Desde
Sermos Galiza:
“A Fundación Castelao vén de nomear presidente a Carlos Mella, economista, escritor e político nado na Estrada en 1930. Mella ocupa o cargo, baleiro após o falecemento de Avelino Pousa Antelo. Mella foi vicepresidente de asuntos económicos na Xunta de Fernández Albor. Na súa traxectoria política pasou por diferentes formacións, como UCD ou Coalición Galega. En 1994 foi candidato do BNG ás eleccións europeas. Carlos Mella foi presidente da Asociación de Escritoras e Escritores en Lingua Galega, porén só ocupou o cargo durante vinte días en xullo de 2001.”
Arquivos da etiqueta: Carlos Mella
Ourense: Auria, actividades do día 12
Dentro das 
actividades de Auria, que se desenvolve no Xardín do Posío de Ourense, o martes 12 de outubro prosegue a Feira do Libro, en horarios de 12:00 a 14:30 h. e de 17:00 a 22:00 h. No programa literario destacan os seguintes actos:
13:00 h. Sinatura de libros de Carlos G. Reigosa.
19.00 h. Tras o encontro e sinatura de libros con Juan Eslava Galán, mesa redonda sobre A guerra do 36 na novela galega, coa participación de Carlos Mella, Carlos G. Reigosa, Francisco X. Fernández Naval e Xosé Ramón Pena, moderada por Xosé A. Ponte Far.
Posteriormente, a partir das 20:30 h., recital de poesía Palabra Viva no Centro Cutural da Deputación (Edificio Simeón), con entrada de balde até completar aforo
O programa completo pódese descargar aquí: Programa de Auria, Semana de Literatura Histórica.
