«Como xa é adoito, o peche destes premios veu da man do recoñecemento á Edición Histórica de Galicia. A Asociación Galega de Editores acordou este ano recoñecer á La Voz de Galicia, no seu 125 aniversario, a Alvarellos Editora cando cumpre 30 anos de traxectoria no mundo editorial e A Nosa Terra no centenario da súa creación.» (AGE)
Arquivo da categoría: Edición
Anxos Sumai gaña o Premio Xosé María Álvarez Blázquez
«Despois da primeira votación entre as candidaturas presentadas ao Premio Xosé María Álvarez Blázquez ao autor ou autora do ano co que se pretende recoñecer o traballo realizado por un autor ou unha autora, ou colectivo de autores/as, en lingua galega durante 2007 resultaron finalistas as seguintes candidaturas: Agustín Fernández Paz, Anxos Sumai, Pepe Carreiro e Suso de Toro. Trala derradeira votación resultou gañadora Anxos Sumai.» (AGE)
O Salón do Libro Infantil e Xuvenil de Pontevedra recibe o Premio Francisco Fernández del Riego
«Despois da primeira votación entre as candidaturas presentadas ao Premio Francisco Fernández del Riego á colaboración no labor editorial do ano, co que se pretende recoñecer o traballo realizado por unha persoa, colectivo de persoas, entidade ou institución das que colaboran co sector editorial ou que participan na promoción do libro editado en lingua galega resultaron finalistas as seguintes candidaturas: o programa de Radio Galega “As quimbambas”, Protexta da revista “Tempos Novos”, o Salón do Libro Infantil e Xuvenil de Pontevedra e a Sección de Cultura do xornal “Galicia Hoxe”. Trala derradeira votación resultou gañador o Salón do Libro Infantil e Xuvenil de Pontevedra.» (AGE)
A Odisea (Editorial Rodeira), traducida por Xavier Senín, Premio Lois Tobío
«Despois da primeira votación entre as candidaturas presentadas ao Premio Lois Tobío ao Libro traducido do 2007, co que se pretende recoñecer un libro traducido para o galego e publicado polos membros da AGE entre o 1 de decembro de 2006 e o 30 de novembro de 2007, resultaron finalistas as seguintes obras: “A Odisea”, traducido por Xavier Senín (Editorial Rodeira), “Cuspirei sobre as vosas tumbas”, traducido por David Gippini (Faktoría K de Libros), “O señor Ibrahim e as flores do Corán”, traducido por Emma Lázare Rodríguez (Faktoría K de Libros), e “Só o silencio me responde”, traducido por Ekaterina Guerbek e Penélope Pedreira (Rinoceronte Editora). Trala derradeira votación resultou gañadora EDITORIAL RODEIRA por “A Odisea”, traducido por Xavier Senín.» (AGE)
O único que queda é o amor (Edicións Xerais), de Agustín Fernández Paz, Premio Xosé Neira Vilas
«Despois da primeira votación entre as candidaturas presentadas ao Premio Xosé Neira Vilas ao Libro infantil e xuvenil do ano, co que se pretende recoñecer un libro infantil ou xuvenil editado polos membros da AGE e publicado orixinalmente en lingua galega entre o 1 de decembro de 2006 e o 30 de novembro de 2007, resultaron finalistas as seguintes obras: “Minimaladas”, de Carlos López (Edicións Xerais de Galicia), “O único que queda é o amor”, de Agustín Fernández Paz (Edicións Xerais de Galicia) e “Xela volveuse vampira!”, de Fina Casalderrey (Baía Edicións). Trala derradeira votación resultou gañadora EDICIÓNS XERAIS DE GALICIA por “O único que queda é o amor”, de Agustín Fernández Paz.» (AGE)
Nova editorial empregará software e licenzas libres
«O xoves 20 preséntase en Compostela, na sede da Fundación Caixa Galicia, Urco Editora, un proxecto editorial pioneiro en Galiza, que aposta pola cultura libre e o software de código aberto. Segundo anuncia na súa web a empresa, todo o proceso de edición faise exclusivamente baixo o sistema operativo GNU/Linux e con programas de código aberto. […]» (Vieiros)
Libro das alquimias, de Xesús Constela
Xa está nas librarías a novela Libro das alquimias (Galaxia, col. Costa Oeste), de Xesús Constela: «Un rapaz moi tímido, construtor de mecanos e lector infatigábel dunha enciclopedia, a camiñar ao longo dun corredor de candeas acesas na procura da solución dun estraño misterio que vai cambiar para sempre a súa vida.»
Presentación en Boiro do Anuario e entrega dos Premios da Cultura da Asociación Cultural Barbantia
A Asociación Cultural Barbantia, o Concello de Boiro e mais a Deputación Provincial da Coruña presentan o terceiro Anuario de Estudos do Barbanza 2007. Terá lugar na Casa da Cultura “Ramón Martínez López” de Boiro, o venres 14 de decembro ás 21:00 horas.
No mesmo acto entregaranse os Premios Barbantia da Cultura 2007, que recaeron nesta primeira edición en Isaac Díaz Pardo, Xesús Santos Suárez e a Asociación Artesá e Etnográfica O Faiado-2.
Presentación en Vigo do proxecto CAMI III e o nº 11 de Maremagnum
Os socios do Proxecto CAMI III de Cooperación Transfonteiriza Galicia – Norte de Portugal: Camiño do Miño / Caminho do Minho presentarán os proxectos CAMI II e III ao longo do período 2003-2007. No mesmo acto terá lugar a presentación do nº 11 da revista Maremagnum, dedicado a “Formación e Discapacidade”. Será o dia 20 de decembro 2007 as 20:00 horas no Auditorio do Centro Cultural Caixanova en Vigo.
An Alfaya en Santa Comba
O venres 14 de decembro a escritora viguesa An Alfaya estará no IES Terra de Xallas (Santa Comba) para comentar co alumnado de 2º da ESO a súa novela Matei un home (tresCtres Editores, 2005), que resultara gañadora do Premio de Novela Curta “Xulián Magariños Negreira”, convocado en 2004 polo Concello de Negreira e a Fundación Feiraco, co gallo do centenario do nacemento do escritor negreirés (1904 – 1934).
Este acto literario está organizado conxuntamente polo Departamento de Lingua e Literatura Galegas, a Biblioteca e o Equipo de Normalización Lingüística do IES Terra de Xallas, co patrocinio de tresCtres Editores. Comezará ás 11:30 horas na Biblioteca deste centro de Secundaria de Santa Comba.
