O venres 
29 de outubro, a partir das 20:00 h., na Fundación Caixa Galicia (Cantón Grande) da Coruña, e dentro do ciclo Lingua, Literatura e Nación da A. C. O Facho, José-Maria Monterroso Devesa falará sobre Os nosos apelidos galego-portugueses. Ten ditado conferéncias aquén e alén mar, no Brasil (con motivo do irmanamento Coruña-Recife), no Uruguai, na Arxentina (Buenos Aires, La Plata, Rosario) e en Santiago de Chile nas últimas décadas acerca da matéria xenealóxica e onomástica (froito dos seus estudos sobre antepasados galegos de familias rioplatenses e máis centrándose nos apelidos galaico-portugueses espallados polo mundo).
Arquivos da etiqueta: Agrupaçom Cultural O Facho
A Coruña: conferencia sobre Ricardo Carvalho Calero, por Xosé Luís Rodríguez Fernández
O martes 
5 de outubro, ás 20:00 h., celébrase na Fundación Caixa Galicia (Cantón Grande) da Coruña, unha conferencia do profesor e catedrático da Universidade de Santiago de Compostela, Xosé Luís Rodríguez Fernández, sobre a figura de Ricardo Carvalho Calero, dentro do ciclo Lingua, Literatura e Nación organizado pola Agrupaçom Cultural O Facho.
A Coruña: conferencia de Victorino Pérez Prieto: Prisciliano como símbolo do povo galego
O 
martes 28 de setembro, a partir das 20:00 h., na sala de exposicións de Caixa Galicia na Coruña (rúa Médico Rodríguez), terá lugar unha charla-conferencia de Victorino Pérez Prieto que versará sobre Prisciliano como símbolo do povo galego, dentro do ciclo Economia, História e C. Sociais da Agrupación Cultural O Facho.
Resoluçom do Concurso de contos de nenos para nenos d’ O Facho
«Prémios da Categoria A (Nenos e nenas de 9 a 12 anos)
Primeiro prémio: “Evaristo, o piollo listo” de Matías Núñez Gil – Aluno do IES Celanova (Ourense)
Segundo prémio: “Un verán moi especial” de Lorena Barrera López – Aluna do CEIP Vista Alegre – Burela (Lugo)
Prémios da Categoria B (Rapaces e rapazas de 13 a 16 anos)
Primeiro prémio: “Seis de diamantes” de Brais Lamela Gómez – Aluno do IES Basanta Silva de VILALBA (Lugo)
Segundo prémio: “…E na terra, un mar de bágoas” de Laura Rivadulla Costa – Aluna do IES Agra de Raízes de CEE (A Corunha)
Accésit Categoria B:
“Unha bágoa e mais unha flor” de Uxía Barrientos Reboiras – Aluna do IES Agra do Orçam da Corunha
“O meu xardín maldito” de Sofía Calvo Soares – Aluna do IES As Lagoas (Ourense)
RESOLUÇOM DO CONCURSO DE TEATRO INFANTIL CONVOCADO POLA ASOCIAÇOM CULTURAL O FACHO:
Depois de ter lido as obras apresentadas ao Concurso de Teatro Infantil convocado polo O Facho; o júri conformado por pessoas de reconhecido prestigio no âmbito teatral galego (Amalia Gómez, Xosé Manuel Rabón, Francisco Pillado) tomou o acordo de declarar deserto como resulta da análise dos textos. Os originais nom premiados poderám ser retirados, no prazo de 30 dias, no local de O Facho, prévio correio dirigido ao endereço postal da Agrupaçom. No caso de que o autor o autora nom resida na Corunha poderá solicitar que lhe sejam enviados por correio postal.
Na cidade d’A Corunha, 15 de Maio 2010»
Agrupaçom Cultural O Facho
Rua Frederico Tápia 12-1º. 15005 Corunha
Actos A. C. O Facho para as Letras Galegas
O próximo 18 de maio, às 12 e 1/2 da manhá a Agrupaçom Cultural O Facho promove unha oferenda floral nos jardins de Mendes Nunes diante do monumento a Curros Henriques. Falará o presidente d’O Facho, José Luís Rodrigues Pardo e dará a conhecer os ganhadores dos prémios convocados pola nossa Agrupaçom: Concurso de Contos de nenos para nenos “Carlos Casares” e Concurso de Teatro Infantil.
Às 8 do serám no local da Fundaçom Caixa Galiza (Cantom Grande da Corunha) o poeta e ensaísta, Júlio Lopes Valcárcel falará sobre a figura do grande poeta do Caurel, Uxío Novo Neira. A sua intervençom intitula-se:
O 22 de maio, às 8 do serám no local da Fundaçom Caixa Galiza (Médico Rodrigues n.º 2) da Corunha efectuara-se a entrega dos prémios Concurso de Contos de nenos para nenos “Carlos Casares” e Concurso de Teatro Infantil.
Agrupaçom Cultural O Facho: “O galego, o nosso existir”
«Ante a necessidade de respostas à política etnocida de Feijóo e o seu desgoverno contra a nossa Língua., O Facho chama aos bons e generosos a fazer valer os seus direitos cidadás frente às agressons contra a Língua Galega que está a levar a cabo o P.P. e a actual Junta de Galiza participando na manifestaçom convocada para o 17 de Maio ás 12 horas desde a Alameda de Compostela.
