O canto do muecín, novela de Lois Diéguez editada na colección Central Literaria de Edicións A Nosa Terra, presentarase na Coruña o día 14 de xuño ás 20:30 horas en “Portas Ártabras” (Rúa Sinagoga, 22). Desde as 18:30 horas o autor estará no mesmo lugar para a asinatura de libros. Organizan a A.C. Alexandre Bóveda e os Amigos dos Museos de Galicia.
Arquivo da categoría: Narrativa
Entrega de premios do concurso “Contos do Mediterráneo”
Dentro do programa do “IIº Ciclo Galiza: nin rastro de mulleres?”, na Biblioteca Francesca Bonnemaison de Barcelona (Sant Pere més Baix, 7) terán lugar un recital poético en homenaxe a María Mariño e a entrega de premios do concurso literario Contos no Mediterráneo, que contará coa presenza do escritor Diego Ameixeiras. Será o venres 25 de maio de 2007, ás 19 horas.
Suso de Toro en Carballo
O Concello de Carballo e a Cervexaría San Xoán promoven unha conversa con Suso de Toro, autor de Home sen nome, dentro do proxecto Literactúa, de difusión do libro e da lectura en galego. Será o mércores 30 de maio de 2007 ás 20.30 horas na Cervexaría San Xoán (Rúa de Ourense, 8-10, Carballo)
Presentación d’ “O alento da musa”, de Alberte Momán
O venres 25 de maio de 2007, ás 19:30 horas no Ateneo de Ferrol (Rúa Magdalena, 202), presentarase o libro de narrativa de Alberte Momán O alento da musa (Difusora de Letras, Artes e Ideas). O acto contará coa presenza do autor.
Presentación de “Camiño da cidade”, de Robustiano Rodríguez
A presentación do libro Un autobús camiño da cidade, de Robustiano Rodríguez, terá lugar en Lugo o próximo domingo día 20 de maio, ás 19:00 horas, na Carpa da Feira do Libro (Praza Maior). Intervirá, ademais do autor, a poeta e narradora Marica Campo.
Presentación d’ “A saga de San Ferreol”, de Ramón Loureiro
No Ateneo Ferrolán, o xoves 10 de maio ás 20:00 horas, terá lugar a presentación do libro A saga de San Ferreol, con texto de Ramón Loureiro e ilustracións de Francisco Pérez Porto.
Presentación de “Peregrinos sen fe”, de Sérgio Luís de Carvalho
Este martes día 8, ás 12:00 horas na cafetaría do Hostal dos Reis Católicos en Compostela, recibirá a xornalistas e lectores Sérgio Luís de Carvalho. A editora ofrece un café aos presentes ademais de un exemplar de Peregrinos sen fe, unha novela que aparece simultáneamente en portugués (Campo das Letras) e en galego (Biblos).
Presentación d’ “O canto do muecín”, de Lois Diéguez
A presentación do libro O canto do muecín, de Lois Diéguez, terá lugar o mércores 9 de maio ás 20:30 horas Teatro Principal de Compostela. Ademais do autor, que estará asinando exemplares da obra no lugar do acto a partir das 18:30 horas, participarán Enrique Acuña, Antón Fortes, X.L. Santos Cabana, Merche Espiño e Anxo Angueira.
Programación de maio da Casa do libro de Vigo
Venres 4: Homenaxe a Gonzalo Anaya co gallo da presentación do volume Gonzalo Anaya. La passió educativa, editado pola Universidade de Valencia. No acto intervirán Xesús Alonso Montero, Antón Costa, Antía Cal, Blanca Caamaño e Manuel Bragado. Ás 20 horas.
Xoves 10: Presentación do libro de Xosé Carlos Caneiro De bar en bar, editado por Difusora das Artes e das Letras. Ás 20:00 horas.
Venres 11: Presentación e recital co gallo da presentación do libro colectivo Volverlles a palabra. Homenaxe aos represaliados do franquismo. No acto recitarán Paula Mariño, An Alfaya, Francisco Pazos, Marta Dacosta, Marcos Juncal, Xesús Alonso Montero, Elvira Riveiro, Manuel Vilanova, Anxo Angueira, Xurxo Sierra Veloso, Vitor Vaqueiro, Manuel Veiga, Manuel Vidal Villaverde e Francisco Castro. Ás 20:00 horas.
Martes 15: Presentación do libro de Mariana den Hollander, El peso que + pesa, de Áurea Editores. Xunto coa autora participará no acto o escritor Francisco Castro. Ás 20:00 horas.
Martes 22: Presentación do libro O son das buguinas, editado por Xerais. Ás 20:00 horas.
Venres 25: Presentación do libro de César Cunqueiro, No Eurídice de nuevo, editado por Trea. Interveñen: Álvaro Huici (Director da colección e poeta) Martínez Haro (Catedrático de literatura de secundaria en Sevilla) a artista Uxía Blanco, que recitará poemas, e César Cunqueiro (poeta). Ás 20:00 horas. Ao remate do acto servirase un cóctel.
Martes 29: O día dos lector@s. Tertulia literaria dirixida polo escritor Francisco Castro. Ás 20:00 horas.
Presentación en Carballo de “Palabras contadas”, de Camilo Franco
O Concello de Carballo e a Cervexaría Dublín presentan Palabras contadas, de Camilo Franco. O autor estará acompañado do músico Magín Blanco, que combinará a presentación cunha performance con música en directo. Será o mércores 9 de maio ás 20:30 na Cervexaría Dublín de Carballo (Rúa do Fomento, 25).
