Arquivo da categoría: Encontros e Xornadas
A Coruña: V Encontro de Escritores/as novos/as ante vellas preocupacións
O 
sábado 6 de novembro, no Palacio de Exposicións Kiosko Alfonso da Coruña, terá lugar o V Encontro de Escritores/as novos/as ante vellas preocupacións, organizado pola Asociación de Escritores en Lingua Galega, co patrocinio do Centro Español de Dereitos Reprográficos (CEDRO), a Deputación Provincial da Coruña e a Concellaría de Cultura da Coruña, co seguinte programa:
10:00 a 11:30 h.
Mesa redonda: Que ten a poesía que ninguén a le pero todos a precisamos.
Con Celso Fernández Sanmartín, Óliver Laxe e Álvaro Negro.
Coordinación de Antía Otero.
11:30-12:00 h.
Descanso.
12:00-14:00 h.
Mesa redonda: Pero tan importantes son os premios literarios?
Con Ledicia Costas, Olalla Cociña e Lucía Novas.
Coordinación de Francisco Castro.
Xantar.
17:00-18:30 h.
Mesa redonda: Recóllote i érgote no verbo inteiro. A literatura galega de hoxe ante o seu idioma.
Con María Lado, Olalla Tuñas e Xosé Daniel Costas.
Coordinación de Marta Dacosta.
19:00-20:00
Recital e clausura.
Toda a información está disponíbel neste enlace á páxina do V Encontro. O acceso será libre até completar capacidade. En sucesivos días iremos poñendo á disposición do público máis información sobre as intervencións preliminares dos/as escritores/as participantes.
Últimos vídeos das aportacións preliminares ao V Encontro de Escritores/as novos/as ante vellas preocupacións</em
Rematamos cos últimos vídeos das aportacións preliminares dos participantes no V Encontro de Escritores/as novos/as ante vellas preocupacións, a celebrarse o sábado 6 de novembro na Coruña, organizado pola Asociación de Escritores en Lingua Galega.
Esta é a aportación de Olalla Cociña, que fará parte da mesa redonda MAIS tan importantes son os premios literarios?:
E, por último, as de Oliver Laxe, que fará parte da mesa redonda Que ten a poesía que ninguén a le pero todos a precisamos:
Lugo: III Xornadas de Literatura de Tradición Oral
As 
III Xornadas de Literatura de Tradición Oral, organizadas pola Asociación de Escritores en Lingua Galega (AELG), co patrocinio da Deputación de Lugo. Vicepresidencia Primeira, reunirán na cidade de Lugo (no Salón de Actos da Deputación de Lugo, rúa San Marcos, nº 8) entre o venres 5 e o sábado 6 de novembro, a unha serie de expertos ao redor do tema Mitoloxía da morte: agoiros, ánimas e fantasmas, baixo a coordinación xeral de Antonio Reigosa e Isidro Novo. O programa é o seguinte:
Venres 5 de novembro.
17:00 h. Inauguración, coa presenza de Antón Bao, Vicepresidente da Deputación de Lugo e Cesáreo Sánchez, presidente da AELG.
17:10 h. Conferencia As narrativas sobre a morte na cultura tradicional galega: estratexias de posta en valor, por Marcial Gondar Portasany.
18:10 h. Conferencia Da morte á Morte na cultura popular catalá, por Joan Soler.
De 19:10 a 20:00 h. Mesa redonda sobre A morte pre-vista. Participan: Marcial Gondar Portasany e Joan Soler i Amigó. Modera: Antonio Reigosa.
Sábado 6 de novembro
10:30 h. Conferencia Representación da morte na narrativa oral, por Camiño Noia.
11:30 h. Conferencia Ánimas, aparecidos e mortos en compaña na tradición galega, por Xoán Ramiro Cuba.
De 12:30 a 13:30 h. Mesa redonda sobre Mortos de ida e volta. Participan: Camiño Noia e Xoán Ramiro Cuba. Modera: Isidro Novo.
