Ás 18:30 horas na Feira do libro d’ A Coruña (Xardíns de Méndez Núñez), o escritor Xosé Neira Vilas asinará exemplares dos seus libros na caseta de secretaría.
Ás 19:30 terá lugara presentación do poemario Eume, de César Antonio Molina, publicado pola Editorial Galaxia. Xunto co autor, participarán no acto Luis García Soto (filósofo e profesor da USC), Antón Patiño (pintor), Manolo Vilariño (fotógrafo) e o director xeral da editorial Víctor Freixanes.
Ás 19.00 horas na Feira do libro d’ A Coruña (Xardíns de Méndez Núñez), o escritor Xurxo Souto presenta a nova edición do libro Contos da Coruña, publicada por Edicións Xerais de Galicia.
<a href="http://www.editorialgalaxia.es/actualidade/nova.php?id_noticia=597" title="Mar
A obra “A autopsia da novela”, de Juan Tallón, será presentada no Club Internacional de Prensa de Sabntiago o venres 3 de agosto ás 20:00 horas. O acto será comandado por Xosé Manuel Pereiro.
“A partir de agora as miñas novelas editaranse simultaneamente en edición “cara”, das chamadas “de capa dura”, en edición de bolso a metade de prezo, poderán descargarse gratuitamente en “Internet” e todos os xornais ou revistas que o desexen están autorizados a publicalas ao estilo das antigas novelas por entregas coa diferenza que neste caso no terán obrigación de pagarme nada en concepto de dereitos de autor.” (Blogue de Alberto Vázquez-Figueroa)
“O IIIº Premio Biblos-Pazos de Galicia decidirase o vindeiro venres 20 de xullo entre as escritoras mozas Cristina Ferreiro Real, de Lugo; Patricia Casas Vázquez, da Coruña, e Raquel Campos Pico, de Santiago pero que reside en Madrid. As tres foron declaradas finalistas por un xurado integrado pola que será este ano a titora da gañadora, a escritora Helena Villar Janeiro, o xornalista e tamén escritor Camilo Franco, o gañador da anterior edición, Alberto Ramos, e o director literario de Biblos, Tucho Calvo.” (Biblos-Clube de lectores)
O 2 de agosto terá lugar en Mondoñedo a xornada cultural-literaria “Unha viaxe ás terras e palabras de Merlín”. Contará coa presenza de Tucho Calvo, Ramón Loureiro e Félix Villares. (A carón da lareira)
A obra narrativa O alento da musa (Difusora de Letras, Artes e Ideas), de Alberte Momán, é ofrecida na rede xunto co caderno de poesía Déixanse levar. (O alento da musa)
