A Galería Sargadelos e Sons Galiza Comunicación organizan a presentación do libro/cd /dvd Xosé María Álvarez Blázquez: entre o Miño e mar de Vigo, de Eloi Caldeiro. O acto, que contará coa participación de Celso Álvarez Cáccamo, Miguel Mato e Eloi Caldeiro, terá lugar o xoves, 8 de maio, ás 20:00 na Galería Sargadelos (Rúa Real, 56) da Coruña.
Arquivo da categoría: Día das Letras
Xosé Ramón Freixeiro Mato impartirá na Coruña unha conferencia sobre os prexuízos lingüísticos
A Asociación Cultural Alexandre Bóveda informa que este xoves 8 de maio, ás 20:30 no salón de actos da entidade (R/ Olmos 16-18, 1º), terá lugar a segunda das conferencias adicada este ano á conmemoración do Día das Letras Galegas. Nesta ocasión estará con nós D. Xosé Ramón Freixeiro Mato, que impartirá unha conferencia intitulada Os prexuízos lingüísticos.
Presentación do libro Dicionario Xosé Mª Álvarez Blázquez, de Ana Acuña
Ana Acuña, estudosa da obra de X. M.ª Álvarez, preséntanos neste manual da colección «Dicionario» (a dedicada ós autores das letras galegas), e a través das diferentes «entradas» perfectamente clasificadas, un completo estudo, con todos os datos e a análise debullada da súa obra, sobre a escritor ó que se lle dedica o Día das Letras Galegas 2008. Conta ademais con cadros sinópticos, recursos e actividades para traballar cos alumnos na aula (tanto cos de primaria como cos de secundaria), selección de textos e sección de imaxes. O poético limiar é da académica Luz Pozo Garza. Será o venres 9 de maio, ás 8 da tarde, na librería «O Trasno Viaxeiro» de Cacheiras.
Maio na A. C. Alexandre Bóveda da Coruña
A Xunta Directiva da Asociación Cultural Alexandre Bóveda informa das actividades previstas para o mes de maio.
* Martes 6: Conferencia dentro do ciclo do Día das Letras Galegas, a cargo de Henrique Rabunhal, intitulada “Xosé Álvarez Blázquez na súa canle secreta”, ás 20:30 h, no salón de actos da ACAB.
* Xoves 8: Conferencia dentro do ciclo do Día das Letras Galegas, a cargo de Xosé Ramón Freixeiro, intitulada “Os prexuízos lingüísticos”, ás 20:30 h, no salón de actos da ACAB.
* Martes 20: Conferencia dentro do ciclo do Día das Letras Galegas, a cargo de Pilar García Negro, intitulada “O decálogo que a lingua galega precisa”, ás 20:30 h, no salón de actos da ACAB.
* Mércores 21: Presentación do libro Historia da Asociación Cultural Alexandre Bóveda de Dna. Begoña Álvarez Bravo, acompañada polo presidente da Asociación, D. Roberto Catoria e do Vicepresidente da Deputación, D. Pablo Villamar, ás 20:30 h, no local da asociación.
* Xoves 29: Conferencia A destrucción do patrimonio na Coruña e bisbarra, a cargo do arqueólogo e historiador Manolo Díaz, e presentación da páxina web da asociación de Denuncia da destrucción do patrimonio na Galiza.
* Sábado 31: Gala final do I certame de composición coral en galego Alexandre Bóveda, no Teatro Colón da Coruña, ás 20:30h, con entrada de balde.
Participarán o Coro Alexandre Bóveda, Coral Polifónica de Bergantiños, Coral Viladauga de Cenlle (Ourense) e o Coro Cantabile da Coruña defendendo as composicións finalistas.
Durante a semana das Letras galegas, do 12 ao 16 de maio, repartiranse de balde exemplares do libro Historia da A. C. Alexandre Bóveda, recentemente editado e que se presentara na semana seguinte.
Darío Xohán Cabana en Ourense
O luns 5 de maio, ás 20:15 no Salón nobre do Liceo de Ourense, terá lugar unha conferencia de Darío Xohan Cabana sobre Xosé María Álvarez Blázquez.
VII Maratón de Lectura en Galego na Coruña
O Centro Cívico Municipal dos Mallos da Coruña organiza o VII Maratón de Lectura en Galego. Seró o 13 de maio no salón de actos do centro de 17:00 a 20:30. Consistirá nunha lectura pública dun fragmento dun autor ou autora: Xosé María Álvarez Blázquez, Luz Pozo, Manuel Rivas, Lino Braxe, Castelao… ou dun texto de creación literaria propia.
Ás persoas interesadas facilitaráselles quenda de lectura durante a celebración do Maratón. Para isto é preciso porse en contacto co centro cívico.
Día das Letras Galegas en Ferrol
A Galería Sargadelos Ferrol celebra un ano máis o Día das Letras Galegas organizando unha lectura dos diferentes textos do homenaxeado este ano para os días 15 e 16. Será na Galería a partir das 20 horas deses días. Aqueles de vós que vos queirades anotar, chamade de 9 a 21 horas ao 981 353 714.
Recibide un moi cordial saúdo do Consello Directivo da Aelg.
17 de maio en Compostela
Co gallo do día das Letras Galegas, a Concellaría de Cultura e a Concellaría de Rehabilitación e Casco Histórico de Santiago de Compostela están a organizar un evento para celebrar esta data coa proposta dunha serie de actividades participativas durante os días 16 e 17 de maio, e para o que queren contar coa colaboración das Socias e Socios da Asociación de Escritores en Lingua Galega. Unha das accións consiste en convidar os escritores a realizar intervencións en diferentes locais de Santiago. Así pois, se desexades participar, chamade á maior brevidade aos teléfonos do Auditorio de Galicia:
981 574152 /53 en horario de 9:30 a 14:00 horas ou nos enderezos electrónicos
subdireccion@auditoriodegalicia.org
exposicions@auditoriodegalicia.org
para poder organizar as intervencións dos escritores voluntarios/as e, en colaboración coa Asociación da Cidade Vella de Santiago, coordinar os lugares e horas dos actos.
Dada a proximidade das datas do envento necesitaríase unha resposta o máis rápida posíbel. O programa inclúe a invitación aos libreiros para sacaren as librerías á rúa, actividades festivo culturais etc, comezaría a desenvolverse na xornada de tarde – noite do día 16 de maio, ata as 22:00 horas e o día 17 de maio ata as 21:00 horas.
Recibe un cordial saúdo,
O Consello Directivo da Aelg.
Henrique Rabuñal presenta na Coruña a súa biografía sobre Álvarez Blázquez
Henrique Rabuñal presenta o martes 25 de marzo ás 20.00 horas no local de Portas Ártabras na Coruña (Rúa Sinagoga, 22) a súa biografía do protagonista das Letras Galegas 2008. Titúlase Xosé María Álvarez Blázquez na súa canle secreta, e fai o número 227 da editorial Laiovento. Henrique Rabuñal estará acompañado polo profesor da UDC Celso Álvarez Cáccamo, fillo de Álvarez Blázquez, e por Francisco Pillado Maior, director de Laiovento.
Henrique Rabuñal no Club de lectura de Arteixo
O escritor Henrique Rabuñal falará da súa obra Ollos negros cos membros do Club de Lectura da Biblioteca Central de Arteixo (A Coruña). O acto terá lugar o martes, día 4 de marzo ás 20:00 horas na propia biblioteca situada no Centro Cívico. Tamén fará un repaso á biografía intelectual de Xosé María Álvarez Blázquez.
