o por

Desde a Oficina Antena CEER do Colexio San Xerome (Praza do Obradoiros, s/n) convidan ao acto de presentación do Club de lectura virtual universitario Galicia-Norte de Portugal, da Fundación Centro de Estudios Eurorrexionais Galicia- Norte de Portugal (CEER), que terá lugar o vindeiro día 27 de novembro, ás 12:30h. no Salón de Actos do Instituto Xelmírez I, sito na rúa Poza de Bar s/n, en Santiago de Compostela.
O acto, presidido polo Excm. Magfco. Sr. D. Senén Barro Ameneiro, Reitor da Universidade de Santiago de Compostela e Presidente da Fundación CEER, contará coa presenza dos escritores Rubén Ruibal, Premio Nacional de Literatura Dramática 2007, e Carlos Losada, coautores da obra Lume.
Este club de lectura virtual, créase como punto de encontro da comunidade universitaria galega e portuguesa do norte para o fomento da lectura en galego e portugués.
Comentarlle tamén que a iniciativa de celebrar o acto nun centro de ensinanza secundaria parte da idea de achegar o mundo universitario ao ensino secundario, primario e á comunidade galega e portuguesa en xeral, nesta caso concreto, mediante unha actividade de intercambio e promoción da literatura galega e portuguesa.

“Espazo Lectura” ofrece un intenso programa de actividades no mes de novembro

Publicado o por

POLO SAN MARTIÑO, LIBROS AO CAMIÑO
Espazo Lectura desenvolve un intenso programa de actividades no mes de novembro

► Nova sesión do Contomar o próximo luns.
Coa sesión semanal de contacontos do próximo luns, Espazo Lectura inicia un intenso programa de actividades de fomento da lectura que se desenvolverá ao longo de todo o mes de novembro baixo o lema Polo San Martiño, libros ao camiño. A sesión deste próximo luns, se o tempo o permite, desenvolverá unha primeira parte na Praza de Portugal, ao aire libre, para continuarmos logo na biblioteca municipal con historias como Corre, corre, cabaciña ou Paco Papán e a celebración do cumprecontos dunha das nenas socias do Contomar. Acompañarannos, como en cada sesión, o saco Paco e a saqueta Henriqueta, as mascotas do Contomar.

► Nacen dous novos clubs de lectura.
Dentro da programación do mes de novembro inclúese tamén o nacemento de dous novos clubs de lectura. O día 4 teremos a 1ª sesión do club de lectura Sete vidas que cada mes propoñerá un libro para ler e comentar. Nesta 1ª convocatoria a tertulia xirará arredor da novela Así nacen as baleas, de Anxos Sumai. Ademais, o día 18 de novembro botará a andar o club Lecturas debuxadas que cada mes propoñerá a lectura dun título de cómic para logo comentar en grupo.

► Contos en cantos.
Do 10 ao 15 de novembro presentarase en Gondomar o libro-CD-DVD Contos en cantos, un proxecto de OQO Editora e a Secretaría Xeral de Política Lingüística que Espazo Lectura coordina na nosa comarca. Durante toda esa semana un total de 450 nenos e nenas de todos os colexios públicos de Gondomar visitarán na Casa da Cultura a exposición IMAXINOQO e asistirán a un contacontos organizado por Espazo Lectura. Ademais, o venres 14 á tarde celebraranse dous obradoiros Q SON (precísase inscrición), un para nenos e nenas de 5 a 7 anos e outro para nenos e nenas de 8 a 10 anos. A semana de actividades rematará o sábado 15 co concerto de presentación das cancións que se inclúen no proxecto: será ás 12 da mañá no auditorio Lois Tobío coa presenza de Almudena Janeiro.

► Remoldiño vai á feira.
O día 26 de novembro teremos dúas funcións do espectáculo Remoldiño vai á feira, unha peza de teatro representada pola compañía Casahamlet a partir dun conto de Xoán R. Cuba publicado por Edicións Xerais. A 1ª sesión será ás 12 da mañá para o alumnado do CRA Antía Cal e a 2ª sesión será á tarde, aberta ao público previa inscrición a través de Espazo Lectura. Este proxecto, igual que Contos en cantos, forma parte da campaña Voces á orella promovida pola Secretaría Xeral de Política Lingüística.

► Club de lectura compartida Lendo contigo.
Por último, no último sábado de novembro retomaremos as sesións do club de lectura compartida Lendo contigo, para nais e pais e para nenos e nenas de 8 a 11 anos. Esta iniciativa, que naceu hai case un ano e na que están inscritos 30 nenos e nenas, contou nas sesións anteriores coa presenza de autores como Agustín Fernández Paz, Miguel Vázquez Freire, Antonio García Teijeiro, Fina Casalderrey, Cándido Pazó e Xabier López. O libro proposto para a próxima sesión será Boas noites, de Paula Carballeira, e contaremos coa presenza da autora. Será o día 29 de novembro ás 12 da mañá na Biblioteca Municipal de Gondomar.

Val Miñor, 31 de outubro de 2008

Oito editoriais fomentan o galego co apoio de Política Lingüística

Publicado o por

«[…] O programa incluirá lectura, música, contacontos, teatro, xogos, pintura e outras actividades gratuítas destinadas a unha franxa de idade que “é onde está o futuro do galego”.

Así, as editoriais participantes, A Nosa Terra, Baía, Galaxia, Kalandraka, Oqo, Rodeira, Sotelo Blanco e Xerais, organizarán diferentes actividades baseadas en temas escollidos por elas que está previsto que cheguen a perto de 50.000 mozos co obxectivo de “formar lectores que serán futuros falantes”. […]» (A Nosa Terra)