Este evento terá lugar os días 9, 10 e 11 de maio de 19:00 a 21:30 horas no Centro Cultural Uxío Novoneyra (Lugo). Constituirá un espazo no que se debaterán, investigarán e intercambiarán coñecementos sobre o traballo desenvolvido ao longo da historia polas poetas galegas. Participarán as seguintes poetas: Marilar Aleixandre, Lupe Bao, Carmen Blanco, Marica Campo, María do Cebreiro, Cristina Corral Soilán, Emma Couceiro, Estíbaliz Espinosa, Ma. Sara Fernández, María Lado, e Helena Villar Janeiro.
Arquivo da categoría: Historia
Presentación de “Dun tempo e dun país”, de Manuel Caamaño
O venres 27 de abril, ás 20:30 h., na Casa de Cultura “Avilés de Taramancos” de Noia preséntase Dun tempo e dun país, do escritor Manuel Caamaño Suárez. O acto contará coa participación do autor, de Xosé Manuel Beiras Torrado e de Pedro García Vidal. Tamén será presentado o número 24 do suplemento cultural A voz de Barbantia.
Presentación de dous novos libros de Xosé Chao Rego
As obras Iglesia y franquismo. 40 años de nacional-catolicismo (1936-1976) e Iglesia y posfranquismo. 17 años de transición (1976-1992), de Xosé Chao Rego, serán presentadas na Galería Sargadelos de Compostela (Rúa Nova, 16). Intervirán no acto Bernardo García Cendán (profesor de Socioloxía na Universidade de Santiago), X. Amancio Liñares Giraut e Antonio Puentes Chao (directores editoriais de 3C3) e o propio autor.
Conferencia de Pilar Allegue Aguete sobre Concepción Arenal
Terá lugar o luns 23 de abril, ás 20:15 horas no Liceo de Ourense. Esta intervención pertence ao Vº Ciclo de Conferencias Visións de Galicia que, baixo o título “As mulleres na cultura galega”, organizou a Sección de Literatura do Liceo de Ourense.
Presentación de “Ramón Martínez López”, de X. Amancio Liñares Giraut
A obra biográfica Ramón Martínez López, de X. Amancio Liñares Giraut, será presentada no Auditorio da Casa da Cultura Ramón Martínez López, en Boiro, o sábado 21 de abril ás 20:00 horas. No acto intervirán o concelleiro de cultura de Boiro, Xerardo Piñeiro, o escritor e membro da Fundación Castelao, David Otero, o alcalde de Boiro, Xosé Deira, e o propio autor.
Conferencia de Mª Luisa Sobrino sobre Maruja Mallo
Terá lugar hoxe, luns 18 de abril, ás 20:15 horas no Liceo de Ourense. Esta intervención pertence ao Vº Ciclo de Conferencias Visións de Galicia que, baixo o título “As mulleres na cultura galega”, organizou a Sección de Literatura do Liceo de Ourense.
Conferencia de Rosa Aneiros sobre Felicia Auber
Terá lugar hoxe, luns 16 de abril, ás 20:15 horas no Liceo de Ourense. Esta intervención pertence ao Vº Ciclo de Conferencias Visións de Galicia que, baixo o título “As mulleres na cultura galega”, organizou a Sección de Literatura do Liceo de Ourense.
Presentación dunha antoloxía dos Premios Esquío (1981-2006)
O día 21 de abril, sábado, a Sociedade de cultura Valle-Inclán de Ferrol honrará o Patrimonio de Feira Antiga na Arquitectura dos Pendellos d’Agolada coa celebración dos seus 25 anos (máis un) de existencia, na coordinación do Premio Esquío de poesía (galego e castelán). Neste contexto terá lugar a presentación do libro Poesía viva, pura poesía (Antoloxía dos Premios Esquío: 1981-2006), e un recital dos poetas premiados conducido por Vicente Araguas. Entre os poetas que xa teñen confirmada a súa asistencia figuran: María do Carme Álvaro, Ramón Caride, Baldomero Iglesias Dobarrio, Fernández Abella, David Otero, Elvira Riveiro Tobío e Ángel Utrera Baza.
Ramón Villares codirixirá unha “Historia de España” en doce volumes
Preséntase en Compostela «Clío nas ondas», de Ramón Villares
No acto de presentación de Clío nas ondas. De libros, persoas e sazóns de Ramón Villares intervirán Virxilio Costas (director da Radio Galega), Ana Romaní (directora do Diario Cultural da Radio Galega e autora do epílogo do libro), Amancio Liñares (director editorial de tresCtres) e o propio autor. Terá lugar no Club Internacional de Prensa (Avda. da Coruña, 6-Baixo, Santiago de Compostela) o mércores 11 de abril ás 12:00 hs.
