O venres 29 de xuño, ás 21:00 horas na Sala Azul do edificio Liceo en Betanzos terá lugar a presentación de Trinta e dous dentes, de Xavier López López, libro finalista do Premio Torrente Ballester 2006.O acto contará coa participación de Gabriela Rodríguez s(ecretaria da A. C. Eira Vella), Carlos Lema (director de edicións de Editorial Galaxia), Rosa Aneiros (escritora) e o autor.
Arquivo da categoría: Narrativa
María Reimóndez pronta para a conversa en Carballo
O Concello de Carballo, o Café Valle Inclán e a Marcha Mundial das Mulleres de Bergantiños organizan unha conversa con María Reimóndez, autora d’ O club da calceta, dentro do proxecto Literactúa. Será o mércores 27 de xuño ás 20:30 horas no Café Valle Inclán (Rúa Valle Inclán, 32) de Carballo. A autora será presentada por Fina Bastón, da Marcha Mundial das Mulleres de Bergantiños.
John Rutherford recibe o Premio Trasalba 2007
(Vieiros)
Presentación en Compostela de “O alento da musa”, de Alberte Momán
O xoves 28 de xuño de 2007, ás 20:00 horas na Galería Sargadelos de Santiago de Compostela, presentarase ao público o libro de narrativa de Alberte Momán O alento da musa, editado por Difusora de Letras, Artes e Ideas. O acto contará coa presenza do autor e do editor Xavier Paz.
Lois Diéguez presenta en Sarria “O canto do muecín”
O escritor Lois Diéguez presenta o día 22 xuño (venres) ás 20:30 horas, na Casa da Cultura de Sarria, O canto do muecín, a súa última novela (A Nosa Terra). Na presentación o autor fará un itinerario por distintos textos da novela a través de imaxes, música e lecturas nunha montaxe do grupo poético Círculos Líticos; contará coa participación da presidenta da A. C.Peleriños Milagros Núñez e os escritores, profesores e profesoras, e técnicos de imaxe: Isidro Novo, Antón Fortes, Mario Núñez, Divina Fernández e Camilo Santos. Desde as 18:30 horas o autor estará na Casa da Cultura para a asinatura de libros.
Presentación n’ A Coruña de “Punver”, de Yolanda Castaño
Mañá sábado día 16, ás 12:30, preséntase Punver, o último libro da escritora Yolanda Castaño. Será na Biblioteca Municipal Infantil Xuvenil (r/ Durán Loriga, 10 – baixo), “nun acto aberto a todo o público interesado, en especial aos máis pequenos, a partir de 3 anos. A actividade está pensada coma un contacontos moi participativo a cargo de Yolanda Castaño, seguido dun obradoiro de pintura no que os nenos e nenas poderán gozar con Punver da man do ilustrador Eduardo Hermida.”
Lois Diéguez presenta “O canto do muecín” n’ A Coruña
O canto do muecín, novela de Lois Diéguez editada na colección “Central Literaria” de Edicións A Nosa Terra, presentarase na Coruña o día 14 de xuño ás 20:30 horas en “Portas Ártabras” (Rúa Sinagoga, 22). Participarán a profesora da Universidade da Coruña Pilar García Negro e o historiador Felipe-Senén. O acto pecharase cunha representación multimedia a cargo de Lino Braxe, Flor Maceiras, Isidoro Novo e Antón Fortes. Organizan o evento a A. C. Alexandre Bóveda e os Amigos dos Museos de Galicia.
Presentación en Ourense de “Írimo”, de Stella Estrada
O martes 12 de xuño ás 20:15 horas, na Sala de Tertulia do Liceo de Ourense, terá lugar o a presentación da novela de Stella Estrada titulada Írimo. Intervirán Manuel Zabal, profesor de literatura, Marisol Iglesias, editora e a propia autora.
Ditaminados os Premios Xerais 2007
Iª Festa da narración oral, en Arca – O Pino
A Iª Festa da Narración Oral celebrarase en Arca – O Pino (A Coruña) o sábado 7 de xullo de 2007. Está aberto o prazo de inscrición (consultar aquí). Na Festa haberá actividades de formación de educadores e educadoras (previa inscrición). Haberá tamén actividades abertas ao público de todas as idades, incluída a de contar contos (gratuíta, previa inscripción tamén).
Durante a xornada intervirán, entre outros/as: Carlos Blanco, Cándido Pazó, Miguel de Lira, Pepe Penabade, Paula Carballeira, Iolanda Aldrei, Pepa Yáñez, Xabier P. Docampo, Ugia Pedreira e o ilustrador Xosé Cobas.
