Exposición de Alfonso Costa sobre Níxer en Ferrol
Na Galería Sargadelos Ferrol vaise inaugurar a exposición de Alfonso Costa, con fotografías e gravados sobre Níxer. O acto terá lugar o xoves 7 de xuño, ás 20:00 horas. Presentará o acto o escritor Francisco X. Fernández Naval. Actuará o Grupo Ouriol, formado polos músicos: Fito Ares, Bernardo Martínez e a poetisa Eva Veiga. Tamén recitarán poemas sobre Níxer Alfonso Costa, Eva Veiga e Francisco X. Fernández Naval. A exposición permanecerá aberta ata o 29 de xuño.
IIº Premio “Abrente” para textos teatrais, do Concello de Ribadavia
Presentación en Compostela de “A pegada socioecolóxica do sistema enerxético galego”
O martes 5 de xuño ás 12:00 horas no salón de actos da Fundación Caixa Galicia (Rúa do Vilar, 19 – Santiago de Compostela) presentarase o libro A pegada socioecolóxica do sistema enerxético galego, de Xurxo Pérez Pintos e Xosé María Bouzó.
Xesús Manuel Marcos gaña o VIIº Certame de creación literaria “Terra de Melide”
O VIIº Certame de creación literaria “Terra de Melide” foi gañado por Xesús Manuel Marcos coa obra titulada A lúa dos everglades.
Presentación en Viveiro de “Farrapos de nube”, de Xoán Neira
O mércores 6 de xuño, ás 20:30 horas, presentarase o libro Farrapos de nube, poemario infantil de Xoán Neira publicado por Baía Edicións. O acto, organizado polo Seminario de Estudos Terra de Viveiro na aula de Caixa Galicia de Viveiro, contará coa intervención, ademais do autor, de Carlos Nuevo, Emilio Xosé Insua. Tamén será ofrecido un recital poético musical a cargo de nenas e nenos do Cep. Lois Tobío.
Presentación en Ourense de “Teoría de Galicia…”, de Ramón Otero Pedrayo
Alvarellos Editora o Liceo de Ourense organizan un recital e a presentación da obra Teoría de Galicia. Artigos esquecidos en “Vida Gallega”, 1926-1963, de Ramón Otero Pedrayo. Será o martes 5 de xuño de 2007, ás 17: 30 horas no Salón Noble do Liceo de Ourense (Rúa Lamas Carvajal, 5). Participarán o profesor historiador e autor do limiar Marcos Valcárcel, as recitadoras do Liceo Tereixa Devesa e Loli Conde, e o editor Henrique Alvarellos.
A primeira biblioteca especializada en poesía
“Levará o nome de Novoneyra e contará cos 4.000 volumes que doou o editor Miguel Anxo Fernán-Vello.” (Galicia Hoxe)
«No imo do tempo», novo libro de Xosé Lois García
Conferencia n’A Coruña sobre a tradición popular en Escocia
O xoves 7 de xuño terá lugar unha conferencia a cargo do profesor escocés D. David Clark sobre tradición popular en Escocia. Será ás 20:30 horas no salón de actos da Asociación Cultural Alexandre Bóveda (Olmos, 16-18, 1º).
