Lembrámosvos que nas próximas semanas remata o prazo de presentación de orixinais para o X Premio 2009 de Poesía Fiz Vergara Vilariño organizado pola asociación Ergueitos (31 de xaneiro de 2010) e o VII Certame Xornalístico Pura e Dora Vázquez convocado polo Concello de Arteixo (1 de febreiro de 2010).
Arquivo da categoría: Premios poesía: convocatorias
XIII Premio de Poesía “Concello de Carral”
A Concellería de Cultura ven de presentar as bases da décimo terceira edición do premio poético “Concello de Carral”. A nova edición deste certame contempla un prazo para presentar exemplares aberto ata o 31 de marzo. Poderán presentar obras os autores e autoras maiores de idade, con poemarios de máis de 400 versos escritos en lingua galega.
Para esta nova convocatoria, o Concello de Carral destina 2.000 euros de premio. O premio entregarase no mes de maio, dentro dos actos das Letras Galegas en Carral, no que ademais se prevé a presentación do libro gañador da décima primeira edición do concurso, titulado “Nós escoitando o badalo de Marienplatz”, do que é autora Eli Ríos, e que será publicado por Espiral Maior.
Para ampliar información, os interesados poden dirixirse á Casa da Cultura de Carral, no teléfono 981 672580, ou a través da web.
Bases: PDF, 484 KB
4º Premio de Literatura Infantil-Xuvenil Meiga Moira
Baía Edicións vén de convocar o 4º premio Meiga Moira de creación literaria
infantil-xuvenil, que se rexerá polas bases (PDF, 110 KB) que atoparán na páxina web de Baía Edicións.
O premio, que poderá quedar deserto, considerará un único galardón, ao que se lle asigna unha dotación económica de 2.500 euros. A obra será publicada por Baía Edicións na súa colección Meiga Moira.
O prazo de recepción de orixinais remata o 17 de Maio e a súa resolución darase a coñecer o 1 de outubro de 2010.
1º Certame de Poesía sobre os Penedos de Pasarela e Traba
O Seminario de Estudos Comarcais da Costa da Morte (SEMESCOM) convoca o “1º Certame de Poesía sobre os Penedos de Pasarela e Traba” para conmemorar o primeiro aniversario da súa declaración como “Paisaxe Protexida” (11 de decembro de 2008). Establécense tres categorías: na primeira poderán participar os nenos e nenas que teñan ata 12 anos; a segunda vai dirixida a rapaces de entre 13 e 16 anos; e a terceira a todos aqueles autores maiores de 16 anos. A idade contémplase con data de 1 de xaneiro de 2010. A data límite de entrega é o 10 de abril de 2010. Descargar as bases.
X Premio de Poesía Fiz Vergara Vilariño
Premio de poesía Eusebio Lorenzo Baleirón
O Concello de Dodro, para honrar a memoria do seu ilustre poeta e contribuír á promoción da poesía galega, manifestación sobranceira da nosa literatura, convoca a XXiI edición do PREMIO EUSEBIO LORENZO BALEIRÓN. Poderán concorrer a este certame as poetas e os poetas que o desexen, con cadanseu libro escrito en lingua galega, segundo a normativa vixente. Os poemarios aspirantes ao premio serán de tema e forma libres, cunha extensión mínima de 500 versos e máxima de 800. Deberán ser orixinais e estar inéditos na súa totalidade, condición que se estende ao soporte dixital. No momento do fallo do certame, non poderán estar presentados a ningún outro concurso. O prazo de presentación remata o 21 de novembro. A dotación do Premio, único e indivisible, será de 2.300 euros. [Descargar bases en PDF]
XIII Premio de Poesía Johán Carballeira
Poderán concorrer autoras e autores que presentaren os seus orixinais escritos en lingua galega. Os textos, cuxa extensión deberá superar os 400 versos, deben ser inéditos e non estar premiados en anteriores convocatorias do premio nin en ningún outro concurso de poesía. Presentaranse tres copias en tamaño folio, identificadas cun lema, mecanografadas a dobre espazo, numeradas e grampadas ou encadernadas. As copias irán acompañadas dun sobre pechado que conterá os datos persoais do autor ou autora, e deberán enviarse ao seguinte enderezo:
XIII premio de poesía Johán Carballeira
Concello de Bueu
Rúa Eduardo Vincenti, 8
36930 Bueu (Pontevedra)
Concello de Bueu
Rúa Eduardo Vincenti, 8
36930 Bueu (Pontevedra)
O prazo de presentación remata o 16 de novembro de 2009. Para máis información, escriban ao departamento de cultura do Concello de Bueu.
Certame Literario da Asociación Francisco Lorenzo Mariño
Certame de poesía e relato curto. Data límite: 16 de outubro.Bases.
Remata o prazo para participar no XXII Premio Nacional de Poesía Xosemaría Pérez Parallé
O Círculo Mercantil e Industrial-Unidade de Fene lembra que até o 30 de setembro próximo está aberto o prazo de recepción de orixinais para a XXII edición do Premio Nacional de Poesía Xosemaría Pérez Parallé. Esta é unha convocatoria moi especial para o Círculo Mercantil porque este ano celébrase o centenario do nacemento do poeta. Poderán participar do premio aqueles autores e autoras que non teñan ningún libro de poesía publicado. Quen desexe facelo deberán enviar ao enderezo do Círculo Mercantil un libro de poemas en lingua galega. A extensión mínima aconsellada é de 300 versos. Deberán enviarse tres copias encadernadas e baixo seudónimo. As bases do premio atópanse publicadas na web do certame. Unha vez rematado o prazo de presentación de orixinais, farase pública a composición do xurado.
XXII Premio Nacional de Poesía Xosé María Pérez Parallé
O prazo de presentación de orixinais remata o 30 de setembro. Bases: PDF (139 KB).
