“Elixio Rodríguez (Bande, 1910- México, 2007) finou onte en México aos 96 anos. Foi o fundador das Mocedades Galeguistas e un dos artífices de diferentes publicacións intelectuais, entre elas, a coñecida revista Vieiros.” (culturagalega.org)
Arquivo da categoría: Edición
A Nosa Terra celebra o seu primeiro centenario
“Tres exposicións e a edición dun libro conmemoran o primeiro centenario do nacemento da publicación A Nosa Terra. O delegado de edición, Xosé Fernández Puga, e o vicepresidente da Xunta, Anxo Quintana, asinaron esta mañá un convenio de colaboración co que pretenden facer un percorrido polos cen anos desta cabeceira.” (Xeración Web)
“Política en galego dise pacto”, de Bieito Rubido, presentarase no Ámbito Cultural de El Corte Inglés
O libro Política en galego dise pacto, de Bieito Rubido, será presentado no Ámbito Cultural de El Corte Inglés. Será:
-N’ A Coruña o venres 6 de xullo, ás 20:00 horas. Intervirán Mar Barcón, Enrique Tello e Carlos Negreira, ademais do autor.
-En Santiago o luns 9 de xullo, ás 20:00 horas. Intervirán Marta Álvarez-Santullano, Néstor Rego e Xerardo Conde Roa, ademais do autor.
Presentación en Compostela do “Catálogo de literatura infantil e xuvenil” da Fundación Germán Sánchez Ruipérez
O martes 10 de xullo, ás 12:30 horas no Salón de Actos do Centro Sociocultural O Ensanche (Frey Rosendo Salvado, 14-16 baixo, Santiago de Compostela), terá lugar o acto de presentación do Catálogo de Literatura Infantil e Xuvenil da Fundación Germán Sánchez Ruipérez. (GÁLIX)
Manuel Rivas e o colectivo Polaqia estarán n’ A Coruña
Presentación en Celanova d’ “O ourego e o compás”, de Baldo Ramos
O 6 de xullo presentarase na “Casa dos poetas” da Fundación Curros Enríquez (Curros Enríquez, 37, Celanova), ás 20:00 horas, o libro O ourego e o compás, de Baldo Ramos. A mesa estará composta por Manuel Vilanova, Baldo Ramos, Antonio Piñeiro e Antonio Mouriño.
Presentación n’ A Coruña do nº 8 da revista “Criterios”
O día 11 de xullo, mércores, terá lugar a presentación do número 8 da revista de pensamento Criterios no Paraninfo da Universidade da Coruña, ás 19:00 horas. No acto intervirán Antonio Campos Romay (Presidente da Fundación IEPS), Manuel Peralbo Uzquiano (Vicerrector de Calidade e Harmonización Europea, director da revista), un representante da Fundación Caixa Galicia, Carme Adán Vilamarín (Secretaria Xeral de Igualdade da Xunta de Galicia), e José María Barja Pérez (Rector Magnífico da Universidade da Coruña).
Presentacións de libros e outros actos n’ “Os venres da memoria” en Cuntis
A asociación O Meigallo e a Comisión pola Memoria Historica Sinhor Afránio (que integra colectivos do norte da provincia de Pontevedra) convocan en Cuntis “Os venres da memória”. Todas as actividades serán ás 21:00 horas na casa da Cultura Roberto Blanco Torres.
O 6 de xullo terá lugar a presentación de dous libros relacionados con Xoán Xesús González: a biografía de Marcos Seixo Galegos Na Historia (Ir Indo) e a edición póstuma da obra de teatro Felisa (XXG). Participará Matías Rodríguez (secretario do “Sinhor Afranio”), Marcos Seixo (autor da biografía e editor da obra de teatro), Bieito Ledo (presidente de edicións Ir Indo) e Carlos Loureiro (en representación de edicións Fervenza).
O día 13 haberá un acto titulado “O dereito a saber e a liberdade de investigar”. Participarán Marcos Seixo, Xosé Luís Santos Cabanas, e o historiador Dionísio Pereira.
O día 20 proxectarase un documental titulado A derradeira lección do mestre, que será presentado e comentado polo seu propio autor Xoán Carlos Garrido.
O día 17 clausuranse as xornadas cunha homenaxe aos represaliados de Cuntis e as súas familias. Intervirá Ana Vieitez, filla do que foi mestre republicano de Magán (Cuntis) Xosé Vieitez de Soto e presidenta de AFAR II REPÚBLICA (Asociación de familiares y amigos de los represaliados de la II República por el Franquismo), con sé en Madrid.
Andrés Pociña presenta en Compostela “Tecer con palabras”
A presentación do libro Tecer con palabras, de Andrés Pociña, terá lugar o 28 de xuño ás 20:00 horas no Salón de Actos Grupo Correo Gallego, en Santiago. (El Correo Gallego)
Lois Diéguez presenta en Ribadeo “O canto do muecín”
Será o 28 de xuño ás 21:00 horas na Casa das Letras de Ribadeo. Organizao acto a Asociación Cultural Francisco Lanza.
