O xoves 15 de setembro, ás 19:00 horas, na Sala Prat de la Riba do Institut d’Estudis Catalans (Carrer del Carme, 47) de Barcelona, terá lugar unha mesa redonda sobre a figura de Álvaro Cunqueiro baixo o título de Cunqueiro e a cultura catalá, onde Pere Gimferrer, Jordi Garcia, Basilio Losada e Fernando Valls analizarán a vinculación do autor mindoniense con Catalunya. Salvador Giner e Ramón Villares presidirán o acto, enmarcado na celebración do centenario do nacemento de Cunqueiro.