Arquivos da etiqueta: Miro Villar
Santiago: presentación dun poemario de Xoán Carlos Domínguez Alberte
Este mércores 2 de decembro preséntase en Santiago o poemario Incivil de Xoán Carlos Domínguez Alberte, editado por Toxosoutos. Participarán no acto o poeta Miro Villar e David González Couso, director de publicacións da editorial. Será a partir das 20 horas na Libraría Couceiro.
Culturagalega.org adapta para Google Earth unha antoloxía poética da Costa da Morte
”A primeiros de mes falamos da publicación De Pondal ao Batallón Literario. 120 anos de poesía na Costa da Morte, unha estensa antoloxía editada por Miro Villar e Modesto Fraga que reivindica esta franxa litoral como paisaxe literaria. E culturagalega.org quixo experimentar con ela, ofrecéndovos o que cremos que é un dos primeiros poemarios en Google Earth, para que compares a paisaxe cos versos dos poetas”. [Ver a páxina do poemario]
Cee: presentación de Escapado
O xoves 13 de agosto ás 20 horas nos locais do Museo Fernando Blanco de Lema, e dentro das actividades culturais da Feira do Libro de Cee, presentarase o libro Escapado. Do monte do Pindo ao exilio pasando pola
illa de San Simón, a primeira novela de Luis Lamela, editada por Edicións Xerais de Galicia. O autor estará acompañado por Miro Villar.
Homenaxe a Cipriano Fernández en Fisterra
O venres 30 foron inauguradas en Fisterra as Xornadas de homenaxe ao republicano Cipriano Fernández, alcalde da vila fusilado polo réxime franquista. Con sesións tamén no 2 e no 4 de abril, a homenaxe contará coa presenza dos escritores Xesús Alonso Montero, Xosé Luis Axeitos, Modesto Fraga, Miro Villar, Marcos Valcárcel e Yolanda López, entre outras persoas da cultura e da política.
