[kml_flashembed movie="http://www.youtube.com/v/ccVXdjlvMsM" width="425" height="350" wmode="transparent" /]O sábado 24 de xaneiro, ás 20:00, A casa do poeta (Juan Carballo, poemas; Moncho Núñez, cancións) fará unha parada no Ateneo Ferrolán. (Ateneo Ferrolán)
Ferrol: presentación do libro e á campaña de animación á lectura da Sargadelos
A Galería Sargadelos Ferrol ten o pracer de convidal@s á presentación do libro e á campaña de animación á lectura desta semana.
Novo número de Foeminas (Revista Virtual de Xénero)
Xa está disponíbel o número 39 da revista foeminas. Para consultala, só é preciso entrar na web da revista.
Compostela: acto de ingreso de Margarita Ledo na Real Academia Galega
O sábado 7 de febreiro, ás 12:00 no Paraninfo de Xeografía e Historia de Compostela (Praza da Universidade), terá lugar o ingreso oficial de Margarita Ledo na RAG.O discurso leva por título “Do bucle e da fenda. Para un ensaio crítico sobre a cultura galega”. A resposta será responsabilidade de Rosario Alvarez Blanco. O acto é público.
A Coruña: recital de Xavier Seoane e Manuel Rivas
Hoxe martes 20 ás 20:00 no local da Agrupación Cultural Alexandre Bóveda (Olmos, 16-18 – 1º) terá lugar un recital poético a cargo de Xavier Seoane e Manuel Rivas dentro do ciclo “A palabra na voz de quen a crea”, que conmemora o 25 aniversario do colectivo “De amor e desamor”. A serie de recitais proseguirá ao longo dos próximos meses. A entrada é de balde até completar aforo. (A Coruña Cultura)
II Premio de poesía María Mariño
«A Asociación teenses pola igualdade, de Teo (A Coruña), convoca o II Premio de poesía María Mariño. Estará suxeito ás seguintes BASES:
1º.- Poderán participar todas as persoas poetas maiores de idade que o desexen calquera que sexa a súa nacionalidade sempre que o seu traballo veña escrito en galego.
2º.- Os poemas que se presenten terán que ser orinxinais, inéditos e non presentados noutros concursos, sendo libres o tema e maila forma.
3º.- II Premio María Mariño de Poesía estará dotado cun: Primeiro Premio de 500 Euros e un Segundo Premio de 300 Euros.
4º.- Cada concursante participará cun só poema, que non deberá exceder dos CEN VERSOS mecanografados a dobre espazo en formato DIN-A4, por unha soa cara e por quintuplicado.
5º.- Os poemas deberanse presentar baixo lema, indicando no sobre: “PARA O II PREMIO DE “POESÍA MARIA MARIÑO”. No interior do sobre que conteña o traballo, achegaráse en sobre aparte, pechado e lacrado cos seguintes datos: o nome, apelidos, carnet de identidade, enderezo e teléfono, da persoa autora do traballo así coma un resumo dos seus datos biográficos que non deberá exceder das 15 liñas.
6º.- O Xurado cualificador estará integrado por cinco personalidades das letras e da cultura galegas actuando como sexretario/a con voz e sin voto unha persoa, proposta pola directiva da Asociación. O fallo do Xurado será inapelable. A composición do Xurado así como o nome dos galardonados darase a coñecer a través dos medios de comunicación. Aos premiados comunicaráselles directamente.
7º.- A entrega dos Premios terán lugar nun acto poético en dia a sinalar dentro da Semana das Letras Galegas 2007.
8º.-O prazo improrrogable presentación dos traballos rematará ás 12 horas do 16 de abril do 2008.
9º.- Os poemas remitiranse a:
Asociación Teenses Pola Igualdade/
Escola de Vilanova, 1º andar. Recesende
15895-TEO – (A Coruña)
10º.- Os traballos gañadores quedarán en poder da Asociación Teenses Pola Igualdade que se reserva os dereitos sobre o mesmo; os traballos presentados non premiados, deberán ser retirados polos autores previo identificación, no prazo de dous meses dende a entrega do Premio, transcurrido dito prazo procederáse a súa destrucción.
11º.-A participación neste concurso implica a total aceptación das presentes Bases. Tódalas incidencias non previstas nas mesmas serán resoltas pola Directiva da Asociación ou polo Xurado cando este quede constituido.
A Librería ABRAXAS de Santiago de Compostela patrocina a presente edición do II Premio de Poesia Maria Mariño.
TEO, 15 de xaneiro do 2009.»
(A Xunta Directiva)
A Coruña: presentación do documental Na frente unha estrela, de Rivadulla Corcón
O mércores 21 de xaneiro ás 19:00 terá lugar na sede da Real Academia Galega (Tabernas, 11) a presentación do documental Na frente unha estrela, realizado por Rivadulla Corcón sobre a figura de Manuel Curros Enríquez. Convidan a RAG e a Concellaría de Cultura da Coruña.
Compostela: rolda de prensa en defensa da xornalista mexicana Lydia Cacho
A Fundación Lydia Cacho e a Asociación de Periodistas de Santiago de Compostela convídante á rolda de prensa en defensa da xornalista mexicana Lydia Cacho ante os Tribunais Internacionais e presentación da Fundación.
-Lugar: Club Internacional de Prensa (Avda. da Coruña, 6 – baixo)
-Data: mércores 21 de xaneiro
-Hora: ás 19.30 h
-Conferenciantes: Luís Tosar, actor e cantante; Alicia Luna, Presidenta Executiva da Fundación Lydia Cacho; Luís Menéndez, Presidente da Asociación de Periodistas de Santiago de Compostela; Xulia Campo, Presidenta da Agrupación de Mulleres Xornalistas da APSC.
Despois do evento, farase un chamamento ós/ás asistentes para tomar uns viños todos/as xuntos/as.
· Concerto Solidario
-Lugar: Sala Nasa (R/San Lourenzo,51-53 B)
-Data: xoves, 22 de xaneiro
-Hora: 21.30 h
-Actuacións: The Homens; Kimuru; The Ellas; Víctor Coyote
-Presentado por Quico Cadaval
(Asociación de Periodistas de Santiago de Compostela)
Entrega do Facho de Ouro a Xosé Neira Vilas
«A Directiva da Agrupaçom acordou outorgar O Facho de Ouro ao escritor e homem de bem, D. Xosé Neira Vilas, como testemunha e reconhecimento a sua longa trajectória na defesa da dignidade e da cultura do País. O acto cívico será acompanhado dumha ceia-homenagem que se celebrará o sábado, dia 31 de Janeiro, às 21 horas no Hotel Riazor d’A Corunha.
Preço por pessoa: 30 €. Para reservar lugar chamade a Rafael (telefone: 981.269.663-tardes; c. electrónico: lobezan@yahoo.es)» (Agrupaçom Cultural O Facho)
Feira Internacional do libro da Habana
«[…] Na delegación galega, amais de tres persoas para facerse cargo do stand, irán para participar en presentacións de libros, conferencias e obradoiros, tanto na propia Feira coma na Cátedra de Galego ou no Instituto de Literatura e Lingüística, os escritores Anxos Sumai e Paco Martín, o ilustrador Xosé Tomás, Xabier Cid, escritor e coordinador da publicación “Letras de Galicia”, e o músico Ramom Pinheiro, músico e autor do estudo “As viagens dos grupos de musica tradicional a América antes de 1936”, entre outras investigacións sobre a pegada da música galega en América.» (A Nosa Terra)
