A presentación do libro Tartaruga, de Xaquín Marín, terá lugar en Compostela o sábado 5 de maio ás 19,00 horas na carpa da Feira do libro (Paseo da Ferradura). Intervirán, ademais do autor, Carlos Silvar (deseñador e ilustrador) e Belén López Vázquez (Baía Edicións).
Arquivo da categoría: Edición
Presentación en Compostela d’ “Os sons da buguina”, de Carlos Labraña
A presentación do libro Os sons da buguina, de Carlos Labraña, terá lugar en Santiago o mércores día 2 de maio, ás 20:30 horas, na carpa da Feira do libro de Compostela (Paseo da Ferradura). Intervirán, ademais do autor, Ánxela Gracián (tradutora e escritora) e Xoán M. Pazos Castelo (Baía Edicións).
Presentación en Compostela de “Ramón Martínez López”, de X. Amancio Liñares Giraut
A obra biográfica Ramón Martínez López, de X. Amancio Liñares Giraut, será presentada na Feira do libro de Compostela (Alameda) o mércores 2 de maio ás 19:00 horas. No acto intervirán o presidente da Fundación Castelao, Avelino Pousa Antelo, os escritores Xoán Xosé Fernández Abella e David Otero e o propio autor.
Actos da A. C. Alexandre Bóveda en maio de 2007
Entre as actividades previstas para o mes de maio de 2007 pola A. C. ALEXANDRE BÓVEDA figuran:
Venres 4: Presentación do libro Os ríos pasan cheos de Deus. Poesía relixiosa en galego, de Victorino Pérez Prieto, ás 20:00 horas no salón de “Portas Ártabras” (rúa Sinagoga, 22). Intervirán Manuel Espiña, Luz Pozo, Modesto Vázquez, Iria Lago, e o autor.
Martes 8 e xoves 10: Curso intensivo de galego, intitulado Por un modelo digno de lingua, de 20:00 h. a 22:00 h., no salón de actos da asociación, a cargo dos profesores Xosé Ramón Freixeiro e Xosé M. Sánchez Rei.
Venres 11: Presentación do libro A Escola Dramática Galega na configuración do sistema teatral, de Carlos Viscainho, con Francisco Pillado, Manuel Lourenzo e Dores Sánchez Alegre, ás 20:30 h., no local da asociación.
Martes 22: Conferencia a cargo do escritor portugués, D. José Braga-Amaral, que falará d´A Visión de Galiza na literatura dos escritores do Douro: Miguel Torga, Camilo Castelo Branco e João
Araujo-Correia, ás 20:30 h, no salón de actos da asociación.
Xoves 24: Conferencia a cargo do dramaturgo, D. Manuel Lourenzo, que falará da Literatura de tradición popular en Galiza, ás 20:30 h, no salón de actos da asociación.
Cultur.gal, feira do libro e da industria cultural
No Pazo de Congresos e Exposicións de Pontevedra, do 10 ao 13 de maio, terá lugar a Feira do libro e da industria cultural cultur.gal, con abondosas actividades para todos os públicos.
Fina Casalderrey acudirá á Galería Sargadelos de Ferrol
Na Galería Sargadelos de Ferrol (Rubalcava, 30-32), dentro dos encontros pertencentes á campaña “Educar para ler”, Fina Casalderrey falará da súa traxectoria profesional como escritora e, en concreto, do seu libro A lagoa das nenas mudas, editado por Xerais. O acto, que tamén contará coa presenza de Manuel Bragado, terá lugar o luns día 7 de maio de 12:00 a 13:30 horas.
Novos formatos para as tertulias literarias
“Coa resaca do Día do Libro, un grupo de blogueiros decidiu poñer en práctica unha iniciativa para promocionar a lectura na nosa lingua. A súa proposta é crear un grupo de lectura de obras galegas que se comunique a través da rede para intercambiar impresións.
Twitter, rede social onde os seus usuarios intercambian breves mensaxes sobre o que están a facer ou a pensar en cada momento, emprégase deste xeito cun interese literario. Os promotores da idea son Martin Pawley, de Días estranhos; Leco, d’O blog dos pelachos, e Alfredo Ferreiro, d’O levantador de minas.” (Vieiros)
Presentación de “Punver”, de Yolanda Castaño, en Ferrol
Ver nota anterior.
“Novas tendencias da vida mansa”, de Xosé Luis Martínez Pereiro
O escritor e humorista gráfico Xosé Luís Martínez Pereiro publica Novas tendencias da vida mansa, libro que inaugura os “Cadernos de Narrativa “da Editorial Laiovento.
Presentación de “Punver”, de Yolanda Castaño
Ver nota anterior.
