“esca e pedra”, último proxecto na rede de Eduardo Estévez

Eduardo EstévezA última creación de Eduardo Estévez na rede leva por título esca e pedra, e está albergada no espazo virtual culturagalega.org. Consiste na elaboración dun poema cada semana a partir dun tema xurdido aleatoriamente: «Cada semana accedo á galipedia, premo en “páxina aleatoria” e a partir do artigo que saia,  escribo un poema. Así trinta veces. Trinta semanas. Trinta poemas.» (esca e pedra)

Compostela: presentación de Migracións, de Rafa Villar

O día 6 de novembro, ás 20:00 na libraría Couceiro de Santiago (Praza Cervantes), terá lugar a presentación do poemario Migracións (Edicións Espiral Maior), de Rafa Villar. O acto contará coa presenza, para alén do autor, de Luís Cochón, Francisco X. Fernández Naval e Miguel Anxo Fernán Vello.

Vilaboa-Culleredo: presentación do poemario Tempo en desuso, de Olga Patiño Nogueira

Olga PatiñoO mércores 5 de novembro, ás 20:00 na biblioteca Uxío Novoneyra de Vilaboa-Culleredo, terá lugar a presentación do poemario Tempo en desuso, de Olga Patiño Nogueira. Paticiparán no acto Miguel Anxo Fernán Vello, Celestino Poza e Carlos Pereira Martínez.

Vigo: presentación de Balada de los mares del norte, de Urbano Lugrís

O próximo mércores 29 (adiántase pois un día con respecto á data anunciada), ás 20 horas na Libraría Librouro de Vigo, terá lugar a presentación da obra Balada de los mares del norte, de Urbano Lugrís. No acto no que participarán Olivia Rodríguez, XL Méndez Ferrín e Henrique Alvarellos. A actriz María Inés Cuadrado fará un recital dalgúns dos seus textos.

A Coruña: homenaxe á poeta Sylvia Plath

A Fundación Caixa Galicia e Bartleby Editores, coincidindo coa publicación da súa Poesía completa, teñen o pracer de convidar á homenaxe á poeta Sylvia Plath que terá lugar o xoves 30 de outubro, ás 20:30 horas, na sede da Fundación, e na que interverán diversas persoas do ámbito cultural galego: Xosé Abeal, Xoán Abeleira, Lino Braxe, Marica Campo, Teresa Campo, Berta Dávila, Alexandrina Fernández, Pilar García Negro, Xulio López Valcárcel, Flor Maceiras, Miguel Mato, Antía Otero, Claudio Pato, Suso Pensado, Carlos Pereira, Ana Pillado, Elvira Riveiro e Rubén Ruibal.
[kml_flashembed movie="http://es.youtube.com/v/esBLxyTFDxE" width="320" height="240" wmode="transparent" /]

Viena: Yolanda Castaño no Festival de Poesía “European Voices”

Yolanda CastañoYolanda Castaño viaxou nestes días a Viena, onde entre os días 23 e 25 está a ter lugar o Festival de Poesía “European Voices”. Os actos celebraranse na Literaturhaus, no Instituto Italiano de Cultura en un dos famosos e máis activos cafés vieneses, onde se poderá escoitar a última poesía europea da man de autores tamén de Francia, Alemaña, Italia, Austria e Hungría. Castaño será a única participante vida de España, sendo autora de poesía en galego e amosando as súas traduccións ao alemán, a maioría das cales son obra da escritora residente na Coruña Heidi Kunh-Böde, autora de narrativa e teatro en galego.

Francisco X. Fernández Naval en Culleredo e na Coruña

Francisco X. Fernández NavalO mércores día 22, ás 20,00 horas na biblioteca Uxío Novoneyra de Vilaboa-Culleredo, terá lugar un recital poético de Francisco X. Fernández Naval. Participarán no acto tamén Celestino Poza e Carlos Martínez.
O xoves día 23, ás 20,00 horas na biblioteca Miguel González-Garcés da Coruña, o escritor ofrecerá a conferencia AS CREBAS, CULTURA DO REFUGALLO DO MAR, con proxección de imaxes de Maribel Longueira.