Lucía Aldao, María Lado e Sara Jess ofrecen un recital de videopoesía no Instituto Cervantes de Berlín. Será este martes 29 de maio ás 19:30 horas.
Arquivo da categoría: Día das Letras
Entrega de premios do concurso “Contos do Mediterráneo”
Dentro do programa do “IIº Ciclo Galiza: nin rastro de mulleres?”, na Biblioteca Francesca Bonnemaison de Barcelona (Sant Pere més Baix, 7) terán lugar un recital poético en homenaxe a María Mariño e a entrega de premios do concurso literario Contos no Mediterráneo, que contará coa presenza do escritor Diego Ameixeiras. Será o venres 25 de maio de 2007, ás 19 horas.
Suso de Toro en Carballo
O Concello de Carballo e a Cervexaría San Xoán promoven unha conversa con Suso de Toro, autor de Home sen nome, dentro do proxecto Literactúa, de difusión do libro e da lectura en galego. Será o mércores 30 de maio de 2007 ás 20.30 horas na Cervexaría San Xoán (Rúa de Ourense, 8-10, Carballo)
Remata o ciclo de conferencias do Liceo de Ourense
“O próximo martes 22 de maio a Sección de Literatura do Liceo de Ourense, co gallo da celebración do Día das Letras Galegas adicado a autora María Mariño, organiza una Xornada co seguinte programa:
-Ás 17:30 horas, na Sala de Tertulia: Recital de poesía co gallo das Letras Galegas adicado a ”María Mariño”.
-Ás 20:15 horas, no Salón Noble: Conferencia de Carmen Blanco sobre ”Maria Mariño”.
Como remate do Vº Ciclo de Conferencias Visións de Galicia co título “As mulleres na cultura galega”.”
Charla de Suso de Toro
Baixo o título “As raigames: terra ou ceo?”, Suso de Toro falará en Compostela para a A.VV. Raigame. Será no Centro Sociocultural (Frei Rosendo Salvado, 14-16) ás 20:00 horas.
Homenaxe a María Mariño en Ferrol
“A Galería Sargadelos Ferrol comprácese en convidalos ao recital poético en homenaxe a María Mariño que terá lugar o vindeiro venres 18 de maio, ás 20:00 horas, no que intervirán: Mª Carmen Canto, Matilde Castro, Loreto de Castro, Nuria García Gonzalo, Mariola Hermida, Dulce López Rivera, Angélica Mosconi Domínguez, Xaime Pereira, Álex Pérez, Pilar Pita Sánchez, Esther Val, Aurora Varela e Sara Vigo.” Máis información en: ferrol@sargadelos.com
N’A Coruña, no Día das Letras
– Das 11:30 ás 14:00 horas, de María Pita ao adro da Colexiata: “Cortexo cívico polas casas da xente da cultura, que viveu na Cidade Vella da Coruña e aínda máis”. Actos organizados pola Asociación de Veciños da Cidade Vella da Coruña.
-Ás 17:00 horas no MACUF: obradoiro para rapaces. Véxase nota anterior.
Recital poético-musical na Coruña
Hoxe 16 de maio ás 20:00 horas, no espazo de Caixa Galicia de Juan Flórez, terá lugar un recital de poesía a cargo de Olga Patiño, Enma Pedreira, e Diego Cousillas. Lucía Aldao acompañará á guitarra.
Festa das Letras en Boiro
Na Festa das Letras María Mariño en Boiro terán lugar as seguintes presentacións:
-As voces de María Mariño, libro-cd editado por La Voz de Galicia;
-Retrato dunha vida, creación audiovisual de Suso Xogaina;
-Versos que comezan, iniciativa de Barbantia na rede, homenaxe á poeta;
-Verba do tempo, espectáculo do grupo Ouriol con voz de Eva Veiga, música de Bernardo Martínez e Fito Ares, iluminación e escenografía de Alfonso Costa.
O acto contará coa participación das actrices Flor Maceiras e Rebeca Montero; Xosé Deira Triñanes, alcalde de Boiro; Tucho Calvo, escritor e xornalista de La Voz de Galicia; Antón R. Gallardo, historiador; Xerardo AgraFoxo, biógrafo da poeta; e Adolfo Muíños, coordinador de Novas Tecnoloxías de Barbantia. Será o vindeiro mércores 16 de maio, ás 20:30 horas, na Casa de Cultura “Ramón Martínez López” de Boiro.
Páxina institucional dedicada a María Mariño
Créase unha web institucional dedicada á figura do Día das Letras Galegas: www.17demaio.org. Ofrece opinións de poetas, escritores e estudiosos da obra de María Mariño, ademais de datos sobre outras personalidades das letras como Rosalía de Castro e Francisca Herrera, as outras dúas escritoras que recibiron esta mesma homenaxe.
