Vigo: conversa de Inma López Silva coa poeta María Lado sobre Despois de San Castelao
Arquivos da etiqueta: María Lado
Conversa de Inma López Silva coa poeta María Lado sobre Despois de San Castelao, en Vigo
Compostela: actividades do 11 de outubro na SELIC 2026
O relato “Escuma de wolframio”, de Gerardo González Carrera, gañador do XIII Certame de Relatos Vigo Histórico
Desde Editorial Elvira:
“(…) Os dous relatos premiados non teñen nada que ver, más alá de que a trama se desenvolve en Vigo. O primeiro premio, Escuma de Wolframio, de Gerardo González Carrera, é unha historia de espionaxe, amor e traizón ambientada no Vigo da Segunda Guerra Mundial, coa ría e o tráfico de wolframio como pano de fondo. O protagonista é Thomas Harris, un axente británico infiltrado como comerciante de viños que se verá atrapado entre a súa misión, unha perigosa rede de intereses nazis e unha muller que garda moitos segredos. (…)
A única condición marcada nas bases do Certame, más alá da extensión, é que Vigo debe ter un papel protagonista na historia presentada. No acto de hoxe tamén se anunciou a data na que se celebrará a gala de entrega dos premios que será o vindeiro venres 13 de novembro. Neste acto tamén se presentará o libro Relatos na Rúa XIII, no aparecerán publicados os relatos premiados e unha ampla escolla dentro dos presentados realizada polo xurado, que un ano máis fixo un traballo impecable. Entre eles, figuran textos de Marcos López Concepción, Nuria Guardiola Medel, Andrea Broullón Dobarro, Ángela Costas Parada, Soledad Garcia Riveiro, Iván Campo Rodríguez, Miguel Regojo Fernández, Clara Pino, Masha Álvarez, Lía Rodríguez Puertas, Rebeca Lar, Julio Fernández Peláez e Pablo Barreiro Castro.
O xurado do Certame de Relatos Vigo Histórico está formado pola escritora Clara do Roxo; o xornalista Jacobo Buceta; a filóloga e poeta Patricia Meira, o escritor Santiago Lopo; a escritora e actriz María Lado; a xornalista Noelia Otero Lago; a profesora e tradutora Alba Piñeiro e a diplomada en Relacións Laborais e gran lectora María Jesús Fernández Domínguez, ademais do presidente do xurado, que é Xabier Romero. (…)”
SELIC (Semana do Libro de Compostela) 2026
Toda a información aquí.
A Coruña: obradoiro para ler poesía A tiro de verso, impartido por Dores Tembrás
Corcubión: presentación e sinatura de Odias a poesía, de María Lado
Presentación e sinatura de Odias a poesía, de María Lado, en Corcubión
Obradoiro de creación literaria Sen marxes. Poesía expandida, con Silvia Penas, en Vigo
O Obradoiro de creación literaria Sen marxes. Poesía expandida, é unha iniciativa da Escola de Escritoras-es da AELG, con patrocinio da Xunta de Galicia e a colaboración da Biblioteca Municipal Neira Vilas de Vigo e a Asociación Cultural Évame Oroza.
Será impartido por Silvia Penas, cunha sesión especial a cargo de María Lado.
Ten 15 prazas para persoas maiores de 18 anos. A inscrición, gratuíta, farase enviando un correo electrónico a oficina@aelg.org indicando nome, apelidos e o nome deste obradoiro. ACTUALMENTE ESTÁN XA TODAS AS PRAZAS CUBERTAS, POLO QUE AS SOLICITUDES QUE SE ENVÍEN A PARTIR DE AGORA ENTRARÍAN NUNHA LISTAXE DE RESERVA.
Calendario, horarios e emprazamentos
– Biblioteca Municipal Neira Vilas de Vigo (Avenida Emilio Martínez Garrido, 21):
Sábados 10, 17, 24 e 31 de outubro de 2026, de 10:00 a 14:00 h.
– Asociación Cultural Évame Oroza (Subida Costa, 5):
Sábado 7 de novembro de 2026, de 10:00 a 14:00 h.
“A poesía non entra nun DIN A4. Sen marxes é un convite a desbordar o papel para levar a escrita directamente ao corpo, á sonoridade e ao espazo.
Neste obradoiro sentaremos á mesa da creación poética sobre catro patas fundamentais: voz, corpo, música e obxectos. Con estes elementos hibridaremos o poema para darlle sabor e colocalo no centro do taboleiro, alimentando a nosa fame simbólica e artística, e a necesidade de resignificar o mundo desde o código poético.
Ao romper os límites do folio, a escrita feita corpo habitará o espazo, gañará sonoridade e cambiará de cor.”
Información sobre protección de datos
A responsábel do tratamento é a Asociación de Escritoras e Escritores en Lingua Galega. A finalidade do tratamento é a prestación do servizo que se detalla na solicitude ou actividade organizada. A base legal do tratamento é o cumprimento dunha obriga contractual na prestación dun servizo. Os seus datos conservaranse unicamente durante os prazos de prescrición legalmente aplicábeis. Pódense comunicar os seus datos a terceiras/os organizadoras/es ou colaboradoras/es da actividade. No caso de solicitar certificado de asistencia, os seus datos comunicaranse ao/á impartidor/a da actividade. Pode acceder, rectificar, suprimir os seus datos e nos casos determinados opoñerse ao tratamento, limitar o seu uso ou portar a outra/o responsábel. Tamén pode solicitar a tutela da Axencia Española de Protección de Datos ou presentar unha reclamación ante a mesma.
Poesía na rúa. I Certame Batallón Literario da Costa da Morte, en Cee
