Arquivos da etiqueta: Museo do Pobo Galego
Boiro: mesa redonda “Ramón Martínez López e o Seminario de Estudos Galegos”
Compostela: acto de entrega do XIV Premio Rosalía de Castro de Lingua 2023
Negreira: Homenaxe a Xulián Magariños Negreira no seu 119 aniversario
Compostela: Congreso Recoñecemento internacional de Galiza como nación, o 16 de setembro
Compostela: Xornada A Voltas co Baile, o 30 de setembro
No sábado 30 de setembro retomamos a actividade “A voltas co baile” na que procuraremos reflexionar sobre o sentido de comunidade nos espazos e prácticas nas que se desenvolve.
Para isto, contamos co seguinte programa:
– De 10h30 a 11h30. Relatorio. Ao coidado do patrimonio inmaterial. Repensando a música e o baile tradicionais como bens mancomunados. Con Xulia Feixoo.
– De 11h45 a12h45. Relatorio. Arredor do patrimonio cultural inmaterial colectivo. Viaxe a unha declaración BIC. Con Beatriz Busto.
– De 13h a 14h. Mesa redonda. Foliada, ruada, serán… O encontro da comunidade a través do baile. Contaremos con Adrián Méndez pola Foliada da Fonsagrada, Chus Caramés polos Encontros de música tradicional de Carboeiro (Silleda) e Lucinda Barcia e Monserrat Alvariño Barcia polo Serán dos Namorados (Toutón, Mondariz).
De 14h a 20h. FOLIADA. No xardín da ala sur do Museo e co-organizada coa AVV A Xuntanza e o grupo das Festas do Barrio de S. Pedro.
Xornadas de balde.
Inscricións (só precisa para a xornada teórica) en servizosdeac@museodopobo.gal antes do 29 de setembro.
Compostela: conferencia “O traballo etnomusical de Alan Lomax en Galicia”, por Judith Cohen
Compostela: faladoiro “O espírito do Seminario en Compostela”
Baio, Zas: Centenario do Seminario de Estudos Galegos
Xusto Beramendi recibe a Medalla de Ouro do Museo do Pobo Galego
Desde Nós Diario:
“Coincidindo coa asemblea do padroado do Museo do Pobo Galego (MPG), o sábado 27 de maio entregóuselle ao historiador Xusto Beramendi, un dos seus fundadores, a Insignia de Ouro da entidade.
O padroado, na súa intervención, recoñeceulle que “os factores considerados para conceder as anteriores insignias de ouro concorren no caso do Dr. Beramendi González”.
Lembraron, ademais, por unha parte, que, “xunto cos xa finados Carlos García Martínez e Rafael Baltar Tojo concibiron a idea de crear o MPG, recollendo arelas históricas do galeguismo e valéndose da plataforma do COAG, ao que estaban vencellados laboral e profesionalmente.”
Por outra, recordaron que “ao longo de moitos anos asumiu responsabilidades de xestión no propio MPG, primeiro como secretario, logo como presidente da Xunta Reitora, e finalmente como presidente do padroado”.
Tiveron en conta desde o padroado, tamén, que “até o último momento levou o leme de MPG para non desviarse dos obxectivos de medre e anovamento” polo que “coherente coas súas ideas, en maio de 2022 para non perpetuarse no cargo renunciou á presidencia do padroado e desbotou a idea de presentarse á reelección”.
Após participar na fundación do Museo do Pobo Galego, exerceu como secretario do padroado entre os anos 1976 e 1986.
Posteriormente, foi nomeado presidente da Xunta Reitora en 2000. Un posto que ocupou até 2011, ano no que foi escollido presidente do padroado.
En abril de 2022 anunciou a súa decisión de retirarse e escolleuse á profesora Concha Losada, daquela vicepresidenta, como nova presidenta.”
