Arquivos da etiqueta: Lidia Senra
Santiago: Á beira de Beiras, homenaxe a Xosé Manuel Beiras, o 17 de decembro
Co 
gallo do 40º aniversario do libro O atraso económico de Galicia terá lugar unha homenaxe ao seu autor, Xosé Manuel Beiras Torrado, o vindeiro 17 de decembro en Santiago de Compostela, baixo o título Á beira de Beiras. A comisión organizadora, integrada por Xosé María Álvarez Cáccamo, Salomé Álvarez Blanco, Xusto Beramendi, Manuel Caamaño, Comba Campoy, Xosé Ramón Fandiño, Miguel Anxo Fernán-Vello, Víctor F. Freixanes, Margarita Ledo, Lidia Senra e Xosé Manuel Soutullo, infórmase de que a homenaxe contempla tamén a celebración do 75 aniversario do economista, profesor e político galego, engarzando así as dúas efemérides e “ofrecendo o merecido recoñecemento pola súa traxectoria de entrega a Galicia e loita pola reivindicación dos valores que ennobrecen ao ser humano”.
Nese día, 17 de decembro, ás 12:30 horas, no salón Ángel Brage do Auditorio de Galicia, en Santiago de Compostela, farase a presentación dun libro dedicado á súa persoa editado por Galaxia con máis de trinta autores, xunto con outras actuacións no mesmo lugar que se están a programar. Este acto será público.
A continuación, ás 14:30 horas, terá lugar un xantar no seu honor no restaurante do mesmo auditorio, para o que será preciso inscribirse na conta do Banco Santander 0049 5404 22 2795102504 (Homenaxe a Beiras), mediante o pago de cincuenta euros. Máis información no correo: homenaxebeiras@gmail.com
Crónica posterior en Galaxia. Nesas ligazóns pódense ver unha fotogalería do acto e a súa intervención.
A Coruña: presentación de Lidia Senra. Historia dun liderado entrañable, de Tareixa Ledo Regal
O 
venres 10 de xuño, ás 20:00 horas, na Casa Museo Casares Quiroga (Rúa Panadeiras, 12) da Coruña, preséntase o libro Lidia Senra. Historia dun liderado entrañable, de Tareixa Ledo Regal, publicado en Laiovento. Participarán no acto, acompañando á autora, a propia Lidia Senra e Carme Freire.
Entrega do Pedrón de Honra a Andrés Pociña e Aurora López
Na 
entrega do Premio Pedrón de Honra a Aurora López e Andrés Pociña:
“(…) Por outra parte, Andrés Pociña destacou da súa muller, a premiada Aurora López, os traballos de recuperación de escritoras medievais e clásicas “maltratadas polos estudos académicos” e tamén doutras actuais e puxo de relevo os seus traballos na Universidade de Granada a favor da igualdade. Aurora López, pola súa banda, reivindicou a lingua galega e a Rosalía, que a mantiveron vencellada a Galicia 35 anos despois de chegar a Granada e criticou ó Goberno galego por todo o empeño que está poñendo en “salvar ó castelán” porque di que está en perigo.
De Andrés Pociña e Aurora López a Fundación destacou obras como Rosalía de Castro, Documentación biográfica e bibliográfica crítica (1937-1990), unha edición crítica de Cantares Gallegos, Rosalía de Castro. Estudos sobre a vida e a obra ou Conversas con Maruxa Villanueva.
Tamén considera importantes as súas achegas e publicacións en distintos diarios e revistas que inciden nos debates públicos sobre a identidade galega e a súa incidencia importante no mundo cultural europeo. López é profesora titular de Filoloxía latina e Pociña, catedrático da mesma materia na Universidade de Granada.” Vía Galicia Hoxe.
Andrés Pociña e Aurora López galardoados co Premio Pedrón de Honra
“A 
Fundación Pedrón de Ouro otorgou o premio homónimo á sindicalista galega, Lidia Senra, na edición deste ano pola súa traxectoria a favor da defensa e promoción da cutura galega. Pero nesta 48 edición tamén foron designados como Pedrón de Honra aos profesores da Universidade de Granada Andrés Pociña e Aurora López, polas súas iniciativas en favor da lingua e cultura galegas, sobre todo no que a traballos sobre obra e pensamento de Rosalía de Castro se refire. En concreto, a fundación valorou os traballos de López e Pociña titulados Rosalía de Castro. Documentación biográfica e bibliográfica crítica así como Rosalía de Castro. Estudios sobre a vida e a obra, ademais das diversas achegas a través de distintos xornais e revistas. Pociña é tamén autor dunha célebre tradución de poesía grega ao galego. (…)
Desde a Fundación Pedrón de Ouro explican que o Premio Pedrón de Ouro concédese a unha “personalidade ou entidade viva e residente en Galicia que máis destacou na defensa e promoción das diversas facetas da cultura nacional ao longo do ano ou nunha traxectoria vital”. Pola súa banda, o Premio Pedrón de Honra entrégase a residentes foráneos “que destacasen coas súas achegas ao engrandecimiento da nación e da cultura”. Vía Galiciaé e Galicia Hoxe.
Santiago: presentación de Lidia Senra. A historia dun liderado entrañable, de Tareixa Ledo Regal
O 
sábado 18 de decembro, a partir das 12:00 h., no Auditorio de Galiza de Santiago de Compostela, preséntase o libro Lidia Senra. A historia dun liderado entrañable, de Tareixa Ledo Regal, publicado en Laiovento. No acto participan Xosé Manuel Beiras, Carme Freire, Lidia Senra e a autora, moderad@s por Isabel Vilalba Seivane.
Aquí pode lerse a entrevista feita á autora en Galicia Hoxe.
