Descargar ficheiro en PDF (76 KB)Culleredo: ciclo “Palabra de muller”
Descargar ficheiro en PDF (76 KB)Arquivo da categoría: Palestras
Descargar ficheiro en PDF (76 KB)A Coruña: conferencia de Xabier P. Docampo
O dia 29 de Setembro, terça-feira (martes), a Agrupaçom Cultural O Facho comeza as actividades do período 2009-10 coa palestra O governo Opus/P.P. e a sua política etnocida contra a Língua Galega dentro do ciclo “Língua, Literatura e Naçom”. A conferencia correrá a cargo do escritor Xabier P. Docampo. Será a partir das oito do serán na Fundación Caixa Galicia, no Cantón Grande da Coruña.
A Coruña: charla de Xabier P. Docampo e Xosé Cobas
Continúan os actos conmemorativos da inauguración da nova Biblioteca dos Rosales. Hoxe luns 28 de setembro ás 18:30 viaxaremos a mundos fantásticos e imaxinarios coas narracións do escritor Xabier P. Docampo e cos debuxos do ilustrador Xosé Cobas. A entrada é libre.
O escritor Isidro Novo participa nun encontro con alumnos en Toledo
O xoves 24 de setembro ás 12 h., no IES Juan Padilla de Illescas (Toledo), o escritor Isidro Novo terá un encontro con alumnado do centro para falarlle da súa concepción da poesía baixo o título Del verso y su reverso, visión subjetiva del hecho poético. Acercamiento a la poesía gallega.
Antón Reixa dá unha conferencia na Universidade de Cardiff
Antón Reixa vai impartir mañá venres 3 de xullo a conferencia principal do congreso Identidades fracturadas da Facultade de Hispánicas da Universidade de Cardiff, sobre as artes visuais hispánicas. Vai dar a prestixiosa Ponencia Olwen Reckert, a máis importante do congreso enteiro, co título La reconstruccion audiovisual de Galicia. Máis información nesta páxina web.
A Coruña: conferencia de Xosé Antón Fraga
A Asociación Cultural Alexandre Bóveda informa que este xoves 25 de xuño terá lugar a conferencia O impacto da obra de Darwin en Galiza, a cargo do director dos museos científicos coruñeses Xosé Antón Fraga.
Xosé Antón Fraga (A Coruña, 1950) é Doutor en Bioloxía pola Universidade de Compostela, diplomado en Historia das Ciencias e das Técnicas, exerceu como catedrático de Bioloxía e Xeología e dirixiu o instituto Monelos en A Coruña, antes de ser nomeado para o seu actual cargo como Director dos Museos Científicos da Coruña. Ten editado numerosas publicacións sobre divulgación científica e investigación, ademais de ser presidente da Asociación de Investigadores Ramón de la Sagra ou membro do Instituto José Cornide de Estudios Coruñeses. Tamén foi membro da xunta directiva da Sociedad Española de Historia de las Ciencias y de la Técnica e formou parte do consello de redacción da revista sobre ciencia Llul
Teresa Moure no II Encontro Cidade da Coruña (vídeo)
Marilar Aleixandre no II Encontro Cidade da Coruña (vídeo)
A Coruña: remata o ciclo Escrita(s) na Galería Sargadelos
Remata o ciclo Escrita(s) coa mesa De corpos e palabras. Tendencias escénicas para o século XXI. 20 anos de teatro contemporáneo na Galiza (1989-2009) na que intervirá o escritor Roi Vidal Ponte. As características que definen a estética contemporánea no teatro occidental e como esta estética ten ou non repercusión, aceptación e seguimento nas compañías e públicos do sistema teatral galego serán algunhas das cuestións que se aborden. Será na Galería Sargadelos da Coruña (Rúa Real, 56) mañá xoves 18 de xuño a partir das 20:00.
Lugo: Teresa Moure no Madia Leva!
Teresa Moure inaugura as xornadas feministas Saude, mulher e direitos reprodutivos no Centro Social Madia Leva! De Luego. Mañá venres a partir das 20:30 Teresa Moure impartirá a conferencia O natural é político, na que falará da saúde ambiental e da importancia de que se poñan os coñecementos técnicos e científicos ao servizo dos ecosistemas e dos seres humanos e fará unha aposta pola liberdade animal, pola desobediencia civil e pola ecoloxía como unha estratexia de liberación nacional.
