A presentación do libro O canto do muecín, de Lois Diéguez, terá lugar o mércores 9 de maio ás 20:30 horas Teatro Principal de Compostela. Ademais do autor, que estará asinando exemplares da obra no lugar do acto a partir das 18:30 horas, participarán Enrique Acuña, Antón Fortes, X.L. Santos Cabana, Merche Espiño e Anxo Angueira.
Arquivo da categoría: Edición
“Un alpendre de sombra e de luar”, de Félix Villares Mouteira
Un alpendre de sombra e de luar. A escola literaria da diocese de Mondoñedo-Ferrol recolle décadas de investigación de Félix Villares sobre a escola literaria da diocese de Mondoñedo-Ferrol. Nesta antoloxía aparecen nomes tan importantes como Pastor Díaz, Noriega Varela, Aquilino Iglesia Alvariño, Crecente Vega e Díaz Castro.
Presentación do nº 1 da revista “Roteiros. Arumes de pensamento crítico”
A presentación do Nº 1 da revista Roteiros. Arumes de pensamento crítico terá lugar na Galería Sargadelos de Lugo (Pza. de Santo Domingo) o mércores 9 de maio ás 19:00 horas (ás 12:00 para os medios). No acto intervirán o director da revista Roteiros Xosé Luís Barreiro Barreiro e os membros do Comité de redacción Miguel Ángel Martínez Quintanar e Manuel Rivas García.
A Semana das Letras da Galería Sargadelos de Ferrol
O luns 7 de maio, de 12:00 a 13:30 horas, terá lugar a presentación do libro de Fina Casalderrey A lagoa das nenas mudas, editado por Xerais. No acto, enmarcado dentro da Campaña Educar para ler, intervirán a autora e Manuel Bragado, director de Edicións Xerais.
O mesmo luns 7 de maio, ás 20:00 horas, terá lugar a presentación do libro Textos filosóficos-políticos de Ramón Vilar Ponte, editado polo Servizo de Publicacións da Deputación de Lugo. O acto, en colaboración coa Asociación Cultural Medulio, será presentado por Elia Rico e Pilar García Negro, autora da introducción do libro.
O martes 8 de maio, ás 20:00 horas, o Grupo Gadisa celebrará o Día das Letras Galegas presentando o libro de José Díaz Dopico A noite de Reis, editado por Gadisa. O libro será presentado por Perille, Xosé María Dobarro, Antonio Cortés e Ana Lago, e contaremos coa presenza ademais do
autor e do artista Xosé María González Collado, ilustrador da obra.
O xoves 10 de maio, ás 20:00 horas, terá lugar unha mesa redonda sobre o uso do galego na ESO. No acto intervirán Eduardo Fra Molinero e Bernardo Máiz, profesores do IES Concepción Arenal e Anxos García Fonte, profesora do IES de Mugardos.
O venres 11 de maio, de 16:00 a 21:30 horas, terá lugar unha gravación en vídeo e unha sesión fotográfica da lectura de poemas clásicos e propios dos socios da Asociación de Escritores en Lingua Galega de Ferrolterra: Tucho Calvo, Francisco Pillado, Antón Cortizas, Rosa Méndez, Antonio Yáñez, Arturo Casas, Carmen Sotelo, Medos Romero, Xosé Leira, Ramón Loureiro, Alexandre Ripoll Anta, Xavier López, María Xosé Lamas…
Presentación do “Dicionario María Mariño”, de Esperanza Mariño Davila
A presentación do Dicionario María Mariño, de Esperanza Mariño Davila, terá lugar na Feira do libro de Compostela (Alameda) o domingo 6 de maio ás 19:00 horas. No acto intervirán o escritor Xoán Xosé Fernández Abella, o director editorial de 3C3 Antonio Puentes Chao e a propia autora.
Programación de maio da Casa do libro de Vigo
Venres 4: Homenaxe a Gonzalo Anaya co gallo da presentación do volume Gonzalo Anaya. La passió educativa, editado pola Universidade de Valencia. No acto intervirán Xesús Alonso Montero, Antón Costa, Antía Cal, Blanca Caamaño e Manuel Bragado. Ás 20 horas.
Xoves 10: Presentación do libro de Xosé Carlos Caneiro De bar en bar, editado por Difusora das Artes e das Letras. Ás 20:00 horas.
Venres 11: Presentación e recital co gallo da presentación do libro colectivo Volverlles a palabra. Homenaxe aos represaliados do franquismo. No acto recitarán Paula Mariño, An Alfaya, Francisco Pazos, Marta Dacosta, Marcos Juncal, Xesús Alonso Montero, Elvira Riveiro, Manuel Vilanova, Anxo Angueira, Xurxo Sierra Veloso, Vitor Vaqueiro, Manuel Veiga, Manuel Vidal Villaverde e Francisco Castro. Ás 20:00 horas.
Martes 15: Presentación do libro de Mariana den Hollander, El peso que + pesa, de Áurea Editores. Xunto coa autora participará no acto o escritor Francisco Castro. Ás 20:00 horas.
Martes 22: Presentación do libro O son das buguinas, editado por Xerais. Ás 20:00 horas.
Venres 25: Presentación do libro de César Cunqueiro, No Eurídice de nuevo, editado por Trea. Interveñen: Álvaro Huici (Director da colección e poeta) Martínez Haro (Catedrático de literatura de secundaria en Sevilla) a artista Uxía Blanco, que recitará poemas, e César Cunqueiro (poeta). Ás 20:00 horas. Ao remate do acto servirase un cóctel.
Martes 29: O día dos lector@s. Tertulia literaria dirixida polo escritor Francisco Castro. Ás 20:00 horas.
Presentación en Carballo de “Palabras contadas”, de Camilo Franco
O Concello de Carballo e a Cervexaría Dublín presentan Palabras contadas, de Camilo Franco. O autor estará acompañado do músico Magín Blanco, que combinará a presentación cunha performance con música en directo. Será o mércores 9 de maio ás 20:30 na Cervexaría Dublín de Carballo (Rúa do Fomento, 25).
Presentación de “Poemas das Ortigas”, de Xía Arias
O 12 de maio ás 21:00 na sede do Círculo Mercantil e Industrial de Fene procederase á presentación do libro de Xía Arias Poemas das Ortigas, gañador da última edición do Premio Nacional de Poesía Xosé María Pérez Parallé e editado por Espiral Maior.
Pan con poesía 2007
“A campaña «Pan con poesía 2007» estase a desenvolver por toda Galicia con distintas poetas, concretamente con dez. Comezou o Día Internacional da Poesía, o 21 de marzo, e rematará o Día das Letras Galegas, o vindeiro 17 de maio.” (La Voz de Galicia)
Catálogo de libros infantís e xuvenís galegos
En galego, castelán e inglés, foi presentado na Feira do libro de Boloña. (Vieiros)
