En Ourense terá lugar o día 4 de decembro a IV Xornada de homenaxe a Eduardo Blanco-Amor. Ás 12:00 horas Luís González Tosar intervirá no acto de lembranza do autor no Cemiterio de San Francisco. Ás 17:00 horas o historiador literario Marcos Valcárcel tamén intervirá, na súa vez, diante da estatua do escritor nos Xardíns da Alameda. (P.E.N. Clube de Galicia)
Arquivo da categoría: Historia
Proxección n’ A Coruña sobre Alexandre Bóveda
O domingo 2 terá lugar unha charla e unha proxección sobre Alexandre Bóveda, a cargo de Roberto Catoira, na Fundación Fernández Flórez, ás 17:00 h. Este acto pertence ás actividades que a Asociación Cultural Alexandre Bóveda ten previstas para o mes de decembro.
Presentación en Bruxelas d’ Unha falsa luz, de Xavier Alcalá
O 27 de novembro, às 18:30 horas na Livraria Orfeu de Bruxelas, terá lugar a presentación d’ Unha falsa luz, de Xavier Alcalá, o último romance da triloxía Evanxélica Memoria (Entre Fronteiras e Nas Catacumbas). Será presentada, en presenza do autor, por Xavier Queipo.
Manuela Álvarez Lozano falará n’ A Coruña sobre a novela histórica na literatura galega
«A Agrupaçom Cultural “O Facho” d’ A Corunha convida-o assistir aos seus ciclos de palestras publicas e abertas do período 2007-08.
O dia 21 de novembro Manuela Álvarez Lozano falará, dentro do Ciclo Língua e Naçom, sobre “A novela histórica na literatura galega”. Será ás 20:00 horas na Fundaçom Paideia (Praça de Maria Pita, A Corunha)» (Agrupaçom Cultural “O Facho”)
Comezan as Historias da Coruña. Memoria da cidade
O sábado 17 de novembro comenzan as xornadas Historias da Coruña. Memoria da cidade, coa intervención de Xosé Ramón Barreiro, Presidente da Real Academia Galega que leva por título “A forza das palabras, ás 10:30 horas.
Destacamos tamén que o mesmo sábado pola tarde, ás 17:00 horas haberá un roteiro guiado de Felipe Senén pola Cidade Vella. Sairá dos Xardíns de San Carlos.
Por último, indicarvos que o sábado, ás 20:30 horas, e o domingo, ás 19:00 horas, o grupo de teatro Áncora Produccións representará no Teatro Rosalía Castro a obra Medidas Preventivas de Gustavo Pernas, incluída na Rede Galega de Teatros en colaboración co IGAEM. O prezo das entradas é de 7 euros (carné xove e maiores de 65 anos: 5 euros). (Concellaría de Cultura – Concello da Coruña)
Presentación en Pontevedra d’ As escolas de fundación en Galiza. Unha necesidade social de alfabetización, de Luís Obelleiro Piñón
O venres 16 de novembro presentarase o libro As escolas de fundación en Galiza. Unha necesidade social de alfabetización, de Luís Obelleiro Piñón. Será ás 20:00 horas no Centro Social de Caixanova en Pontevedra (Rúa Augusto González Besada). Este acto está organizado por “A Nosa Terra” como editores desta publicación e no mesmo participará, entre outras persoas, Francisco Rodríguez Sánchez.
Xavier Alcalá na Universidade de Salamanca
O mércores 31, na Universidade de Salamanca (Aula Miguel de Unamuno – Edificio Histórico) ás 17:00 horas, terá lugar a conferencia do escritor Xavier Alcalá “Evangélica memoria. Tres novelas sobre la persecución de los evangélicos en Galicia”.
I Semana do mar en Compostela, do 22 ao 26 de outubro
«Galicia é un país debuxado por rías que penetran ducias de quilómetros no interior. Actualmente a maioría da poboación galega habita nas áreas litorais e nas súas zonas de influencia. Galicia é historicamente unha potencia pesqueira de nivel internacional e base dunha das frotas extractivas máis importantes. Tamén conta cunha actividade extractiva e de cultivo nas augas territoriais que constitúen o alicerce dunha potente industria conserveira e de produto fresco.
Froito da súa historia, Galicia ten ademais un patrimonio material e inmaterial que reborda a vertente estritamente económica para conformar unha cultura mariñeira que impregna toda a sociedade.
Así pois, a nosa dependencia do mar xera diálogos moi complexos que precisan análises globais que nos permitan actuar do xeito máis realista e racional posible.
FERNANDO GONZÁLEZ LAXE – MARÍA DO CARMO GARCÍA NEGRO – JUAN M. VIEITES BAPTISTA DE SOUSA – XOÁN LÓPEZ ÁLVAREZ – JOSÉ LUÍS GONZÁLEZ ESCALANTE – MANUEL SOTO CASTIÑEIRA – UXÍO LABARTA – FRANCISCO PELETEIRO – XABIER VÁZQUEZ PUMARIÑO – FERNANDO OTERO LOURIDO – LUÍS REI – FERNANDO PIÑEIRO – MARÍA XOSÉ CACABELOS – DIONISIO PEREIRA GONZÁLEZ – FRANCISCO FERNÁNDEZ REI»
(Descarga a programación da I Semana do Mar – PDF, 340 Kb) (Sotelo Blanco Edicións)
Xornadas en lembranza de Vázquez Núñez en Ourense
«As Seccións de “Literatura” e “Arte e Historia” do Liceo de Ourense programaron para a vindeira semana unhas Xornada en lembranda de Arturo Vázquez Nuñez”, (Ourense, 15 de novembro de 1852 – Ourense, 2 de marzo de 1907) foi un dos máis destacados polígrafos ourensáns do século XIX, especialista en Historia e Arqueoloxía. […]
O programa iniciaráse o mártes, día 16 de outubro, ás.18:00 horas. cunha Ofrenda floral no cemiterio de San Francisco, continuando 20:00 horas, no Salón Noble da entidade liceísta coa Inauguración da Exposición bio-bibliográfica sobre ”Arturo Vázquez Nuñez”, e a seguir unha Conferencia de Francisco Fariña Busto co título: ”Vázquez Nuñez e a Comisión Provincial de Monumentos”.
O Día 18 de outubro, xoves, as 20:15 horas. Salón Noble. Conferencia de Jesús de Juana López: ”Vázquez Nuñez, biografía dun ourensán de pro”.
Día 29 de outubro, venres, as 20:15 horas. Salón Noble. Conferencia de Marcos Valcárcel López: ”Vázquez Nuñez e o periodismo ourensán”.» (Liceo de Ourense)
Presentación en Compostela de Represión, Solidariedade e Resistencia Antifranquista (Caderno Arraiano / Verán 2007)
Será na Libraría Couceiro (Santiago de Compostela) o xoves 25 de outubro ás 20:00 horas. A introdución estará a cargo de Aser Álvarez e Xoán Carlos Domínguez Alberte (coordinadores da publicación). Ofrecerase unha charla do historiador Dionisio Pereira e un recital poético de textos do libro Volverlles a palabra. Homenaxe aos represaliados do franquismo, a cargo dos seus autores: María do Cebreiro, Antón L. Dobao, Francisco X. Fernández Naval, Raúl Gómez Pato, Manuel Outeiriño e Baldo Ramos.
