Arquivos da etiqueta: Ámbito Cultural El Corte Inglés

Compostela: Día Mundial do Teatro. Charla-obradoiro con Carlos Labraña

Publicado o por

Desde El Corte Inglés de Santiago de Compostela:
“No marco da celebración internacional do teatro, conmemorando o Día Mundial das Artes Escénicas para a Infancia e a Mocidade (20 de marzo) e o Día Mundial do Teatro (27 de marzo), Ámbito Cultural de Santiago organiza unha actividade especial destinada a achegar o teatro aos máis novos, o 25 de marzo, ás 11:30 h., na Sala Ámbito Cultural de El Corte Inglés de Santiago de Compostela, Carlos Labraña manterá un encontro cuxo obxectivo é achegar o teatro aos escolares mediante unha sesión lúdica, participativa e formativa que permita ao alumnado descubrir a literatura dramática desde dentro: escoitándoa, interpretándoa e gozándoa. A esa sesión asistirá alumnado do Colexio Alca, convidados especialmente para participar nesta actividade vivencial.”

Día Mundial do Teatro. Charla-obradoiro con Carlos Labraña, en Compostela

Desde El Corte Inglés de Santiago de Compostela:
“No marco da celebración internacional do teatro, conmemorando o Día Mundial das Artes Escénicas para a Infancia e a Mocidade (20 de marzo) e o Día Mundial do Teatro (27 de marzo), Ámbito Cultural de Santiago organiza unha actividade especial destinada a achegar o teatro aos máis novos, o 25 de marzo, ás 11:30 h., na Sala Ámbito Cultural de El Corte Inglés de Santiago de Compostela, Carlos Labraña manterá un encontro cuxo obxectivo é achegar o teatro aos escolares mediante unha sesión lúdica, participativa e formativa que permita ao alumnado descubrir a literatura dramática desde dentro: escoitándoa, interpretándoa e gozándoa. A esa sesión asistirá alumnado do Colexio Alca, convidados especialmente para participar nesta actividade vivencial.”

Samuel Merino: a voz reflexiva que conquista o VII Premio ‘Nacional de Poesía Viva #LdeLírica’

Publicado o por

Desde Estandarte:
“O pontevedrés Samuel Merino foi proclamado gañador da sétima edición do Premio Nacional de Poesía Viva #LdeLírica, organizado por Ámbito Cultural de El Corte Inglés. Nunha convocatoria que reuniu máis de 500 poetas de toda España, Merino impúxose cunha obra que conxuga profundidade filosófica, sensibilidade escénica e unha ollada contemporánea sobre a palabra poética. (…)
Como parte do recoñecemento, Merino protagonizará o vindeiro 10 de outubro unha gala poética no Museo Nacional Thyssen-Bornemisza, acompañado por figuras de altura internacional como o poeta surcoreano Ko Un, os actores Ginés García Millán e Silvia de Pé, a cantautora Guada e a poeta Annët Batlles, gañadora do Premio #LdeLírica 2024 e recente vencedora do Poetry Slam de España.”

María López Quiroga gaña o Premio Illa Nova 2025 coa novela ‘Perder o norte’

Publicado o por

Desde Galaxia:
“En Vigo, a 11 de xullo de 2025, reuniuse o xurado do Premio Illa Nova de Narrativa nas instalacións de Ámbito Cultural de El Corte Inglés. Compóñen o xurado Ana Arias Castro, Iria Collazo, Lara Dopazo, Ramón Nicolás e Adrián Pérez Bote. Exerce de secretaria do xurado, en representación da Editorial Galaxia, Malores Villanueva.
Despois das oportunas deliberacións o xurado decide por maioría outorgarlle o Premio Illa Nova de Narrativa na súa novena edición ao texto Perder o norte.
Aberta a plica cos datos da obra premiada a gañadora resultou ser María López Quiroga.
O xurado destacou que Perder o norte é unha novela cun estilo moderno que dialoga co xénero dramático para tratar asuntos de actualidade como a saúde mental ou a dor. A historia afonda na relación íntima das personaxes protagonistas e, a través delas, esculca nese sentimento ata a emoción.
Esta historia transita diversos territorios, físicos e emocionais, dende as paisaxes luguesas da nenez, ata a xeografía itinerante que percorre a protagonista. Estas referencias espaciais, xunto con outras artísticas, literarias, musicais, constrúen un potente retrato xeracional.
A autora exhibe un estilo poderoso e coidado para narrar o proceso de crecemento da voz narradora.”