O sábado 26 de xuño, a partir das 18:00 horas, na Libraría Couceiro de Santiago (Praza de Cervantes, 6), preséntanse a edición de Cantares Galegos, de Rosalía de Castro, ao coidado de Higínio Martins, publicada pola Academia Galega da Língua Portuguesa e Edições da Galiza, xunto á do cancioneiro de Marcial Valladares, intitulado Ayes de mi país, en edición de José Luís do Pico e Isabel Rei Sanmartim, publicado pola editora Dos Acordes coa colaboración da Central Folque e a AGLP. A presentación será seguida por un recital de poesía e música.
Arquivo da categoría: Poesía
Manuel Darriba gaña o premio González Garcés de Poesía
Ourense: presentación de No fío da navalla e outros poemas, de Modesto Hermida
Santiago: presentación de Camiño ao mar, de X. H. Rivadulla Corcón
Este martes 22 de xuño, ás 21:30 horas, presentarase o libro de X. H. Rivadulla Corcón, Camiño ao mar, no marco do I Encontro internacional sobre literatura de Viaxes (LITVI 2010). O acto terá lugar nunha carpa instalada no paseo central da Alameda, en Santiago de Compostela. A presentación correrá a cargo da escritora Anxos Sumai, e o autor dará un recital poético acompañado polo trompetista Franky Valencia.
Camiño ao mar de X. H. Rivadulla Corcón, é un poemario narrativo, no que un mariñeiro que vive de vagabundo en Compostela, atopa unha gaivota morta na Quintana dos Mortos, e este feito motívao para iniciar a viaxe de regreso ao seu mundo, o mar, coa intención de enterrar unha pluma desa gaivota nunha praia da Costa da Morte. A viaxe transcorre a través do Camiño Xacobeo de Santiago-Fisterra-Muxía. En realidade trátase dunha viaxe na procura da verdade interior do vagabundo.
O poemario está estruturado en cinco partes, compostas cada unha delas por un poema longo de 126 versos cada un. A primeira parte refírese a cidade de Compostela, e as outras catro aluden cada unha as catro etapas que tradicionalmente configuran a rota Xacobea a Fisterra e Muxía.
A Coruña: recital poético-musical na exposición “Cada paso conta”
O martes 22 de xuño,
ás 20:00 horas, na Casa Casares Quiroga (Panadeiras, 12) da Coruña, haberá un recital poético-musical, organizado por Acción contra el Hambre Galicia. Nel participan Marica Campo, Francisco Fernández Naval, Olga Patiño e Emma Pedreira, e os compoñentes do grupo folk Citania: Teresa Méndez (violín) e Brais Morán (guitarra). Este acto está enmarcado na exposición CADA PASO CONTA: pintura, fotografía, escultura, poesía, ilustración, artesanía, na que máis de 70 artistas doan as súas obras para loitar contra a desnutrición infantil. A entrada será libre até completar capacidade.
A Estrada: presentación de (Retro)visor, de Antía Otero
O martes 22 de xuño, ás 20:00 horas preséntase (Retro)visor, o novo poemario de Antía Otero, no Centro Social Setestrelo, sede da Asociación Cultural Kenkeirades, na Estrada. No acto participará a propia autora acompañada por Fran Alonso.
Santiago: presentación de Os Eidos. Libro del Caurel, de Uxío Novoneyra, en editoral Árdora
O martes 22 de xuño ás 20.00h no Salón de Actos do Hotel Araguaney, en Santiago, preséntase a edición bilingüe da editorial Ardora de Os eidos. Libro del Caurel, de Uxío Novoneyra. No acto participarán José Luis Gallero (editor), Lupe Gómez, Herminio Barreiro e Ignacio Castro.
A Coruña: presentación de Xoguetes póstumos, de Emma Pedreira
Este venres día 11, ás 20:00 na Asociación Alexandre Bóveda (Rúa dos Olmos, 16-18), preséntase Xoguetes póstumos, de Emma Pedreira, libro gañador do III Premio de Poesía Illas Sisargas. Ademais da autora participarán Ana Cibeira, Eva Veiga e Teresa Seara.
Lóuzara: convocan para o roteiro literario do Fiz Vergara Vilariño
A Coruña: recital de Eva Veiga e o grupo Ouriol
Será o mércores 9 ás 20:00 na Casa Casares Quiroga (Panadeiras, 12). Co título de ¨África”, o recital está organizado por Acción Contra el Hambre Galicia.
