A Concellaría de Cultura do Concello de Sarria e a Agrupación Cultural Ergueitos presentan o libro co que Xosé Antón Neira Cruz gañou a VII edición do Premio de Poesía Fiz Vergara Vilariño, titulado De esparto e seda.
O acto de presentación terá lugar o sábado 15 de marzo de 2007, ás 19:00 horas nos locais da Sociedade “La Unión” de Sarria. Participarán Xermán Arias, Concelleiro de Cultura do Concello de Sarria, María Casar, Presidenta da A.C. Ergueitos, Isidro Novo e Miguel Anxo Fernán-Vello, membros do xurado e o autor do libro galardoado, Xosé Antón Neira Cruz. Ao remate da acto literario actuará a violonchelista Cristina Nogueira. (A.C. Ergueitos – Sarria)
Arquivo da categoría: Presentacións de libros
Presentación na Coruña d’ O xiro postal, de Ousmane Sembène
O mércores 12 de marzo ás 20:00 horas, na Sala de prensa da Fundación Caixa Galicia (Cantón Grande, A Coruña) terá lugar a presentación do libro O xiro postal (Rinoceronte Editora), do escritor e director senegalés Ousmane Sembène. O acto contará coa presenza do editor, Moisés Barcia, e do autor do epílogo, Martin Pawley.
Presentación na Coruña de Amor deshabitado, de Ánxeles Penas
O día 13 de marzo, ás 20:00 horas na Fundación Caixa Galicia da Coruña (Cantón Grande, 21-24), terá lugar a presentación do poemario Amor deshabitado, de Ánxeles Penas. No acto intervirán Xavier Seoane, Teresa Seara, Miguel Anxo Fernán Vello e a autora. Tamén se ofrecerán unha lectura-recital a cargo da actriz Ánxela G. Abalo e unha actuación musical do violinista Mijail Moriatov.
Presentarase en Compostela Migracións na Galicia contemporánea. Desafíos para a sociedade actual
O 28 de febreiro, ás 20:00 horas e na libraría Couceiro (Praza de Cervantes) de Santiago de Compostela, presentarase a obra Migracións na Galicia contemporánea. Desafíos para a sociedade actual (Sotelo Blanco Edicións, col. Diáspora Investigacións), coordinada por Xosé Manuel Cid Fernández, Xoán Carlos Domínguez Alberte e Raúl Soutelo Vázquez. Intervirán Francisco Xosé Fernández Naval, Juan Manuel Rey Rey , Xosé Manuel Cid, Julio Miras Amor e Olegario Sotelo Blanco.
Presentarase en Ourense Para dicir abril, de Xosé Vázquez Pintor
O sábado 1 de marzo, no Auditorio Municipal de Ourense, a catedrática da Facultade de Filoloxía da Universidade de Vigo Camiño Noia Campos presentará o libro Para dicir abril, de Xosé Vázquez Pintor, polo que recibiu o Premio Vicente Risco de Creación Literaria en 2007. Será ás 12:00 horas.
Preséntase na Coruña O humor non engorda…!!!, de Kiko da Silva
o xoves 28 de febreiro terá lugar a presentación na Coruña do libro O humor non engorda…!!! (Biblos), de Kiko da Silva. Será ás 20:30 horas na Asociación Cultural Alexandre Bóveda, e coincidirá coa inauguración da exposición do mesmo nome.
Presentación en Vigo da novela As palabras da néboa , de Francisco Castro
A presentación da novela As palabras da néboa (Premio de Novela García Barros 2007), de Francisco Castro, terá lugar en Vigo o próximo xoves 28 de febreiro na Casa do Libro, ás 8 da tarde. e que vén de editar. O acto será presentado polo director literario da Editorial Galaxia Carlos Lema e polo escritor Álvaro Otero.
Presentación na Coruña da novela O de Millarengo, de Betty Martínez Millarengo
Este mércores 27 de febreiro, ás 20:00 horas, terá lugar na coruñesa Galería Sargadelos a presentación da novela O de Millarengo (Edicións do Castro), de Betty Martínez Millarengo. Contará coa presenza, na sala da primeira planta do local da Rúa Real, da propia autora do libro, así como da alcaldesa de Betanzos María Faraldo e do cantautor Xoán Rubia.
presentación na Coruña do libro Sextinario: trinta e seis + tres, de Marica Campo
A Asociación Cultural Alexandre Bóveda organiza para o mércores 27 de febreiro a presentación na Coruña do libro Sextinario: trinta e seis + tres, de Marica Campo. Terá lugar a ás 20:30 horas no salón de actos da asociación (Olmos 16-18, 1º).
Preséntase en Compostela a Grial nº 176: Xénero, sexo e sexualidade
Será na Fundación Caixa Galicia de Santiago, o martes 26 de febreiro ás 20:00 horas, coa participación de Rosario Sarmiento, Víctor F. Freixanes, Dolores Vilavedra e María Xosé Agra.
