Arquivo da categoría: Lingua
Lugo: conferencia de Goretti Sanmartín Rei
O Centro Social Madia Leva! pecha o Mes da Lingua mañá mércores 10 de xuño coa conferencia de Goretti Sanmartín Rei Lingua e proposta normalizadoras. O compromiso individual. Será a partir das 20:30 no Centro Social Madia Leva! (Rúa Amor Meilán 18, Lugo).
Oito doas para San Simón, discurso de Agustín nos Xerais (vídeo)
Podedes descargar o discurso de Agustín Fernández Paz en PDF picando nesta ligazón.
Lugo: conferencia de Celso Álvarez Cáccamo
No Centro Social Madia Leva! continuan os actos do Mês da Língua. Este xoves 4 de xuño Celso Álvarez Cáccamo pronunciará a conferencia A crise da língua e a lógica do Capital, na que falará sobre o conflito lingüístico, o significado do uso do galego como extracción de clase e o seu significado de resistencia cultural e política, aplicando para o caso galego os conceptos ‘capital cultural’, ‘mercado’ e ‘submercado’ de Bourdieu.
Celso Álvarez Cáccamo (Vigo, 1958) é escritor, sociolingüista e profesor titular de Linguística Xeral na Universidade da Coruña. Entre 1975 e 1990 estudou e morou em Compostela, Barcelona, Buffalo (EUA) e Berkeley (EUA). Doutor en Filoloxía Hispánica, a sua tese de doutoramento, The Institutionalization of Galician: Linguistic Practices, Power, and Ideology in Public Discourse, foi presentada na UC Berkeley. É administrador da páxina Versão Original e da revista çopyright: pensamento, crítica e criação.
Curso de Verán sobre Dinamización Lingüística
Desde hoxe 1 de xuño está aberto o prazo de preinscrición no V Curso de Verán sobre Dinamización Lingüística Traballando en Lingua que este ano leva por subtítulo Do compromiso individual aos argumentos. O curso, organizado polo Servizo de Normalización Lingüística da Universidade da Coruña en colaboración co Concello de Carballo e mais coa Coordinadora de Traballadores/as de Normalización da Lingua, terá lugar os días 15, 16 e 17 de xullo e está dirixido a aquelas persoas interesadas na dinamización lingüística e no proceso de normalización da lingua galega, nomeadamente, aquelas que traballen nestes ámbitos (técnicos/as de normalización lingüística, técnicos/as de cultura, docentes…). Entre outras, abordaranse as seguintes liñas temáticas: reflexionar sobre a realidade da lingua galega na universidade; introducir casos prácticos de compromiso individual co idioma; escoitar as razóns para o mantemento lingüístico e para as mudanzas de idioma no caso galego; avaliar as posibilidades de éxito das políticas lingüísticas institucionais; ofrecer argumentos a prol do uso da(s) lingua(s), e recoñecer o pasado inmediato como un espazo para confluír na modificación das actitudes. Máis información, na páxina web do curso
A Coruña: charla de Celso Álvarez Cáccamo
Hoxe xoves 28 de maio ás 20.30 horas na Casa das Atochas o profesor Celso Álvarez Cáccamo dará unha charla co título A crise da língua e a lógica do Mercado, con entrada libre.
Lugo: conferencia de José Manuel Barbosa
No Centro Social Madia Leva! (Rúa Amor Meilán 18, Lugo) continúan os actos do Mes da Lingua. Hoxe xoves 28 terán como convidado a José Manuel Barbosa, historiador e membro do consello de AGAL, que impartirá unha palestra titulada A lingua galego-portuguesa no mundo. A matriz galega. Nela tratará distintos temas como a aparición da língua galego-portuguesa no noroeste peninsular, a súa situación anterior á entrada do latín, a situación lingüística durante a Baixa Idade Media e a súa dimensión nacional e internacional. Será a partir das 20:30.
A Coruña: conferencia de Goretti Sanmartín
A Asociación Cultural Alexandre Bóveda informa que este xoves 28 de maio terá lugar a conferencia Os retos da(s) lingua(s) hoxe a cargo da filóloga e profesora da Universidade da Coruña Goretti Sanmartín dentro do ciclo Lingua e Letras. Será ás 20:30 h, no salón de actos da asociación (R/ Olmos 16-18, 1º) con entrada libre.
Lugo: conferencia do académico Carlos Varela Aenlle
No Centro Social Madia Leva principia o ciclo de conferencia dentro dos actos da Mes da Lingua. Este venres 22 de maio ás 20:30 Carlos Varela Aenlle, académico da RAG e presidente da Asociación Abertal do Eo-Navia, falará da situación do galego en Asturias.
A Asociación Abertal do Eo-Navia vén de sacar á luz un informe lingüístico que reivindica que o galego é a lingua que se fala neste zona limítrofe entre Galiza e Asturias. Nel faise unha comparanza co galego e o asturiano e vese que as falas eonaviegas teñen un 86% de proximidade co galego. A nosa lingua na comarca do Eo-Navia sofre os continuos ataques da Academia de la Llingua Asturiana (ALLA) que identifica identidade con lingua e asegura que as falas eonaviegas son asturiano. Carlos Varela denuncia que o asturianismo actúa como un boicote. Esnaquiza calquera cousa referida á cultura galega como a gaita ou a mitoloxía. Todo o que ula a galego estase a eliminar. Esta persecución vese alimentada tamén por medios como La Nueva España. Abertal ten como fin a consecución da cooficialidade da lingua galega de Asturias como riqueza indiscutíbel do patrimonio cultural asturiano e a súa vez servir de ponte e instauración de relacións con todo o mundo cultural galego-portugués do que sen dúvida se considera e fai parte.
A conferencia celebrarase este venres 22 de maio ás 20:30 no Centro Social Madia Leva! (Rúa Amor Meilán,18, Lugo).
A AELG e o “Xornal de Galicia” inician unha serie de conversas con escritores galegos
Cesáreo Sánchez Iglesias, María do Cebreiro e Leo F. Campos estrearon onte unha serie de conversas con escritores e escritoras do país, organizada por Xornal de Galicia en colaboración coa Asociación de Escritores en Lingua Galega. Na véspera do Día das Letras o primeiro encontro puxo a lingua enriba da mesa: o proceso de normalización, o modelo educativo, a relación co portugués, etc. A conversa completa poden lela aquí.
