Prazo de presentación: até o 30 de maio de 2007. Información na páxina do Instituto de Estudios Miñoranos.
IIº Premio de novela curta do Concello de Valadouro
Até o 1 de xuño de 2007. As bases aquí.
Vº Premio Int. Barriga Verde de textos para teatro de marionetas
Exposición “Poemas pola memoria”, n’A Coruña
Na Asociación Cultural Alexandre Bóveda da Coruña (Olmos, 16-18, 1º) o vindeiro venres 25 de maio (13:00 horas) terá lugar a rolda de prensa de presentación da exposición Poemas pola memoria, que organiza a Marcha Mundial das Mulleres, en colaboración coa Comisión de Recuperación da Memoria Histórica e patrocinada pola Delegación provincial da Consellaría de cultura.
Trátase dunha exposición fotográfica de Manolo Graña acompañada por poemas que recollen a represión fascista en Galiza. A inauguración será o mesmo día ás 18:00 horas.
Entrega de premios do concurso “Contos do Mediterráneo”
Dentro do programa do “IIº Ciclo Galiza: nin rastro de mulleres?”, na Biblioteca Francesca Bonnemaison de Barcelona (Sant Pere més Baix, 7) terán lugar un recital poético en homenaxe a María Mariño e a entrega de premios do concurso literario Contos no Mediterráneo, que contará coa presenza do escritor Diego Ameixeiras. Será o venres 25 de maio de 2007, ás 19 horas.
Cristina Ferreiro Real gaña o XIº Certame Francisco Añón de Poesía
XXº Premio nacional de poesía Xosé María Pérez Parallé
Suso de Toro en Carballo
O Concello de Carballo e a Cervexaría San Xoán promoven unha conversa con Suso de Toro, autor de Home sen nome, dentro do proxecto Literactúa, de difusión do libro e da lectura en galego. Será o mércores 30 de maio de 2007 ás 20.30 horas na Cervexaría San Xoán (Rúa de Ourense, 8-10, Carballo)
Conferencia de José Braga-Amaral na Coruña
O martes 22 de maio, ás 20:30 horas no salón de actos da Asociación Cultural Alexandre Bóveda de Coruña (Olmos, 16-18, 1º), terá lugar a conferencia a cargo do escritor portugués D. José Braga-Amaral, que falará d´”O mesmo sol, a mesma terra, a mesma língua, dois escritores irmãos da Galiza: Miguel Torga e João Araujo-Correia”.
Yolanda Castaño no Festival Internacional “Primavera poética” de Lituania
Yolanda Castaño será desde o día 21 de maio a única representante do estado español no Festival Internacional “Primavera poética” de Lituania. Este festival conta xa con 43 edicións (dende o ano 1965). O encontro constitúe unha consolidada cita no mundo da poesía a nivel mundial e que vai contar este ano e por vez primeira na súa historia cunha autora de literatura galega. (La Voz de Galicia)
