Poesía e filosofía, nos premios Merlín e Jules Verne de Xerais

Desde o Diario Cultural da Radio Galega:
“No Diario Cultural da Radio Galega conversaron con Anxo Iglesias, que nos presenta neste premio Merlín de literatura infantil un poemario para xogar coas palabras: “Celebro que o premio sexa para a poesía, moitas veces secundaria, pero que sempre está aí para acompañarnos e é a nova dimensión que permite que existan as demais”.
Pola súa banda, Rocío Leira achéganos ao mundo da filosofía con dous protagonistas que tratarán de resolver un misterio que aparece nos anuncios por palabras dun xornal. O seu foi o libro gañador do premio Jules Verne de literatura xuvenil: “No libro búscase persoa valente para resolver un misterio, e eu busco que o lectorado valente se abra á filosofía dunha maneira divertida”.
A entrevista pode escoitarse aquí.”

Pontevedra: Culturgal 2022, do 24 ao 27 de novembro

“Un percorrido polos cen anos de edición moderna en Galicia”

Desde o Diario Cultural da Radio Galega:
“A Asociación Galega de Editoras organiza o XIX Simposio O libro e a lectura, que este ano fai un percorrido pola historia da edición moderna en Galicia. Henrique Alvarellos, presidente da entidade, fálanos do evento, e Encarna Otero, dános un par de pinceladas máis acerca de figuras como Ánxel Casal ou María Miramontes. A entrevista pode escoitarse aquí.”

“Zoom sobre a realidade nos relatos de Ramón D. Veiga”

Entrevista a Ramón D. Veiga no Diario Cultural da Radio Galega:
Zoom é unha colección de dez relatos inspirados noutras tantas imaxes de fotógrafos galegos contemporéneas. É a primeira incursión na literatura para público adulto de Ramón D. Veiga. A entrevista pode escoitarse aquí.”

Animalario de ler a diario, un poemario bestial de Eduard Velasco

Entrevista a Eduard Velasco no Diario Cultural da Radio Galega:
“Eduard Velasco estréase na literatura infantil con Animalario de ler a diario, un poemario protagonizado por bechos de todo tipo e no que xoga coas palabras e coa métrica. O libro está ilustrado por Nuria Díaz, publícao Edicións Xerais e foi finalista en dúas ocasións do premio Merlín de literatura infantil. A entrevista pode escoitarse aquí.”

Xosé Ramón Pena presenta En tempo de desconto

Entrevista a Xosé Ramón Pena no Diario Cultural da Radio Galega:
“Xosé Ramón Pena fainos viaxar no seu novo libro En tempo de desconto. Catro relatos ficcionados que nos convidan a soñar e cos que podemos desfrutar da maxia da súa palabra. No Diario Cultural quixemos conversar con el sobre esta obra e sobre a súa forma de contar historias. A entrevista pode escoitarse aquí.”

Carlos Callón presenta O libro negro da lingua galega: “Malia todo, ata batendo nas crianzas, resistimos”

Entrevista a Carlos Callón na Radio Galega:
O libro negro da lingua galega (Xerais), dispoñible dende hoxe nas librarías. Testemuños da represión lingüística en Galiza ao longo dos séculos, coa divulgación de moitos documentos pouco ou nada coñecidos. Nas súas páxinas abórdase a crueldade dos castigos nas escolas por falar na lingua prohibida, acreditados desde 1543 ata 1980: vareadas, de xeonllos sobre garavanzos, pedras nos petos, o método do anel, etc. Abrimos un camiño para o estudo das multas franquistas por “hablar al público en gallego” e das inspeccións por “exagerado acento gallego”. A entrevista pode escoitarse aquí.”

Berta Dávila, Os seres queridos e a literatura dos porqués

Entrevista a Berta Dávila no Diario Cultural da Radio Galega:
“Berta Dávila presenta Os seres queridos, a novela gañadora do Premio Xerais 2021. As maternidades, os afectos, os bulbos de tulipáns e as palabras danlle forma a este libro da autora compostelá.. A entrevista pode escoitarse aquí.”

Fundación SGAE abre a convocatoria de Escoitamos teatro, certame de textos breves de teatro en galego para radio e podcast

“Co propósito de fomentar a creación de novos textos teatrais en galego, impulsar o xénero do radioteatro e apoiar os autores e autoras de SGAE, a Fundación SGAE convoca Escoitamos teatro, certame de textos dramáticos breves para radio e podcast. Trátase dunha iniciativa do Consello Territorial da SGAE en Galicia coa colaboración da Radio Galega.
Poderán concorrer a este certame todos os socios e socias da SGAE de calquera nacionalidade, agás os membros da Xunta Directiva da SGAE e do Padroado da Fundación SGAE, que escriban obras curtas de teatro en galego creadas para ser difundidas en formato de radioteatro/podcast e cunha duración estimada entre 10 e 15 minutos. Non se admitirán obras en coautoría.
Os textos presentados deberán ser inéditos e integramente orixinais (non se permitirán obras que utilicen fragmentos de obras alleas), cun máximo de dúas personaxes. Tema, xénero e estilo serán libres.
Os autores/as das pezas seleccionadas recibirán unha dotación de 200 euros. Ademais, as obras serán dramatizadas, gravadas e producidas por un equipo profesional no estudio da Fundación SGAE en Santiago de Compostela. As obras resultantes, en formato de radioteatro/podcast, serán divulgadas nas plataformas dixitais da Fundación SGAE. A Radio Galega programará estas obras en horario de ampla audiencia e difundiraas tamén nas súas plataformas dixitais.
As inscricións están abertas ata o 23 de xuño.
Consulta as bases: Máis información e inscricións.”