Arquivo da categoría: Premios e concursos (outros)

Fervenzas Literarias premia o mellor do ano

Publicado o por

Fervenzas Literarias elaborou un ano máis grazas aos votos dos seus lectores unha listaxe do “mellor de 2009” na literatura galega en diferentes categorías. Estes son os resultados:

Mellor libro narrativa para adultos: Monte Louro de Luís Rei Núñez (Xerais)
Mellor libro de poesía para adultos: Deter o día cunha flor de Luz Pozo (Baía Edicións)
Mellor libro de ensaio para adultos: Memorias dun ninguén de Carlos Mella (Galaxia)
Mellor libro de literatura dramática: Valentino Rufini e Akil Pillabán de viaxe a Milán de Roberto Salgueiro (Baía)
Mellor libro para adultos traducido ao galego: Sete casas en Francia de Bernardo Atxaga (Factoría K)
Mellor libro xuvenil: Ás de bolboreta de Rosa Aneiros (Xerais)
Mellor libro infantil: Chamádeme Simbad de Francisco Castro (Galaxia)
Mellor libro xuvenil/infantil traducido ao galego: O derradeiro irmán de Natacha Appanah (Xerais)
Autor/a do ano: Domingo Villar
Ilustrador/a do ano: David Pintor
Mellor portada adultos: Sol de inverno (Xerais)
Mellor portada xuvenil/infantil: A dama da luz (Xerais)
Mellor editorial: Xerais
Mellor crítico/a literario: Ramón Nicolás
Mellor iniciativa literaria: Achegarte (A Coruña)
O mellor acontecido no 2009: Manuel Rivas ingresa na RAG
O peor acontecido no 2009: A política lingüística da Xunta
Mellor libraría: Arenas (A Coruña)
Mellor medio de comunicación: Diario Cultural (Radio Galega)
Mellor blog: Brétemas

As editoriais galegas entregan hoxe en Ourense os Premios da Edición 2009

Publicado o por

Esta á a listaxe de candidatos:

Premio Francisco Fernández del Riego: R

Premio Ánxel Casal ao Libro de ficción do ano: A Noite do Moucho, de Anxo A. Rei Ballesteros (Editorial Galaxia); A praia dos afogados, de Domingo Villar (Galaxia); Monte Louro, de Luís Rei Núñez (Edicións Xerais de Galicia); Sidecar, de Alberto Lema (Galaxia); Ás de bolboretas e Sol de Inverno, de Rosa Aneiros (Xerais), e O país das bestas, de Eva Moreda (Biblos Clube de Lectores).

Premio Ánxel Casal ao Libro de non ficción: A Cociña de Larpeiros, de Benigno Campos (Galaxia); O contencioso de Sargadelos. Isaac Díaz Pardo, de José M. Del Caño (Ediciones Linteo); Nacer, de Xulio Gutiérrez (Kalandraka); e Cartas de republicanos galegos, de Xesús Alonso Montero (Xerais).

Premio Ánxel Casal ao Libro de poesía ou teatro do ano 2009: Pel de muller, de Asun Estévez (Ir Indo Edicións); Deter o día cunha flor, de Luz Pozo Garza (Baía Edicións); e Ciclo de Xúpiter, de Millán Picouto (Linteo).

Premio Xosé Neira Vilas ao Libro infantil e xuvenil: Leocadio o león, de Oli (Xerais); A araña e máis eu, de Fran Alonso (Kalandraka Editora); e O contador de estrelas, de Santiago Jaureguizar (Edicións Obradoiro).

Premio Lois Tobío ao Libro traducido do 2009: O Museo da inocencia, traducido por Bartug Aykam e María Alonso Seisdedos (Galaxia); Negra sombra! Negra Sombra!, por María Fernández Rei (Edicións A Nosa Terra); Contos completos de Allan Poe, traducidos por Eva Almazán (Galaxia); A filla do filósofo, por Fernández Naval, López e Riveiro (Galaxia); A conxura dos necios, por Eva Almazán (Faktoría K de Libros); As flores do mal, traducido por Gonzalo Navaza (Galaxia); O diaño tamén sorrí, por Fernández Naval (Editorial Toxosoutos); Pan con Xamón, traducido por Eva Almazán (Faktoría K); A clase, por Xabier Senín (Xerais); e O derradeiro irmán, por Emma Lázare (Xerais).

