O luns 7 de outubro, ás 20:00 horas, na Sala Multiusos do Museo Provincial de Lugo (Praza da Soidade, s/n), inaugúrase a exposición Manuel Rodríguez López. Emigrante Galego, Poeta Obreiro, que permanecerá aberta até o xoves 7 de novembro, con entrada gratuíta, e horarios de visita de luns a venres de 09:00 a 21:00 horas; sábados de 10:30 a 14:00 h. e de 16:30 a 20:00 horas; e domingos e festivos de 11:00 a 14:00 horas.
A mostra está formada por 16 paneis informativos sobre diversos aspectos relativos á vida e obra deste creador galego, do que a maior parte da súa obra viu a luz na emigración catalana.
Na inauguración está previsto Valentín García, Mario Outeiro, Xosé Manuel Mato e Carmen Basadre, ademais de Santiago Rodríguez, fillo do homenaxeado, no nome da familia, e Antonio Giz, director de Galicia Dixital, entidade que está a impulsar a difusión da vida e obra do autor paradelense, e que promove tamén a súa páxina web.