No Centro Social Madia Leva! (Rúa Amor Meilán 18, Lugo) continúan os actos do Mes da Lingua. Hoxe xoves 28 terán como convidado a José Manuel Barbosa, historiador e membro do consello de AGAL, que impartirá unha palestra titulada A lingua galego-portuguesa no mundo. A matriz galega. Nela tratará distintos temas como a aparición da língua galego-portuguesa no noroeste peninsular, a súa situación anterior á entrada do latín, a situación lingüística durante a Baixa Idade Media e a súa dimensión nacional e internacional. Será a partir das 20:30.
Arquivo da categoría: Lingua
A Coruña: conferencia de Goretti Sanmartín
A Asociación Cultural Alexandre Bóveda informa que este xoves 28 de maio terá lugar a conferencia Os retos da(s) lingua(s) hoxe a cargo da filóloga e profesora da Universidade da Coruña Goretti Sanmartín dentro do ciclo Lingua e Letras. Será ás 20:30 h, no salón de actos da asociación (R/ Olmos 16-18, 1º) con entrada libre.
Lugo: conferencia do académico Carlos Varela Aenlle
No Centro Social Madia Leva principia o ciclo de conferencia dentro dos actos da Mes da Lingua. Este venres 22 de maio ás 20:30 Carlos Varela Aenlle, académico da RAG e presidente da Asociación Abertal do Eo-Navia, falará da situación do galego en Asturias.
A Asociación Abertal do Eo-Navia vén de sacar á luz un informe lingüístico que reivindica que o galego é a lingua que se fala neste zona limítrofe entre Galiza e Asturias. Nel faise unha comparanza co galego e o asturiano e vese que as falas eonaviegas teñen un 86% de proximidade co galego. A nosa lingua na comarca do Eo-Navia sofre os continuos ataques da Academia de la Llingua Asturiana (ALLA) que identifica identidade con lingua e asegura que as falas eonaviegas son asturiano. Carlos Varela denuncia que o asturianismo actúa como un boicote. Esnaquiza calquera cousa referida á cultura galega como a gaita ou a mitoloxía. Todo o que ula a galego estase a eliminar. Esta persecución vese alimentada tamén por medios como La Nueva España. Abertal ten como fin a consecución da cooficialidade da lingua galega de Asturias como riqueza indiscutíbel do patrimonio cultural asturiano e a súa vez servir de ponte e instauración de relacións con todo o mundo cultural galego-portugués do que sen dúvida se considera e fai parte.
A conferencia celebrarase este venres 22 de maio ás 20:30 no Centro Social Madia Leva! (Rúa Amor Meilán,18, Lugo).
A AELG e o “Xornal de Galicia” inician unha serie de conversas con escritores galegos
Cesáreo Sánchez Iglesias, María do Cebreiro e Leo F. Campos estrearon onte unha serie de conversas con escritores e escritoras do país, organizada por Xornal de Galicia en colaboración coa Asociación de Escritores en Lingua Galega. Na véspera do Día das Letras o primeiro encontro puxo a lingua enriba da mesa: o proceso de normalización, o modelo educativo, a relación co portugués, etc. A conversa completa poden lela aquí.
A Coruña: conferencia de José Manuel Barbosa
Hoxe ás 20 horas na Fundación Caixa Galicia (no Cantón Grande) José Manuel Barbosa, conselleiro da Associaçom Galega da Língua, impartirá a conferencia O surgimento da língua galego-portuguesa no noroeste peninsular. O acto está organizado pola Agrupaçom Cultural O Facho. A entrada é libre até completar aforo.
Lugo: presentación do Atlas histórico da Galiza
Mañá xoves 26 de marzo o profesor José Manuel Barbosa Álvares presenta o Atlas Histórico Da Galiza en Lugo, na Librería Trama (Avenida da Coruña, 21), a partir das 20 horas. O acto é de entrada libre.
A Coruña: conferencia de Alfredo Erias
Mañá mércores na Fundación Caixa Galicia da Coruña (no Cantón Grande) Alfredo Erias Martínez impartirá unha conferencia co tema Imaxe do galego na Baixa Idade Media. Alfredo Erias Martínez é arquiveiro-bibliotecario do Concello de Betanzos, director do Museo das Mariñas e do Anuario Brigantino. De carácter polifacético, é autor de diversos libros e numerosos traballos de investigación, pintor, debuxante e gravador, ademais de editor, posto que fundou con Mª Teresa Garea no 1997 Briga Edicións. O acto comezará ás 20 horas e a entrada é libre até completar capacidade.
O Facho organiza un curso de Lingua Galega
O curso terá umha duraçom de 14 semanas, sendo as suas aulas 1 dia por semana de 1 horas de duraçom. O mesmo realizara-se no local social da Associaçom de 9 p.m. até as 10 p.m. nas terças-feiras (martes). Leccionara-se as duas normas dominantes na escrita da nossa Língua. O custo do mesmo: Sócios: 5 €; Nom sócios: 30 €; Estudantes: 15 €. Para se inscrever, pode-se fazer no endereço postal da Agrupaçom,
Agrupaçom Cultural O Facho
Rua: Federico Tapia 12-1º- C
15005 A Corunha
e no correio electrónico, o_facho_a_cultural@yahoo.com.br. Som precisos os seguintes dados: Nome e apelidos, a sua pertença ou nom à Agrupaçom, endereço postal, correio electrónico (se o tem), e telefone.
Compostela: XI Encontros para a Normalización Lingüística
Organizados polo Consello da Cultura Galega, os días 12 e 13 de febreiro celebraranse en Santiago de Compostela os XI edición dos Encontros para a Normalización Lingüística que teñen coma obxectivos “contribuír ao estudo, á reflexión e ao debate sobre a planificación lingüística en Galicia; constituír un punto de encontro, análise e debate para todos aqueles profesionais que desenvolven o seu labor nos diferentes servizos de normalización lingüística e servizos lingüísticos existentes en Galicia, e colaborar na formación continua de especialistas en planificación lingüística”. Os Encontros van dirixidos principalmente a técnicos/as de normalización lingüística e a especialistas e estudosos/as do ámbito da planificación lingüística. A inscrición pode realizarse a través desta páxina web.
Debate sobre as linguas menos estendidas
A A.C. O Galo leva a debate as conclusións que a Axencia Europea de Linguas Menos Estendidas tira da situación actual das linguas galega, catalana e vasca, contando para isto cos representantes máis significativos dos movementos sociais que promoven a normalización das suas respectivas linguas propias: Carlos Callón (presidente da Mesa Pola Normalización Lingüística, presidente do Comité do Estado da Axencia Europea das Linguas Menos Estendidas), Mikel Etxebarria (membro da Dirección Europea da Axencia Europea das Linguas Menos Estendidas), Maria Arenys (Centre Internacional Escarré per a les Minories Ètniques i les Nacions), Iulen Orbiola (Euskara Kultur Elkargoa, de Navarra).
será o martes 16 ás 20:00. Organiza: Fundación Via Galego.