A Agrupaçom Cultural O Facho manifesta
O nosso posicionamento de jeito beligerante e irrenunciável na defesa da Língua Galega que constitui um elemento básico de identidade cultural e representa um valor fundamental de coesom.
As políticas lingüísticas levadas a cabo pola Junta do P.P. supom um passo adiante na política de repressom, empobrecimento e marginalizaçom que Feijóo e os seus “mariachis” estám a realizar contra a Língua e a Cultura dos galegos e galegas desde a Junta de Galiza.
O Estatuto de Autonomia de Galiza, no seu artigo 5, define o galego como Língua própria de Galiza, declara que os idiomas galego e castelám som oficiais em Galiza e que todos tenhem o direito de conhece-los e usa-los. Assim mesmo, estabelece que os poderes públicos da Galiza potenciarám o emprego do galego em todos os planos da vida pública, cultural e informativa, e aportarám a dotaçom dos recursos necessários para facilitar o seu conhecimento. Certamente, todas as políticas culturais e lingüísticas estám a violentar o próprio Estatuto de Autonomia.
Demandamos
Que cesse a perseguiçom da Língua e Cultura Galega por parte da actual Junta do P.P.
A aboliçom do sistema legal que subordina o galego ao castelám, a aboliçom do supremacismo castelám que procura a desapariçom do galego e exigimos a
implementaçom de autênticas políticas de normalizaçom lingüística ao serviço da nossa sociedade.
Na cidade d’A Corunha, mês de Maio 2010» (Agrupaçom Cultural O Facho)
A Coruña: palestra “Um ano do governo Feijóo”, por Joám Antom Pérez-Lema
«A Agrupaçom Cultural O Facho de A Corunha convida-o assistir aos seus ciclos de palestras públicas do período 2009-10.
Palestra
O vindouro dia 13 de Abril, terça-feira (martes), o Ex-Secretário Geral de Relaçons Institucionais da Vice-presidência da Junta de Galiza, Joám Antom Pérez-Lema falará dentro do ciclo, Economia, História e C.C. Sociais organizado pola nossa Agrupaçom. A sua exposiçom tratará sobre a realidade política galega hoje, sob o título de “Um ano do governo Feijóo”.
Joám Antom Pérez-Lema é Licenciado em Direito e Letrado Assessor de Empresas (UPC-ICADE). Cursou estudos de doutoramento de Santiago de Compostela. Advogado em exercício dende 1989, assim mesmo foi professor de Sistema Político Galego na Universidade de Vigo e de Direito Administrativo na Escola de Prática Jurídica do Colégio de Advogados d’A Corunha e professor da EGAP a funcionários de entidades locais.
Foi chefe do Gabinete da Conselharia da Presidência e Administraçom Pública da Junta entre Outubro do 1987 e Fevereiro do 1990 e também Secretario das
Comissons Mista de Transferências e Bilateral Administraçom do Estado-Junta de Galiza. Relator da área da Administraçom de Justiça no Foro “Novo Estatuto” promovido polo BNG (2004-05). Autor de mói variados trabalhos jornalísticos e jurídicos (entre estes os últimos sobre Procedimento Administrativo nas Corporaçons Locais, estudo comparado da regulaçom da justiça nos últimos Estatutos e projectos de Estatutos autonómicos e sobre a organizaçom territorial da Galiza).
Dia: 13 de Abril do 2010 – Hora: 8 do serám. Local: Fundaçom Caixa Galicia- Os Cantons. Corunha.»
Secretaria d’O Facho
Agrupaçom Cultural O Facho
Rua: Frederico Tápia 12-1º-C
15005 A Corunha
A Coruña: palestra de Maurício Castro Lopes
O mércores 24 de Marzo participará dentro do ciclo Língua, Literatura e Naçom o profesor e ensaísta Maurício Castro Lopes. A súa palestra versará sobre Paralelos: Puerto Rico/Galiza. Será a partir das oito do serán, no local da Fundación Caixa Galicia (no Cantón Grande da Coruña). Organiza a Agrupaçom O Facho.
A Coruña: conferencia de Justo Beramendi
O vindeiro martes 9 de marzo, o historiador Justo Beramendi González falará sobre O nacionalismo galego nos finais do franquismo dentro do ciclo Economia, História e C.C. Sociais organizado pola Agrupaçom O Facho. Será ás oito do serán na aula de cultura Caixa Galicia (Médico Rodríguez nº 2, esquina Juan Flórez) na Coruña.
A Coruña: conferencia de Carlos Quiroga
O vindeiro martes 23 de febreiro o doutor e profesor da USC Carlos Quiroga Díaz falará dentro do Ciclo, Literatura e Naçom organizado pola Agrupaçom O Facho. A sua charla versará sobre Encontros e desencontros da Literatura Galega com as Lusófonas. Será a partir das oito do serán no local da Fundación Caixa Galicia (Cantón Grande, 21-24).
