18.30 h. O escritor Xosé Neira Vilas asinará exemplares do seu último libro, Presenza galega en Cuba e do resto da súa obra.
19.00 h. Presentación do libro Xenaro e a hucha do indiano, da escritora Mar Guerra, publicado por Edicións Xerais. Xunto coa autora, participará no acto Manuel Bragado.
20.00 h. Pablo Díaz, autor do texto e a música e Marc Taeger, autor das ilustracións, asinarán exemplares do seu libro–disco Tic–Tac, publicado por Kalandraka.
20.00 h. Presentación do libro Presenza galega en Cuba do escritor e académico Xosé Neira Vilas, publicado por Edicións Xerais. Xunto co autor, participará no acto Manuel Bragado.
20.30 h. O escritor Vicente Bellón asinará exemplares do seu libro El trueno y sus gigantes, editado por Publicaciones Arenas.
21.00 h. Presentación do número 186 da revista Grial: Homenaxe a Luís Seoane. Participarán no acto Ramón Villares, presidente do Consello da Cultura Galega, Henrique Monteagudo e Víctor F. Freixanes.
Arquivos da etiqueta: Xosé Neira Vilas
A Coruña: presentación de Cartas de vellos amigos, de Xosé Neira Vilas
Xosé Neira Vilas presentará o venres 30 o seu último libro, Cartas de vellos amigos, no Centro Asociado UNED-A Coruña. Estará acompañado pola directora do centro, Susana Blanco, polo director xeral de Galaxia, Víctor F. Freixanes, o académico Xosé Luís Axeitos e Dolores Vilavedra, autora do limiar do libro.
Lalín: xornadas sobre Neira Vilas
As Xornadas de Neira Vilas celebraranse na Aula UNED de Lalin do Centro Asociado de Pontevedra.
Cartas de vellos amigos, de Neira Vilas
«Xosé Neira Vilas escolma e recolle a correspondencia que mantivo con máis de corenta personalidades, sobre todo do mundo do galeguismo.» (Diario Cultural da RG)
Xosé Neira Vilas, Premio Laxeiro 2010
O conselleiro de Cultura e Turismo, Roberto Varela participou onte na reunión do padroado da Fundación Laxeiro en Vigo e logo entregoulle a Xosé Neira Vilas (Gres, 1928) o Premio Laxeiro 2010. Varela gabou a carreira do galardoado, afirmando que “é un dos grandes nomes da nosa cultura, un referente literario, intelectual e, sobre todo, humano”, e resaltou as afinidades entre o premiado e José Otero Abeledo, máis coñecido como Laxeiro, “por compartir o don extraordinario de repropoñer en formas aparentemente simples, inmediatamente comunicativas, toda unha tradición cultural” así como posuír “a cualidade rara e preciosa, de creadores verdadeira e sentidamente populares”. [Ler noticia completa en Xornal de Galicia]
Cea-homenaxe a Xosé Neira Vilas
Recordámosvos que este sábado, día 31 de xaneiro, a Agrupaçom O Facho organiza un acto de homenaxe ao escritor Xosé Neira Vilas, ao que lle entregará O Facho de Ouro como recoñecimento á súa longa traxectoria na defensa da dignidade e da cultura do País. O acto cívico virá acompañado dunha cea que se celebrará a partir das 21 horas no Hotel Riazor da Coruña. Para asistir é preciso facer a reserva chamando ao teléfono 981269663 (pola tarde).
Vilalba: Xosé Neira Vilas e Anisia Miranda, “chairegos de honra “
O 15 de novembro de 2008, en Vilalba ás 12:00, terá lugar unha táboa redonda coa participación de:
• Antía Cal
• Marica Campo
• Isaac Díaz Pardo
• David Otero
• Ramón Regueira
Despois celebrarase un xantar de Irmandade na NOVA RUTA de Vilalba. O evento será amenizado cun concerto de A Quenlla.
Para apuntarse ao xantar ou máis información: 646 41 38 90 e xermolos@xermolos.org
(Asociación Cultural Xérmolos)
Xosé Neira Vilas na Feira do libro da Coruña
O 6 de agosto na Feira do Libro da Coruña (xardíns de Méndez Núñez) Xosé Neira Vilas asinará exemplares das súas obras ás 19 horas na caseta de información.
Xosé Neira Vilas e César Antonio Molina na Feira do libro d’ A Coruña
Ás 18:30 horas na Feira do libro d’ A Coruña (Xardíns de Méndez Núñez), o escritor Xosé Neira Vilas asinará exemplares dos seus libros na caseta de secretaría.
Ás 19:30 terá lugara presentación do poemario Eume, de César Antonio Molina, publicado pola Editorial Galaxia. Xunto co autor, participarán no acto Luis García Soto (filósofo e profesor da USC), Antón Patiño (pintor), Manolo Vilariño (fotógrafo) e o director xeral da editorial Víctor Freixanes.