Premio Isaac Díaz Pardo ao Libro ilustrado: A peripecia de Roi, de David Pintor (Edicións Tambre); Nacer, de Nicolás Fernández (Faktoría K); e A grande viaxe, de Gabriel Pacheco (OQO Editora).

Premio Xosé María Álvarez Blázquez ao autor ou autora do ano: Xesús Alonso Montero, Rosa Aneiros e Xabier Docampo.

Premio Rosalía de Castro á iniciativa editorial do 2009: campaña “En galego, por que non?; a campaña “Os contos do Camiño”, de OQO; e as Fotobiografías sonoras de Ouvirmos

Máis información: páxina da Asociación Galega de Editores

A Pobra do Caramiñal: presentación de publicacións e Premios Barbantia

Publicado o por

Este venres 27 de novembro no Museo Valle-Inclán d´A Pobra do Caramiñal presentarase a partir das 20:30 o V Anuario de Estudos do Barbanza (Anuario 2009), que será nesta ocasión un monográfico adicado ao escritor e socio co-fundador de Barbantia, Anxo Rei Ballesteros; coa presenza dos coordinadores do volume, Manuel Cartea e Román Arén. A seguir preséntase o texto de Anxo Rei A flor da boca, editado por Barbantia e mais a Deputación Provincial d´A Coruña. Rematará o acto coa entrega dos Premios Barbantia da Cultura 2009, acto que dirixirá e
presentará Alberto Piñeiro, coordinador de Barbantia. Os premios son os seguintes:

Premio Barbantia 2009 á traxectoria cultural no Barbanza: Xosé Ramón España Lorenzo.
Premio Barbantia 2009 á iniciativa cultural no Barbanza: Grupo de teatro “Airiños”.
Premio Barbantia 2009 da Cultura Galega: Xosé Luís Axeitos Agrelo.

Un título de Xavier Alcalá gaña o Premio Planeta

Publicado o por

«Onte soubemos que o título da novela gañadora do Premio Planeta, de autoría de Ángeles Caso, é Contra el viento, exactamente o mesmo que o da edición en castelán de Cárcere verde, a novela que, levemente retocada, se atopa no interior de Tertúlia como obra que funciona como suposto plaxio. Recomendacións de críticos e insistencia de editores levaron o autor a extraer un texto que nada ten na realidade de plaxio. Tres son as compoñentes principais da narración: a fábula –con probable base histórica– da Cidade dos Césares oculta na selva, a descuberta –publicada pola revista National Geographic– de restos dunha elevada cultura ao Abrigo do Sol amazónico e a experiencia persoal de Xavier Alcalá nos laberintos da xungla. Documentación científica e lecturas da narrativa amazonista completaron as bases dun clásico de aventuras –fulgor de diamantes, cobiza e morte– que forma parte do ciclo americano de Alcalá.”» (Blogue de Xavier Alcalá)

Santiago: presentación do I Premio Produto Gráfico e Libro Galego

Publicado o por

O vindeiro mércores 24 de xuño ás 12:00 presentarase na sede da Fundación Caixa Galicia de Santiago a I edición do Premio Produto Gráfico e Libro Galego. O acto será inaugurado por Roberto Varela, Conselleiro de Cultura e Turismo. O Premio Produto Gráfico Galego nace co fin de recoñecer o labor dos profesionais e empresas de Galicia que destacan pola súa creatividade e innovación no campo da produción gráfica. Os premios promovidos polo Clúster do Produto Gráfico e do Libro Galego constarán de catro categorías: produto gráfico galego, deseño-innovación galego, libro editado galego e novos talentos. A inscrición é gratuita e estará aberta até o 15 de outubro de 2009. O galardón consistirá nunha peza exclusiva e orixinal. A categoría Novos Talentos estará dotada cunha bolsa de 6.000 euros.

