María Reimóndez presenta a súa novela Pirata no Carballiño, nun acto no que estará acompañada polo músico Xabier Díaz. Será o vindeiro mércores, 18 de novembro, ás 20,00 horas, no Salón de Actos da Casa da Cultura (Praza Antón Losada, 1 O Carballiño).
Arquivo da categoría: Narrativa
Santiago: presentación de Sol de inverno de Rosa Aneiros
A novela de Rosa Aneiros Sol de inverno, gañadora do Premio Xerais 2009, preséntase o xoves 12 de novembro en Santiago nun acto que contará coa participación de Helena Soto, Manuel Bragado e a autora. Será na Libraría Couceiro (Praza de Cervantes, 6 de Santiago) a partir das 20 horas, con entrada libre.
Lugo: presentación de Mercurio de Emilio Alonso
Mañá mércores 11 de novembro preséntase en Lugo a novela Mercurio de Emilio Alonso, Premio La Voz de Galicia 2008. O acto contará coa participación de Manuel Bragado e Emilio Alonso e comezará ás 20,00 horas no Salón de Actos do IES Lucus Augusti, Avda Rodríguez Mourelo, s/nº de Lugo. Pola mañá, ás 13,30 horas, terá lugar un encontro entre Emilio Alonso e parte do alumnado do IES Lucus Augusti.
Pontevedra: presentación da novela Pirata de María Reimóndez
Hoxe mércores, 4 de novembro, ás 20:30 horas, na Galería Sargadelos de Pontevedra (rúa Oliva 22) presentarase Pirata, a máis recente novela de María Reimóndez. No acto, coorganizado polo Ateneo de Pontevedra e Xerais, acompañarán á autora, Mª Xesús Fariña Busto, o músico Xabier Díaz e o editor Fran Alonso.
Unha obra de Manuel Rivas, libro de lectura nas escolas de Timor Oriental
O libro A lingua das bolboretas de Manuel Rivas foi traducido á lingua tetun, co-oficial de Timor Oriental. A edición bilingue de Borboleta sira-nian nanál será incorporada ao curriculum escolar como libro de lectura para todas as escolas de Timor e tamén para as campañas de alfabetización de adultos. A obra incorpora un prólogo de José Ramos Horta, Presidente da República de Timor e Premio Nobel da Paz.
O libro foi presentado hoxe en Madrid nun acto aberto ao público celebrado no centro de Casa Asia (Palacio de Miraflores, Carrera de San Jerónimo, 15, 1ª planta) ás 11:30. A presentación correu a cargo de Manuel Rivas, escritor do relato A lingua das bolboretas; un representante de AECID; Luis Caparrós, Vicerreitor de Cultura e Comunicación da Universidade da Coruña; María Xesús Pena Castro, Presidenta de ALGA; Teresa Gutiérrez del Alamo, directora de programas do Centro Casa Asia (Madrid), e Luis Gárate Castro, profesor da UDC e codirector do Proxecto Bolboreta.
Ferrol: presentación da novela de Rosa Aneiros gañadora do Premio Xerais
Mañá mércores, 28 de outubro, ás 20:00 horas na Galería Sargadelos de Ferrol realizarase a primeira presentación de Sol de Inverno, a novela de Rosa Aneiros gañadora do Premio Xerais 2009. No acto acompañarán á autora Sonia Díaz Pereiro e Manuel Bragado.
Gondomar: encontro con Marcos Calveiro arredor de Festina lente
A libraría Libraida, en colaboración con Edicións Xerais, organiza un encontro co escritor Marcos Calveiro, autor de Festina lente, a novela proposta no club de lectura Sete Vidas para o mes de outubro. O acto, presentado polo profesor Manuel Candelas, celebrarase este venres, 23 de outubro, ás 20.30 horas na libraría Libraida (Rosalía de Castro núm. 13, Gondomar).
José Saramago: “A Bíblia é um manual de maus costumes e um catálogo do pior da natureza humana”
José Saramago, Premio Nobel de Literatura en 1998, presentou no Museu Municipal de Penafiel o seu novo romance, Caim, cuxa escrita constitui para o autor portugués “um exercício de liberdade”. O xornal Público recolle unha interesante crónica do acto e unha breve entrevista en vídeo co escritor.
Un título de Xavier Alcalá gaña o Premio Planeta
«Onte soubemos que o título da novela gañadora do Premio Planeta, de autoría de Ángeles Caso, é Contra el viento, exactamente o mesmo que o da edición en castelán de Cárcere verde, a novela que, levemente retocada, se atopa no interior de Tertúlia como obra que funciona como suposto plaxio. Recomendacións de críticos e insistencia de editores levaron o autor a extraer un texto que nada ten na realidade de plaxio. Tres son as compoñentes principais da narración: a fábula –con probable base histórica– da Cidade dos Césares oculta na selva, a descuberta –publicada pola revista National Geographic– de restos dunha elevada cultura ao Abrigo do Sol amazónico e a experiencia persoal de Xavier Alcalá nos laberintos da xungla. Documentación científica e lecturas da narrativa amazonista completaron as bases dun clásico de aventuras –fulgor de diamantes, cobiza e morte– que forma parte do ciclo americano de Alcalá.”» (Blogue de Xavier Alcalá)
Vigo: presentación do álbum A dama da luz
O vindeiro luns, 19 de outubro, ás 20:00 horas presentarase na Casa do Libro de Vigo o álbum A dama da Luz. No acto intervirán Agustín Fernández Paz (autor do texto), Jorge Magutis (autor das ilustracións) e Helena Pérez (editora do álbum).
