19.00 h. 
Presentación da colección de libros infantís Rodribico, publicada por Baía Edicións. Participan no acto Manuel Guisande, autor dos textos, Xosé Tomás, autor das ilustracións e o debuxante Siro López.
19.00 h. Manuel Rivas asinará exemplares do seu libro Milú, publicado por Kalandraka Editora. Tamén asinará exemplares do seu libro Todo ben, publicado por Xerais, e do resto da súa obra.
20.00 h. O escritor Xosé Carlos Caneiro presentará o seu libro Un último destino, publicado por Galaxia. Xunto co autor, participarán no acto Víctor F. Freixanes e Xosé Luis Vilela.
21.00 h. Presentación do libro Intersecciones, de Pablo de Aguilar González, publicado por editorial Inéditor. Xunto co autor, participará no acto o escritor Juan Mariñas.
Arquivos da etiqueta: Xosé Carlos Caneiro
Santiago: recital poético-musical Camiños de amor e lúa, no CGAC
O venres 2 de xullo, ás 22:45 h., no Centro Galego de Arte Contemporánea (CGAC), terá lugar o acto de clausura do espectáculo poético Camiños de amor e lúa, que visitou 30 concellos dos distintos camiños de Santiago en Galiza. No acto recitaran os poetas: Xosé Carlos Caneiro, María Canosa, Olalla Cociña, María Lado, e X. H. Rivadulla Corcón. Acompañados polos músicos: Bernardo Martinez, Willy Mondeja, Xosé Manuel Salgado, Miguel Seoane e Franky Valencia. Camiños de amor e lúa é unha experiencia poética patrocinada pola Sociedade de Xestión Xacobeo 2010, e encadrada dentro do programa do Ano da Lectura desenvolvido pola Dirección Xeral de Promoción e Difusión Cultural, coa que se buscou que no ano xacobeo a poesía tamén fose protagonista. Máis información aquí.
A Coruña: presentación dun poemario de Xosé Carlos Caneiro
O escritor verinés Xosé Carlos Caneiro presentará Camiños de amor e lúa, a súa última obra, hoxe xoves 3 de decembro ás 20 horas no salón de Ámbito Cultural de El Corte Inglés da Coruña. Estará acompañado pola escritora Inma López Silva. Camiños de amor e lúa é un libro de libros que ofrece a oportunidade de achegarse ao mundo literario particular de Caneiro, esta vez desde a poesía. O autor compilou máis de cento cincuenta poemas unidos pola mesma temática: o amor, que é, sen dúbida, unha das liñas fulcrais da súa obra.
Xosé Carlos Caneiro, pregoeiro da Feira do Libro de Cangas
O mércores 22 de xullo comeza a Feira do Lbiro de Cangas, que se celebrará até o domingo 26 na Alameda Vella. Este ano o encargado de ler o pregón inaugural será o escritor Xosé Carlos Caneiro. Durante a Feira presentaranse entre outros os libros Leocadio, o león, do escritor cangués Oli; A cociña de larpeiros de Benigno Campos; Nos dominios da incerteza de Manuel Blanco Desar e O libro das viaxes imaxinarias de Xabier P. Docampo e Xosé Cobas.
Verín: presentación da nova novela de Xosé Carlos Caneiro
O próximo venres 9 de maio terá lugar en Verín a presentación da novela Blue Moon de Xosé Carlos Caneiro, editada por Biblos Clube, nun acto no que tamén se presentará o viño Quinta do Buble 2008. Será a partir das 13 horas en Casa Zapatillas, na rúa Luis Espada de Verín. Antonio Diz e Xosé Carlos Caneiro conversarán sobre as súas repectivas creacións, e posteriormente celebrarase un xantar no mesmo lugar no que se degustarán produtos propios da gastronomía do val de Monterrei.
Ás oito da tarde na Casa da Cultura de Verín levarase a cabo unha segunda presentación pública da novela Blue Moon; a entrada nesta ocasión será libre e gratuíta.
Libro aberto, programa do 29 de abril
Esta semana visita o programa Libro aberto o escritor ourensán Xosé Carlos Caneiro, que falará do seu último libro, Blue Moon, unha novela publicada por Biblos Clube de lectura.
A reportaxe semanal abordará os Premios Biblos, galardóns para menores de 25 anos concedidos polo Biblos Clube de Lectores. O club organiza xa a quinta edición destes premios que lle permiten ao gañador rematar a súa novela asesorado por un escritor de renome.
Con motivo do vixésimo aniversario da fundación de Gálix, a asociación galega do libro infantil e xuvenil, o programa falará da súa actividade, especialmente o seu club literario “Tendendo redes”, que pretende instaurar un espazo de reunión e análise para autores, críticos e editores. Libro aberto conversará ademais coa escritora Marilar Aleixandre sobre a súa última novela A cabeza de medusa, que aborda o tema da violencia sexual. A obra foi galardoada co premio Fundación Caixa Galicia.
No espazo de crítica literaria Xavier del Valle Inclán fará análise do libro Correspondencia con el exilio que recolle as case mil cartas que Cela cruzou con trece escritores exiliados. O experto en teatro Carlos Franco falará de Cartas de amor a Stalin, Himmelweg e A Paz perpetua, de Juan Mayorga, unha colección de teatro que publica Galaxia en colaboración coa Escola de Arte Dramática de Galicia. O programa pecha cunha reportaxe sobre Rosalía 21, un proxecto que combina tres propostas coas que reler a obra de Rosalía de Castro nun espectáculo audiovisual.
Libro aberto emítese hoxe mércores 29 de abril á noite (00:45), na Televisión de Galicia. Tamén poden ver o programa na G-2 (TDT) o luns ás 23:30 horas, ou a través da páxina web.
Xosé Carlos Caneiro e Manuel Rivas na Feira do libro da Coruña
O día 8 de agosto ás 20 horas o escritor Xosé Carlos Caneiro ofrecerá un recital literario-musical sobre o seu libro A vida nova de madame Bovary (Edicións Xerais), acompañado á guitarra por Xosé Manuel Salgado.
Ás 21 horas terá lugar a conferencia de Manuel Rivas “A odisea coruñesa”, con motivo do ciclo “Marinedas, cidades e literatura”.
Preséntase en Boiro a novela de Xosé Carlos Caneiro A vida nova de Madame Bovary
A editorial Galaxia, a Asociación Cultural Barbantia, La Voz de Galicia e o Proxecto Leñaverde, convídano/a á presentación da novela de Xosé Carlos Caneiro A vida nova de Madame Bovary, así como á saída do nº 35 do suplemento cultural “A voz de Barbantia”.
Acompañarán o autor do libro Xerardo Piñeiro (Concelleiro de Cultura), Carlos Lema (editor de Galaxia) e Antón Riveiro Coello, presidente de
Barbantia, que manterán unha conversa co escritor verinense. O acto terá lugar o vindeiro venres 30 de maio, na Estación Leñaverde (Centro Social) de Boiro, ás 20:30.
