Arquivo da categoría: Poesía
Vídeo de Baldo Ramos na Outonarte 08
[kml_flashembed movie="http://es.youtube.com/v/qs3TZZ9hn34" width="320" height="240" wmode="transparent" /]
Compostela: espectáculo poético-musical de Yolanda Castaño
Impulsado polo Centro Galego de Arte Contemporánea (CGAC), o ciclo “Tábula Rasa. Novas Prácticas Transdisciplinarias” desenvolveráse no museo os días 2, 3 e 4 de outubro, arredor de prácticas artísticas transversais e produtos creativos híbridos, é dicir, que fusionan varias disciplinas a un tempo.
Dentro deste marco e precisamente abrindo o ciclo, “Tender a man” é a proposta que Yolanda Castaño nos trae ao CGAC este xoves: un espectáculo poético multimedia baseado nos textos da poeta e na música de Sulxeitos. Esta formación de dilatada experiencia na escena musical galega, a cabalo entre o jazz e a electrónica e integrada por Isaac Garabatos e Jesús Andrés Tejada, dotará de ambientación sonora aos versos de Castaño, en especial aos provintes do seu último libro, Profundidade de Campo (Premio Espiral Maior, 2007).
Pero non será todo. Ademáis, outras experiencias de colaboración con outros e outras artistas iránse fiando ao longo dos 50 minutos de duración do evento. Así, os versos atopan novos camiños de comunicación apoiándose en distintas montaxes das que participan, por exemplo, os grafismos de Enrique Lista inspirados na mencionada obra poética, as pinturas de Isabel Pintado baseadas no poema “Contos de fadas” ou a montaxe de vídeo sobre o texto “Highway to heaven” a cargo de Manu Viqueira. Outras pezas a varias voces, con efectos de son, luz, videopoesía ou performance enriquecerán o conxunto. Unha oportunidade de achegarse á poesía máis actual por camiños diferentes, cómplices das novas tecnoloxías e das máis expresivas linguaxes creativas.
O título do espectáculo fai referencia á soedade do traballo da escrita, por iso “Tender a man” a outros e outras creadoras pode dar lugar a estas interesantes e ricas novas prácticas transdisciplinarias.
Unha impugnación troca o gañador do Premio de Poesía Miguel González Garcés
Ver en titulares:
– Retíranlle o ‘González Garcés’ a Eduardo Estévez (Vieiros)
– Eduardo Estévez queda sen o seu Premio González Garcés (Galicia Hoxe)
– O Premio González Garcés cambia de mans tras unha impugnación (La Voz de Galicia)
– Impugnado o Premio de Poesía González Garcés (A Nosa Terra)
Compostela: preséntase o poemario Arceia, de João de Bonaval
Hoxe, 22 de setembro, ás 20:00 no Centro Social O Pichel (Santa Clara, 21, Compostela) preséntase o poemario Arceia, de João de Bonaval. (Novas da Galiza)
Ferrol: preséntase Vestíbulo da devastación, de Rosa Enríquez
O venres 26, ás 20:00 na Galería Sargadelos de Ferrol (Rúa Rubalcava, 30-32, esquina rúa María), Rosa Enríquez presentará o seu libro Vestíbulo da devastación (Espiral Maior). O acto contará, ademais de coa autora, con Miguel Anxo Fernán Vello e Pepe Leira.
“Entre dous séculos”: III Encontro de Novos Escritores
Os días 26 e 27 deste mes terá lugar no Pazo de Mariñán (Bergondo, A Coruña), coa colaboración da Dirección Xeral de Xuventude e da Deputación da Coruña, o III Encontro de Escritores/as Novos/as. Dase así continuidade a esta actividade cuxa segunda edición tivo lugar en 2002. Á volta de seis anos é tempo de que, co lema Entre dous séculos, teñamos ocasión de revisar a creación máis nova do noso sistema literario, concretamente a daqueles/as autores/as que comezaron a publicar desde os noventa até o día de hoxe.
