A Conferencia sobre María Mariño de Carmen Blanco prevista para mañá venres 27, no marco do “Vº Ciclo de Conferencias Visións de Galicia”, é aprazada para unha nova data que se comunicará, debido a un problema personal da conferenciante. (El Liceo de Ourense)
Arquivo da categoría: Poesía
“Palabras de mulleres”, encontro de poetas en Lugo
Este evento terá lugar os días 9, 10 e 11 de maio de 19:00 a 21:30 horas no Centro Cultural Uxío Novoneyra (Lugo). Constituirá un espazo no que se debaterán, investigarán e intercambiarán coñecementos sobre o traballo desenvolvido ao longo da historia polas poetas galegas. Participarán as seguintes poetas: Marilar Aleixandre, Lupe Bao, Carmen Blanco, Marica Campo, María do Cebreiro, Cristina Corral Soilán, Emma Couceiro, Estíbaliz Espinosa, Ma. Sara Fernández, María Lado, e Helena Villar Janeiro.
Lucía Aldao e María Lado na casa-museo Emilia Pardo Bazán
Este luns 23 de abril, día do libro, a casa-museo de Emilia Pardo Bazán ofrece, entre outras actividades, un recital poético a cargo de Lucía Aldao e María Lado. Será ás 17:00 horas.
Enma Couceiro na Galería Sargadelos da Coruña
O próximo martes 24 de abril ás 20:00 horas, na Galería Sargadelos da Coruña (Rúa Real, 56), Enma Couceiro protagonizará unha nova edición do ciclo “Martes Literarios”, que con carácter periódico (quincenal) ofrece esta galería.
Presentación d’ “Os ríos pasan cheos de Deus”, de Victorino Pérez
O libro Os ríos pasan cheos de Deus. Poesía relixiosa en galego, de Victorino Pérez Prieto, será presentado n’ A Coruña o 4 de Maio (20:00 horas) no salón de “Portas Ártabras”, R/ Sinagoga 22 (tras da ábsida da Colexiata de Santa María) . Intervirán, entre outras persoas, a escritora Luz Pozo (da Real Aacademia Galega) e o autor.
Poemas cantados de Francisco Brives na Casa de Galicia en Madrid
Dentro do ciclo “ReCrea Galicia “, na Casa de Galicia en Madrid (Rúa Casado del Alisal, 8) terá lugar o espectáculo Poesía cantada, con poemas de Francisco Brives e recital de guitarra a cargo de Manu Clavijo. Será o 25 de abril ás 20:00 horas.
IIIº Encontro de Creadores do Barbanza
En Rianxo, do 20 ao 22 de abril e baixo o epígrafe A cor dos soños, terá lugar o IIIº Encontro de Creadores do Barbanza coa intención de contribuír á reflexión sobre as relacións da literatura infantil coa ilustración e o ensino. O encontro incluirá a presentación d’ A voz do lago de Antón Riveiro Coello, Unha bruxa ben rara de Carlos Mosteiro e o libro colectivo A cor dos soños, obra colectiva na que participan 14 ilustradores relacionados co Barbanza. Participarán tamén no evento Xosé A. Neira Cruz, Rodrigo Chao, Pablo Otero “Peixe”, María Xesús Blanco, Xavier P. Docampo, Cristina Novoa, Xesús Santos Suárez e F. R. Lavandeira. Os actos finalizarán cun recital a cargo de Estívaliz Espinosa. (Barbantia)
Entrega do VIIº Premio de Poesía Fiz Vergara Vilariño
O venres 4 de maio de 2007, ás 20:00 horas, terá lugar no hotel NH Alfonso IX de Sárria a entrega do VIIº Premio de Poesía Fiz Vergara Vilariño. O acto contará coa participación dos membros do xurado Emma Pedreira, Isidro Novo e Miguel Anxo Fernán-Vello, o alcalde de Sarria José Antonio García, a presidenta de Ergueitos María Casar, a artista autora da obra que ha de entregarse ao gañador, Mónica Alonso, e o autor premiado Xosé Antón Neira Cruz.
Presentación dunha antoloxía dos Premios Esquío (1981-2006)
O día 21 de abril, sábado, a Sociedade de cultura Valle-Inclán de Ferrol honrará o Patrimonio de Feira Antiga na Arquitectura dos Pendellos d’Agolada coa celebración dos seus 25 anos (máis un) de existencia, na coordinación do Premio Esquío de poesía (galego e castelán). Neste contexto terá lugar a presentación do libro Poesía viva, pura poesía (Antoloxía dos Premios Esquío: 1981-2006), e un recital dos poetas premiados conducido por Vicente Araguas. Entre os poetas que xa teñen confirmada a súa asistencia figuran: María do Carme Álvaro, Ramón Caride, Baldomero Iglesias Dobarrio, Fernández Abella, David Otero, Elvira Riveiro Tobío e Ángel Utrera Baza.
Comezan hoxe os “Martes literarios” da galería coruñesa de Sargadelos
Comezará o acto ás oito da tarde e contará coa presenza de Luz Pozo. (El Ideal Gallego)