OQO recibe o segundo Premio ao Libro Mellor Editado en 2008

Publicado o por

Caderno de animalista, álbum da editorial galega OQO acaba de ser distinguido co segundo Premio ao Libro Mellor Editado en 2008, na categoría de Infantil e Xuvenil, que concede o Ministerio de Cultura. Caderno de animalista é a segunda entrega da colección OQart, coa que OQO Editora pretende cos nenos e nenas, e tamén os adultos, se acheguen á historia da arte dunha forma orixinal e creativa, espertando o gusto pola pintura dunha maneira lúdica e atrevida. Esta colección inaugurouse co Gran libro dos retratos de animais de Svjetlan Junakovic. Precisamente, este álbum acadou o recoñecemento do Primeiro Premio Libro Infantil e Xuvenil Mellor Editado 2007. Asemade, en 2006, outro libro de OQO Editora, Celestino Tarambainas, tamén foi distinguido co terceiro galardón nesta categoría.

O sorriso de Claudia, Premio Frei Martín Sarmiento

Publicado o por

A obra O sorriso de Claudia, escrita por X.H. Rivadulla Corcón e ilustrada por Andrés Meixide, acadou o Premio Frei Martín Sarmiento 2009. O Premio desta V Edición do certame, organizado pola Comisión da Normalización Lingüística da Federación de Colexios de Ensino Concertado de Galicia e no que participaron trinta centros educativos con cinco mil cincocentos rapaces, foi outorgado en Vilagarcía nun acto no que estiveron presentes os alumnos, os profesores e os autores finalistas dos premios.

Mini e Mero recibirán o Pedrón de Ouro o 24 de maio

Publicado o por

O domingo 24 de maio ás 12:00 na Casa de Rosalía en Padrón terá lugar o acto de entrega do Pedrón de Ouro aos músicos e musicólogos Xosé Luís Rivas e Baldomero Iglesias, máis coñecidos como Mini e Mero. O galardón recoñece o traballo que levan realizando dende 1972 para recuperar e transmitir o patrimonio oral de Galicia.

Xabier P. Docampo, autor do ano para a Federación de Libreiros

Publicado o por

A Federación de Libreiros entrega este sábado 28 de marzo no Carballiño os premios Irmandade do Libro, que acadan a súa edición número dezaoito. O autor destacado este ano polos libreiros é Xabier P. Docampo, que recibirá unha estatuíña e máis un cheque por valor de 2.000 € para adquirir libros. Esa noite coñeceranse ademais os gañadores no resto de categorías, cuxos finalistas relatamos a seguir:

Fomento da lectura:
Biblioteca Pública de O Porriño
Bibliotecas Públicas de Oleiros
Asociación Cultural Lonxa Literaria, de Moaña

Institucións:
Casino de Santiago
Asociación Cultural IES Rosalía de Castro
Liceo Recreo Ourensán

Librarías:
Andel do Libro Galego e Portugués
Libraría Porta da Vila, de Viveiro
Libraría Paz, de Pontevedra

Mellor libro do ano 2008:
Fin de século en Palestina. Miguel Anxo Murado. Editorial Galaxia.
Festina lente. Marcos S. Calveiro. Edicións Xerais de Galicia.
O xardín das pedras flotantes. Manuel Lourenzo. Edicións Xerais de Galicia

Obra editorial do ano 2008:
As flores do mal. Editorial Galaxia.
Guía das plantas de Galicia. Edicións Xerais.
Colección rescate. Alvarellos editora.

Centros de ensino:
CEIP de Quintela – Moaña
CEIP San Martiño, de Igrexa-Salcedo –Pontevedra
IES Blanco Amor, de Ourense

Quico Cadaval, Cándido Pazó e Teresa Moure, candidatos aos Premios María Casares

Publicado o por

O próximo mércores 25 de marzo entréganse no Teatro Rosalía de Castro da Coruña os premios María Casares, que outorga a Asociación de Actores e Actrices de Galicia. Na categoría de mellor texto orixinal os candidatos aos premios son Quico Cadaval, por Obra -No Comment, Teresa Moure por Unha primavera para Aldara e Cándido Pazó, por E ti quen vés sendo?. A obra que acumula máis candidaturas é Unha primavera para Aldara, con nove, seguida de Obra con sete.