“Alfredo Conde foi escollido gañador da primeira edición do Premio Ángeles Terrazo de Novela pola súa obra A chuvia eterna. O xurado, composto por Arantza Portabales Santomé, Darío Villanueva Prieto, José Manuel Otero Lastres, Bieito Rubido Ramonde e Adolfo Domínguez Fernández, seleccionou a novela do autor galego entre máis de 200 obras recibidas.
Nado en Allariz, Alfredo Conde Cid gañou o premio cunha obra escrita en lingua galega que, desde unha perspectiva costumista, consegue evocar a vida, as tradicións e as crenzas dun territorio concreto, combinando realismo, ironía e elementos case máxicos.
A Fundación celebra especialmente que esta primeira edición recoñecese unha novela en galego, un desexo que a súa presidenta, Ángeles Terrazo, expresara desde o inicio do proxecto e que reforza o compromiso da entidade coa promoción e posta en valor da literatura en lingua galega. (…)”
Arquivos da etiqueta: Bieito Rubido
Presentación en Ferrol de “Política en galego dise pacto”, de Bieito Rubido
“Política en galego dise pacto”, de Bieito Rubido, presentarase no Ámbito Cultural de El Corte Inglés
O libro Política en galego dise pacto, de Bieito Rubido, será presentado no Ámbito Cultural de El Corte Inglés. Será:
-N’ A Coruña o venres 6 de xullo, ás 20:00 horas. Intervirán Mar Barcón, Enrique Tello e Carlos Negreira, ademais do autor.
-En Santiago o luns 9 de xullo, ás 20:00 horas. Intervirán Marta Álvarez-Santullano, Néstor Rego e Xerardo Conde Roa, ademais do autor.
