O venres 25 de xaneiro, ás 20:30 horas no Casa de Cultura “Cuartel Vello” de Rianxo, terá lugar a presentación do último Premio Blanco Amor de novela Mentres a herba medra, do escritor Xesús Rábade Paredes. O acto contará coa participación de Pedro Piñeiro (alcalde de Rianxo), o académico e escritor Xosé Luís Axeitos Agrelo, F. R. Lavandeira (escritor e membro de Barbantia) e mais o autor.
Arquivo da categoría: Narrativa
Presentación en Ferrol de Palabras contadas, de Patricia Casas Vázquez
O próximo día 24 de xaneiro, ás 20:00 horas, terá lugar a presentación do libro da Editorial Biblos Teselas de cidade, de Patricia Casas Vázquez, gañadora do III Premio Biblos-Pazos de Galicia. Será na Galería Sargadelos de Ferrol e participarán na presentación, ademais da autora, Tucho Calvo e Iria López.
Diego Ameixeiras na Biblioteca de Pontevedra
O luns 21 de xaneiro o escritor Diego Ameixeiras reunirase co Club de lectura da Biblioteca de Pontevedra ás 19:30 horas. Comentará a obra galardoada co Premio Xerais de Novela 2006.
Antonio Reigosa debaterá en Lugo sobre Ninguén está só
«O vindeiro mércores día 16, ás 20:30 horas, a Cova da Terra (rúa Nóreas, 12) acollerá o segundo dos clubs de lectura organizados por IND e A Cova da Terra-Kandaharia, uns encontros participativos destinados a persoas amantes da lectura e preocupadas polos problemas do mundo. Nesta segunda sesión analizarase e debaterase o libro Ninguén está só (Amnistía Internacional) no que colaboraron a Editorial Tris-Tram xunto a vinte e un/ha escritoras/es e ilustradoras/es en defensa dos dereitos humanos. Un deles, o coñecido autor Antonio Reigosa, contribuirá ao debate coas lectoras e lectores, en calidade de autor dun dos múltiples relatos que compoñen o libro. Ao debate contribuirán tamén Belén Regueiro e Carlos Fernández, en calidade de responsábeis do grupo de Lugo de Amnistía Internacional.» (Implicadas No Desenvolvemento)
Presentación en Ferrol de Palabras contadas, de Camilo Franco
O día 11, ás 20:00 horas na Galería Sargadelos de Ferrol (Rubalcava, 30-32), presentarase o libro de Camilo Franco Palabras contadas (Edicións Xerais). Na presentación participará o autor, acompañado polo músico Magín Blanco.
Rafael Laso publica o texto gañador do XII Certame Literario Manuel Oreste Rodríguez
Baixo o título XII Certame Manuel Oreste Rodríguez López – Premios de Poesía e Narrativa vén de saír publicado o texto narrativo gañador de Rafael Laso. É un volume colectivo no que figuran ademais o poema gañador e tamén os accésits en ambos os dous apartados.
(La Voz de Galicia)
A Esmorga publicada en francés en homenaxe a Blanco Amor
Xavier Alcalá entregará á Real Academia documentación orixinal sobre a súa obra
O escritor Xavier Alcalá fará entrega oficialmente á Real Academia Galega de documentación orixinal relativa á súa obra. Será o martes 17 de decembro ás 13:00 horas no segundo andar da sede da Real Academia Galega na Coruña (Rúa Tabernas, 11).
A Real Academia Galega (RAG) e a Asociación de Escritores en Lingua Galega (AELG) asinaron o 16 de setembro de 2005 un Acordo Marco de Colaboración baseado no común interese na normalización cultural e lingüística de Galiza, procurando unha aplicación práctica do coñecemento da lingua e literatura galegas dentro e fóra das nosas fronteiras.
A filosofía que inspirou o acordo concrétase, entre outras accións, na constitución na propia sede da Real Academia dun Centro de Documentación dos Escritores/as da AELG, con documentación proporcionada pola Asociación, quen á súa vez a recada dos seus propios socios e socias, para pesquisa de investigadores, estudosos e especialistas.
Despois da primeira entrega efectuada pola Aelg o pasado setembro, nesta ocasión será o escritor Xavier Alcalá quen cederá á Real Academia Galega un primeiro conxunto de material relativo á confección das seguintes obras, todas elas ben importantes no noso sistema literario:
1) Tertúlia: Manuscrito e primeiro orixinal a máquina.
2) Alén da desventura: Esquemas e primeira versión con correccións a man.
3) Latitude Austral: Primeira versión con correccións a man.
4) La habana flash: Primeira versión con correccións a man.
5) Nos pagos de Huinca Loo: Primeira versión.
6) Código Morse: esquemas, notas, manuscrito, versión penúltima.
Dado que a Real Academia é depositaria dun importantísimo fondo arquivístico documental dos escritores en lingua galega, a AELG considera esta institución como a mellor garantía de conservación dos arquivos entregados e agradece a súa colaboración.
Será o Presidente da Real Academia Galega, Sr. D. Xosé Ramón Barreiro, quen recibirá a documentación da man do propio Xavier Alcalá e coa presenza do presidente da Aelg, Cesáreo Sánchez Iglesias.
O Consello Directivo da Aelg
A Odisea (Editorial Rodeira), traducida por Xavier Senín, Premio Lois Tobío
«Despois da primeira votación entre as candidaturas presentadas ao Premio Lois Tobío ao Libro traducido do 2007, co que se pretende recoñecer un libro traducido para o galego e publicado polos membros da AGE entre o 1 de decembro de 2006 e o 30 de novembro de 2007, resultaron finalistas as seguintes obras: “A Odisea”, traducido por Xavier Senín (Editorial Rodeira), “Cuspirei sobre as vosas tumbas”, traducido por David Gippini (Faktoría K de Libros), “O señor Ibrahim e as flores do Corán”, traducido por Emma Lázare Rodríguez (Faktoría K de Libros), e “Só o silencio me responde”, traducido por Ekaterina Guerbek e Penélope Pedreira (Rinoceronte Editora). Trala derradeira votación resultou gañadora EDITORIAL RODEIRA por “A Odisea”, traducido por Xavier Senín.» (AGE)
O único que queda é o amor (Edicións Xerais), de Agustín Fernández Paz, Premio Xosé Neira Vilas
«Despois da primeira votación entre as candidaturas presentadas ao Premio Xosé Neira Vilas ao Libro infantil e xuvenil do ano, co que se pretende recoñecer un libro infantil ou xuvenil editado polos membros da AGE e publicado orixinalmente en lingua galega entre o 1 de decembro de 2006 e o 30 de novembro de 2007, resultaron finalistas as seguintes obras: “Minimaladas”, de Carlos López (Edicións Xerais de Galicia), “O único que queda é o amor”, de Agustín Fernández Paz (Edicións Xerais de Galicia) e “Xela volveuse vampira!”, de Fina Casalderrey (Baía Edicións). Trala derradeira votación resultou gañadora EDICIÓNS XERAIS DE GALICIA por “O único que queda é o amor”, de Agustín Fernández Paz.» (AGE)
