Hoxe, venres 1 de xuño, a exposición Poemas pola memoria estará aberta ao público na sala de exposicións do Antiguo Reino de Galiza, nos xardíns de San Carlos d’A Coruña. Permanerá aberta ao público durante todo o mes de xuño.
Santiago: presentación de “Outro mundo é posíbel: o reino da necesidade de Vandana Shiva”, de Anna Cervera i Iglesias
A presentación do libro Outro mundo é posíbel: o reino da necesidade de Vandana Shiva, de Anna Cervera i Iglesias (Baía Edicións – Servizo Galego de Igualdade), terá lugar en Santiago o próximo martes día 5 de xuño, ás 19:00 horas, na Sala de Conferencias da Fundación Eugenio Granell (Praza do Toural). Intervirán, ademais da autora, Ana Luísa Bouza Santiago (Directora Xeral do SGI) e María Xosé Agra Romero (Profesora da USC).
Iª Festa da narración oral, en Arca – O Pino
A Iª Festa da Narración Oral celebrarase en Arca – O Pino (A Coruña) o sábado 7 de xullo de 2007. Está aberto o prazo de inscrición (consultar aquí). Na Festa haberá actividades de formación de educadores e educadoras (previa inscrición). Haberá tamén actividades abertas ao público de todas as idades, incluída a de contar contos (gratuíta, previa inscripción tamén).
Durante a xornada intervirán, entre outros/as: Carlos Blanco, Cándido Pazó, Miguel de Lira, Pepe Penabade, Paula Carballeira, Iolanda Aldrei, Pepa Yáñez, Xabier P. Docampo, Ugia Pedreira e o ilustrador Xosé Cobas.
“Cultura e artes do Portugal contemporâneo”: curso en Compostela
Do 10 ao 13 de xullo realizarase o curso de verán titulado “Cultura e Artes do Portugal Contemporâneo” na Faculdade de Filosofia da Universidade de Santiago de Compostela. Dedicará un día a cada un dos temas: audiovisuais, música, moda e artes do palco. Serán catro mulleres (especialistas nas respectivas áreas) a tratar de cada painel durante os catro días. Máis información aquí. (Instituto Camões – Galiza)
Presentación do libro colectivo “Dez por dez” en Compostela
O sábado 9 de xuño, ás 20:00 horas, presentarase o libro colectivo Dez por dez (Abrente Editora) no Centro Social Henriqueta Outeiro (Rúa Quiroga Palácios, 42, baixo, Compostela). Contarase coa participación da e dos autores: Artur Alonso Novelhe, Suso Bahamonde, Maria Lado, Igor Lugris, Kiko Neves, Carlos Quiroga, Baldo Ramos, Concha Rousia, Sechu Sende e Ramiro Vidal.
Lois Diéguez presenta “O canto do muecín” n’A Coruña
O canto do muecín, novela de Lois Diéguez editada na colección Central Literaria de Edicións A Nosa Terra, presentarase na Coruña o día 14 de xuño ás 20:30 horas en “Portas Ártabras” (Rúa Sinagoga, 22). Desde as 18:30 horas o autor estará no mesmo lugar para a asinatura de libros. Organizan a A.C. Alexandre Bóveda e os Amigos dos Museos de Galicia.
VIIIº Edición dos Relatos de Verán: Relatos dos Lectores
Desde o 15 de xuño até o 15 de xullo. En rigor é un concurso para a edición de relatos. Poden consultarse as bases na páxina principal do xornal La Voz de Galicia.
IIIº Premio Rosalía de Castro para experiencias pedagóxicas
XLIXº Premio Fernández Latorre
Até o 25 de xuño para traballos xornalísticos publicados en cualquera medio de comunicación entre o 6 de maio do 2006 e o 6 de xuño de 2007. Bases.
XIXº Premio de narrativa “Torrente Ballester”: até o 1 de xullo
O próximo 1 de xullo finaliza o prazo para a recepción de orixinais do XIXº Premio de narrativa “Torrente Ballester”; organizado pola Diputación d’ A Coruña, conta cun premio de 25.000,00 € para alén da publicación da obra. Poden consultarse na páxina da Diputación as bases do premio e a composición do xurado.
