Será na Libraría Bahía de Foz o 16 de maio ás 20:30 horas. Incluirá a lectura de poemas do autor.
Arquivo da categoría: Poesía
“As horas de María”, de Paco Souto, convertido en espectáculo
“As horas de María é un espectáculo multidisciplinar onde converxe a poesía, a música e a fotografía da man de Paco Souto, Serxio Moreira e Peter Schneider.” Este espectáculo, que ten como base o libro con que Souto gañou o Premio de poesía Johan Carballeira 2006, pode ser contratado no número 675607127.
A próxima semana na Galería Sargadelos de Ferrol
O luns día 14 de maio, ás 20:00 horas, terá lugar a conferencia “O galego na Universidade”, a cargo de Xosé Ramón Freixeiro Mato.
O martes día 15 de maio, ás 20:00 horas, terá lugar unha mesa redonda sobre “O libro no mundo editorial galego”, na que intervirán Antón Cortizas, (Tambre-Edelvives) e Miguel Toval (Editorial Embora).
O mércores día 16 de maio, ás 20:00 horas, terá lugar a mesa redonda “O galego nos medios de comunicación”, na que intervirán: Germán Castro (Diario de Ferrol), Xan Morales (Club de Prensa), Uxío Fernández Fernández (Ferrol Hoy), Antía Díaz (Voces de Ferrol de Radio Voz) e Raúl Salgado (Localia TV).
O venres día 18 de maio, ás 20:00 horas, terá lugar un Recital de versos de María Mariño, a cargo de diversos poetas de Ferrolterra.
Portugalizando: Semana da cultura galega en Lisboa
“Un alpendre de sombra e de luar”, de Félix Villares Mouteira
Un alpendre de sombra e de luar. A escola literaria da diocese de Mondoñedo-Ferrol recolle décadas de investigación de Félix Villares sobre a escola literaria da diocese de Mondoñedo-Ferrol. Nesta antoloxía aparecen nomes tan importantes como Pastor Díaz, Noriega Varela, Aquilino Iglesia Alvariño, Crecente Vega e Díaz Castro.
A Semana das Letras da Galería Sargadelos de Ferrol
O luns 7 de maio, de 12:00 a 13:30 horas, terá lugar a presentación do libro de Fina Casalderrey A lagoa das nenas mudas, editado por Xerais. No acto, enmarcado dentro da Campaña Educar para ler, intervirán a autora e Manuel Bragado, director de Edicións Xerais.
O mesmo luns 7 de maio, ás 20:00 horas, terá lugar a presentación do libro Textos filosóficos-políticos de Ramón Vilar Ponte, editado polo Servizo de Publicacións da Deputación de Lugo. O acto, en colaboración coa Asociación Cultural Medulio, será presentado por Elia Rico e Pilar García Negro, autora da introducción do libro.
O martes 8 de maio, ás 20:00 horas, o Grupo Gadisa celebrará o Día das Letras Galegas presentando o libro de José Díaz Dopico A noite de Reis, editado por Gadisa. O libro será presentado por Perille, Xosé María Dobarro, Antonio Cortés e Ana Lago, e contaremos coa presenza ademais do
autor e do artista Xosé María González Collado, ilustrador da obra.
O xoves 10 de maio, ás 20:00 horas, terá lugar unha mesa redonda sobre o uso do galego na ESO. No acto intervirán Eduardo Fra Molinero e Bernardo Máiz, profesores do IES Concepción Arenal e Anxos García Fonte, profesora do IES de Mugardos.
O venres 11 de maio, de 16:00 a 21:30 horas, terá lugar unha gravación en vídeo e unha sesión fotográfica da lectura de poemas clásicos e propios dos socios da Asociación de Escritores en Lingua Galega de Ferrolterra: Tucho Calvo, Francisco Pillado, Antón Cortizas, Rosa Méndez, Antonio Yáñez, Arturo Casas, Carmen Sotelo, Medos Romero, Xosé Leira, Ramón Loureiro, Alexandre Ripoll Anta, Xavier López, María Xosé Lamas…
Programación de maio da Casa do libro de Vigo
Venres 4: Homenaxe a Gonzalo Anaya co gallo da presentación do volume Gonzalo Anaya. La passió educativa, editado pola Universidade de Valencia. No acto intervirán Xesús Alonso Montero, Antón Costa, Antía Cal, Blanca Caamaño e Manuel Bragado. Ás 20 horas.
Xoves 10: Presentación do libro de Xosé Carlos Caneiro De bar en bar, editado por Difusora das Artes e das Letras. Ás 20:00 horas.
Venres 11: Presentación e recital co gallo da presentación do libro colectivo Volverlles a palabra. Homenaxe aos represaliados do franquismo. No acto recitarán Paula Mariño, An Alfaya, Francisco Pazos, Marta Dacosta, Marcos Juncal, Xesús Alonso Montero, Elvira Riveiro, Manuel Vilanova, Anxo Angueira, Xurxo Sierra Veloso, Vitor Vaqueiro, Manuel Veiga, Manuel Vidal Villaverde e Francisco Castro. Ás 20:00 horas.
Martes 15: Presentación do libro de Mariana den Hollander, El peso que + pesa, de Áurea Editores. Xunto coa autora participará no acto o escritor Francisco Castro. Ás 20:00 horas.
Martes 22: Presentación do libro O son das buguinas, editado por Xerais. Ás 20:00 horas.
Venres 25: Presentación do libro de César Cunqueiro, No Eurídice de nuevo, editado por Trea. Interveñen: Álvaro Huici (Director da colección e poeta) Martínez Haro (Catedrático de literatura de secundaria en Sevilla) a artista Uxía Blanco, que recitará poemas, e César Cunqueiro (poeta). Ás 20:00 horas. Ao remate do acto servirase un cóctel.
Martes 29: O día dos lector@s. Tertulia literaria dirixida polo escritor Francisco Castro. Ás 20:00 horas.
Presentación de “Poemas das Ortigas”, de Xía Arias
O 12 de maio ás 21:00 na sede do Círculo Mercantil e Industrial de Fene procederase á presentación do libro de Xía Arias Poemas das Ortigas, gañador da última edición do Premio Nacional de Poesía Xosé María Pérez Parallé e editado por Espiral Maior.
Recital poético en Fene
O sábado 12 de maio ás 18:30, con motivo da celebración do Día das Letras Galegas, terá lugar no local da Sociedade O Pote de Maniños (Fene), un recital poético no que intervirán Arsenio Iglesias Pazos, Daniel Salgado, Eduardo Estévez, Leo F. Campos, Lorena Souto, María Lado, Mario Regueira, Xía Arias e Verónica Martínez Delgado.
Poesía musicada de Marta Dacosta en Compostela
Este sábado 5, ás 21:00 horas no Auditorio de Galicia, estréase a peza musical Apreixar o vento, con música de Carlos Seráns e letra de Marta Dacosta. Trátase dun poema do libro Crear o Mar en Compostela e vai ser interpretado pola coral A nosa clave.
