Ourense: exposición Fóra de campo, no Outono Fotográfico 2013

Do martes 3 ao xoves 19 de decembro, na Galería Visol (Rúa San Domingos, 33) de Ourense, e con horarios de martes a venres, de 18:30 a 21:00 horas, e sábados de 12:00 a 14:00 h. e de 18:30 a 21:00 horas, dentro do Outono Fotográfico 2013, estará aberta a exposición Fóra de campo, que nace como un proxecto colectivo co que se pretende reflexionar e crear ao redor da fotografía e os seus límites. O grupo está formado por Caxigueiro, Eduardo Estévez, Ernesto González Torterolo e Nachok, propón un achegamento a esta disciplina explorando as posibilidades que poden ofrecer outras linguaxes artísticas (pintura, escultura, videocreación e poesía) na procura de lecturas menos convencionais. A inauguración terá lugar o martes 3 de decembro ás 20:00 horas.

A Coruña: exposición Le monde habité, con fotografías de Gustavo García Roig e poemas de François Davo

Desde o mércores 9 ao mércores 30 de novembro, na Casa Museo María Pita (Rúa Herrerías, 28) da Coruña, con horario de martes a sábado, de 10:30 a 14:00 h. e de 17:30 a 20:00 h., domingo, de 10:30 a 14:00 h. (luns pechado), e dentro do Outono fotográfico 2011, poderase visitar a exposición Le monde habité, coa fotografía de Gustavo García Roig e a poesía de François Davo. A inauguración terá lugar o mércores 9 de novembro, ás 20:00 horas, e, dentro dela, terá lugar un recital poético do propio autor.