Máis vídeos das aportacións preliminares ao V Encontro de Escritores/as novos/as ante vellas preocupacións
Seguimos deixando á disposición de todos e todas os vídeos coas aportacións preliminares dos participantes no V Encontro de Escritores/as novos/as ante vellas preocupacións, a celebrarse o sábado 6 de novembro na Coruña, organizado pola Asociación de Escritores en Lingua Galega.
Esta é a aportación de Lecidia Costas, que fará parte da mesa redonda MAIS tan importantes son os premios literarios?:
As de Lucía Novas, que fará parte da mesma mesa redonda que Ledicia Costas:
E, por último, as de María Lado, que fará parte da mesa redonda Recóllote i érgote no verbo inteiro. A literatura galega de hoxe ante o seu idioma:
Mañá ofreceremos as restantes aportacións.
Vídeos das aportacións preliminares ao V Encontro de Escritores/as novos/as ante vellas preocupacións
Como tiñamos comentado, deixamos á disposición de todos e todas os vídeos coas aportacións preliminares dos participantes no V Encontro de Escritores/as novos/as ante vellas preocupacións, a celebrarse o sábado 6 de novembro na Coruña, organizado pola Asociación de Escritores en Lingua Galega.
Estas son as aportacións de Álvaro Negro e Celso F. Sanmartín, que farán parte da mesa redonda Que ten a poesía que ninguén a le pero todos a precisamos:
As de Olalla Tuñas, que fará parte da mesa redonda sobre Recóllote i érgote no verbo inteiro. A literatura galega de hoxe ante o seu idioma:
E as de Xosé Daniel Costas, que tamén fará parte desta mesa:
Nos seguintes días iremos ofrecendo máis aportacións.
Santiago: Foro Encrucillada, Repensar a Teoloxía. Recuperar o cristianismo, en homenaxe a Andrés Torres Queiruga
A 
revista Encrucillada homenaxea ao escritor Andrés Torres Queiruga, un dos teólogos galegos con máis peso no mundo católico celebrando nos vindeiros 28, 29 e 30 de outubro o seu tradicional Foro de Relixión e Cultura (que celebra a súa XXV edición) en Santiago de Compostela. Nesta edición, Encrucillada quere render, tamén, unha homenaxe ao seu antigo director, Torres Queiruga, quen se xubila este mesmo ano, pasando a ser profesor emérito da Facultade de Filosofía da Universidade de Santiago. Participarán nesta homenaxe compañeiros e escritores como Victorino Pérez Prieto, Xesús Ferro Ruibal ou Xosé Luís Barreiro Barreiro. O programa e emprazamentos pódense descargar neste enlace.
A Coruña reflexiona sobre o libro electrónico
(Xornal)
Universidade da Coruña: VII Xornadas sobre Lingua e Usos
O 
Servizo de Normalización Lingüística da Universidade da Coruña, en colaboración coa Real Academia Galega, organiza as VII Xornadas sobre Lingua e Usos que este ano versarán sobre as relacións entre lingua e sanidade, nomeadamente sobre a presenza da lingua galega no ámbito sanitario. As Xornadas terán lugar os días 1, 2 e 3 de decembro no salón de actos do Edificio Universitario do campus de Oza. O prazo de inscrición permanecerá aberto até o día 24 de novembro. O programa pódese descargar aquí. Máis información neste enlace.
Simposio O libro e a lectura, organizado pola Asociación Galega de Editores
Como 
cada ano, a Asociación Galega de Editores organiza unha actividade formativa imprescindible que este curso chega á súa sétima edición e que conta co patrocinio de CEDRO. Trátase do Simposio O libro e a lectura, que abordará nesta ocasión o tema do Fomento da Lectura: Unha fronteira para o libro. Deste xeito, os días 18 e 19 de novembro, o Centro Social Caixanova (Praza de Cervantes 17) de Santiago de Compostela, acollerá as intervencións de varios expertos do panorama nacional e internacional que presentarán as súas propostas sobre promoción da lectura. Máis información e descargas do programa e da inscrición aquí.