Entre dous séculos, polo tanto, é un xeito de situármonos. Un espazo dende o que dialogar, con voz propia, sobre os diferentes camiños que os novos creadores e creadoras van tomando na escena da nosa literatura.
Programa
Venres 26 de setembro 2008
12,30 horas. Presentación
No Museo de Belas Artes da Coruña (rúa Zalaeta s/n)
Interveñen: Rubén Cela (director xeral de Xuventude) Cesáreo Sánchez (presidente da AELG) e Antía Otero (vicepresidenta da AELG).
16,00-18,00 horas. Mesa
No Pazo de Mariñán
Baixo o título de “Cartografías literarias no novo século” interveñen: Oriana Méndez, Mario Regueira e Rubén Ruibal. Coordina María Xesús Nogueira.
18,30-20,30 horas. Mesa
No Pazo de Mariñán
Baixo o título “Presenza e invisibilidade das/os escritores/as na sociedade actual” interveñen: Ana Acuña, Iolanda Aldrei e Samuel Solleiro. Coordinadora, Elvira Riveiro.
Sábado 27 de setembro 2008
9,45-11,45 horas. Mesa
No Pazo de Mariñán
Baixo o título “A literatura. Internet e novas tecnoloxías” interveñen: Lara Bacelo, Leo Campos e Eduardo Estévez. Coordina Francisco Castro.
12,00-14,00 horas. Mesa
No Pazo de Mariñán
Baixo o título “Literatura, sociedade, nación” interveñen: Carlos Negro, María Reimóndez e Rafa Villar. Coordinadora, Marta Dacosta.
18,00 horas. Recital Poético
No Museo de Belas Artes (entrada de balde até completar aforo)
“Antes mort@s que solemnnes”: espazo onde amosar outras caras da palabra. Interveñen; María Lado, Lucía Aldado, Emma Couceiro, Celso Sanmartín, Estíbaliz Espinosa e O Leo.
Peche do Encontro con García (membro de Dios Ke Te Crew) cantando a Celso Emilio Ferreiro. Mantén Antía Otero.
(Gabinete de Comunicación Aelg – Tfno.: 660 530 525 – Correo-e.: prensa@aelg.org)
Condado: exposición “Poesia para ver / Poesia para Ler”
«Desde o dia 11 (de Setembro) e até o dia 11 (de Outubro), pode-se ver no Local Social Baiuca Vermelha, de Ponte Areas, no Condado, a exposiçom “Poesia para Ver/Poesia para Ler”.
A Baiuca Vermelha, que celebrou recentemente o seu 3º aniversário, está na Rua Redondela nº 11, rés-do-chao, de Ponte Areas. O seu telefone, por se queredes consultar horários ou qualquer outra questom é ó 986 182 436.» (Igor Lugris)
Compostela: presentación de Estúrdiga materia
No salón de actos do Consello da Cultura Galega, ´as 19:00 do 11 de setembro, terá lugar a presentación do poemario de Luís González Tosar Estúrdiga materia (Galaxia). Miguel Anxo Fernán-Vello, Helena Villar Janeiro, Román Raña, Victor Campio, Gonzalo Navaza e Miro Villar lerán os versos do poemario. Presentará o acto Carlos Lema, director de edicións de Editorial Galaxia.
A Coruña: presentado o libro A Coruña á luz das letras
Tal como anunciamos, o 26 de agosto tivo lugar a presentación desta obra colectiva patrocinada polo Concello da Coruña con motivo do 800º aniversario da cidade. Participaron nela máis de sesenta socias e socios da AELG, algúns dos cales interviron desde a mesa. Aquí presentamos o vídeo que un dos socios gravou, así como outro máis sobre o dúo que acompañou musicalmente o evento, composto por Moncho do Orzán e Ricardo Morente.
[kml_flashembed movie="http://br.youtube.com/v/Nv5-Hk_mZHM" width="320" height="240" wmode="transparent" /]
[kml_flashembed movie="http://br.youtube.com/v/nbx71QNFNPc" width="320" height="240" wmode="transparent" /]
(Vía O levantador de minas)
