O venres 10 de decembro, a partir das 18:30 h., a Sección de Literatura do Liceo de Ourense convoca unha nova edición do Roteiro Literario de A esmorga, que terá o seu inicio no lugar de saída habitual, na Avenida de Zamora, para logo irse desprazando ao longo da cidade medieval polos mesmos espazos físicos e emotivos que percorreron os personaxes da inmortal novela de Eduardo Blanco Amor, estando nesta ocasión a lectura dos textos a cargo dos alumnos do Instituto Otero Pedrayo. O peche deste novo Roteiro farase diante da Estatua do escritor ourensán na Praza do Bispo Cesáreo, rematándo cun viño galego na Sala de Tertulia do Liceo.